الأخ كابتن عادل نور الدين//منقول من المنتدى الخاص

(((هذا الموضوع منقول من المنتدى الخاص،،،، رجاء مراعاة تاريخ المشاركات)))


ارجو ان انوة للأ خوة الزملاء بأن الأخ عادل نور الدين والمقيم حاليأ بالسويس يرقد طريح الفراش بمنزلة بعد ان تم 6 اشهر كامله بسبب وضع رجلة داخل الجبص مع العلم بأنة كان قد أصيب بحادث كسر بنفس ألرجل مما ادي إلي تعطلة عن الحركة لمدة عامان يمكنكم الأتصال بة علي الموبايل رقم 0020124890195

مشكور اخونا عادل للمعلومة ..فعلا الزمن والمسافات وظروف الحياة بيشفلوا الواحد من التواصل..
وااكد ليك انو فى زملاء بيزوروا المنتدى..وبيتطلعوا على الداير فيهوا لكن زمن ماعندهم للكتابة.
اتصلت بالاخ و الزميل العزيز عادل نور الدين..بخير وبحييكم...
الف الف سلام وسلامات لكل الاخوان...

فيصل العب

سلامات...أخونا الكبير...فيصل العب....

والله إحنا من شوقنا للاخريين...وتأكيدا للتواصل بنستقطع من الزمن ونتسابق معه...

لكيما نهمس فى أذن المنتدى...ونقول والله مشتاقيين لكل الذكريات الجميله...

ولكل الشخوص الذين تركوا بصماتهم ظاهرة فى شريط ذكرياتنا...

لكم التحايا والاجلال...ويعتصرنا الشوق لتك الايام الرائعة...

ولكن بوجود هذا النادى الجميل نستطيع ان نبل شوقنا اليكم...

فالرجاء من الاحبه المشاركه ولو بالقليل...وذى ماقال ودالامين...

لو بهمسه قول احبك

أخوكم/أمجد عابدون

البوست مفتوح باسم العزيز عادل نور الدين فنسأل الله العلى القدير ان يشفه هو و الاخ عثمان عبدالله وزوجة الاخ ناجى مكى وكل من ابتلى فى عافيته من بيننا وذوينا واحبتنا انه ولى ذلك وعلى كل شئ قدير ,,,, اللهم اشفهم اجمعين شفاءاً لا يغادر سقما اللهم امين
وتخريمه على امجد عابدون ... ما ظنيت انو ود اللمين قال "لو بهمسه......" بل القائل محمد وردى ويحال الامر لاصحاب الاختصاص ,,, سعد كرار وطارق سيد عبده والاخرين؟؟؟
لكن الشاهد انو بغض النظر عن القائل فنأكد كلام امجد لو بهمسه شاركوا فى هذا النادى

نسال الله الشفاء لمرضانا ومرضا جميع المسلميين...ونسأل الله العلى القدير الشفاء للاخ عادل...

على وزن طبظة لو بهمسة...

يوم كنت طالع من الاكاديمية..متاخر وعلى الباب قابلت شاب مليان شويه اخضرانى بسأل عن اخونا عادل بيز (وبالمناسبه اسم ابوعادل منو,وهل هو من اولاد بحرى) المهم واحنا فى الطريق لمنزل الاخ عادل وبنتجاذب اطراف الحديث, سالته عن اسمه...فرد بانه أبراهيم ...الموصلى...سوال عفوى سريع..ياخى بتقرب شنو للموصلى الفنان...قال ليه ده ماأنا ذاتو...

حلوه يا كرار ... واظنو طبظاتك مع الفن والفنانين عرض مستمر! لى حسه انا بتذكر حكايتك لمّا كابست عبدالعظيم حركه ودخلت فيهو شمال على اساس انو محمد ميرغنى؟؟؟
عادل بيز هو اخونا عادل عبدالوهاب من اولادنا بتاعين الصحافه
والاطبظ من ذلك انو الزول اسمو يوسف الموصلى مش ابراهيم
ونعود

اسمه على ماظن يوسف ابراهيم الموصلى

الأخوان خالد وأمجد تحياتي لكم.
لا ادري هل لديكم المعلومة بأ ن الأخ المرحوم عادل بيز قد توفي إلي رحمة مولاة منز ما يقارب العشرة سنوات نسآل أللة ان يسكنة فسيح جناتة

[b]لا حول ولا قوّة الا بالله , انّا لله وانّا اليه راجعون .....
دنيا فانيه ,,, كتّر خيرك يا عادل انور .... اول مره اسمع
اللهم ارحمه رحمة واسعه

لا حول ولا قوّة الا بالله , انّا لله وانّا اليه راجعون
اللهم ارحم الاخ عادل بيز رحمه واسعه ونسآل أللة ان يسكنة فسيح جناتة

نسأل الله الشفاء للأخ عادل نورالدين و الاخ عثمان عبدالله وزوجة الاخ ناجى مكى اللهم اشفهم اجمعين...امين...امين

اللهم ارحم اخونا عادل وتجاوز عنه وادخله فسيح جناتك...

هم السابقون ونحن الاحقون...

لااله الاالله ولاحول ولا قوة الابالله...إنا لله إنا اليه راجعون..

وهذا البوست قريب الى نفسى،، ومليان باخبار جيده،، خصوصا مرضانا،، نسأل الله أن يعافهم ،،، ويرحم موتانا،،
والعندو جديد عن اخونا عادل نور الدين وكابتن عثمان وزوجة ناجى مكى.. فليوافنا ،

برضو البوست فيهو حكاوى امجد كرار وطبظاته مع الغنا والفنانين

ويحكى لى أخونا الراديو اوفيسر العظيم الحجّاج الرجل المملؤ حكايات من كل اطراف الارض،، وكنا فى وابور سوا،،، عن ايام سودانلاين ،،،انو

نزل اجازة ويا الخرطوم هوا ،، اها الزول الجنبو فى الطيارة اتكشح منو الشاى ولا القهوه،، فى حالة كبكبة،، فالراجل اتلفت على الحجاج معتذراً انو ( والله شغل الليل خلى الزول اعصابه ما تمام ) او شئ كهذا ،،، الحجاج رد على الزول باستغراب
شغل الليل؟؟؟؟ انت يا أخوى شغال شنو اصلا؟؟
وبعد دراما فرضها الموقف واستنكار من الرجل وكيف انت ما تعرفنى،،، أنا

مجذوب أونسة

والله ياود الاستاذ...عندى قصة مع اللاعب الشهير (لاعب الهلال السابق) جعفر عبدالرازق ...لاعب حريف شديد وذو اخلاق عالية جداٌ...

بداية الرحلة فى مطار الخرطوم,تقريبا سنة95, جلست بجوار شاب اسمر اللون هادى جداً وبدانا نتجاذب اطراف الحديث المهم نشأت صداقة تعرف بصداقات الرحلات ...المهم الونسة جرت وعرفت من الشاب الاسمر بانه ذاهب للاسكندرية لزيارة اخوه البدرس هناك...المهم انا كنت نازل القاهرة لكى اريح شوية مع اولاد خالتى ...وقدر ما حاولت اقنع الاخ جعفر انو يمشى ينزل معاى عند اولاد خالتى رفض بتهذيب شديد(وطول المدة ده ماعندى فكرة عن الخلفية الكروية للاخ جعفر اللاعب الاشهر فى تلك الفترة)...المهم قال عاوز ليه فندق يبيت فيه عشان تانى يوم يمشى الاسكندرية...طبعاٌ بالمفهوم القاصر والحكم الضعيف على الشخوص من اشكالهم, كان كونت فكره خاطئه عن الوضع المادى للاخ جعفر وابتديت ادور ليهو عن فندق فى العتبة يناسب وضعه المادى ,الانا قدرته سلفاً المهم دورنا على كم فندق قوبلت بالرفض بتهذيب من قبل الاخ جعفر(طبعا انا مع نفسى بقول والله الظاهرالعب ده مفلهم) المهم فى نهاية المطاف انتهينا الى فندق يحمل النجوم الثلاثة واطمان له ....
وده كان اخر عهدى بالاخ جعفر....

الظريف بالموضوع بعد كم يوم سافرت للاسكندرية وفى زيارة لصديق...وفى الجلسه واحد قال ليه شايف فى الطيارة كبل كم يوم ومعاك جعفر عبد الرازق...باستغراب رديت عليه جعفر منو لانو كان مسحت جعفر ...الاخ السائل استغرب بشدة وافتكرنى بستهبل قال ليه جعفر لاعب الهلال الشهير كنت معاه طول المدة, وقام ورانى بوستر كبير ولدهشتى كان للشاب السمر الهادى الاعب جعفر عبد الرازق....

والله ماأظن ذى الاخلاق ده ترجع للملاعب تانى ولا الكورة السودانية حتقوم ليه قايمة تانى...الا اذا رجعت الاخلاق العالية للملاعب