صور من زمن البحر الجميل

hhh

ياصديقى التايوانى عملية التسجيل فى غاية السهولة ادخل فى free hotmail وابدا بالخطوات واختار مثلا taiwan_scam@hotmail.comلانو مافى فايدة ياعزيزى من اقحام طرف اخر خارج منطقتك واكون واضح ساحتفظ بالنتيجة وافيدك فى نفس عنوانك ولن اعلنها الا بعد موافقتك شخصيا ..هل توافق..طبعا الكلام دا حيلقى اعتراضات شديده لكن نتفق بان توافق فى النهاية بالسماح لى باعلان النتيجة هذا شرط
مع شكرى وتقديرى

ياتايونيز ليه عملت كدة تسحب كل مداخلاتك بهذه السرعة
اولا احب اطمئنك انو انت شخص ضليع جدا ولك خبرة كبيرة جدا فى IT تحسد عليها
لكن الخوف لزومو شنو تعلن انسحابك ..
ثانيا الصور التى ارسلتها هى محفوظة فى السيرفر ادناه:
http://img812.imageshack.us/
وصاح ولا غلط .........وانا وراك والزمن طويل .اذا الله احيانا.......
لك كل الود الى حين اكشف ليك المذيد ...فهل انت على استعداد ولا تقول الروب

الاخوان الاعزاء
بعد العودة حاولت افهم الحاصل شنو مع الفاتح المزيف ولكنى فشلت فشلا زريعا رغم انو عرفت مختطفات عن الموضوع من الاخوان الذين كانوا على اتصال معى فى الفتره التى كنت فيها من غير انترنت او تلفون ارضى , فشلت لعدة اسباب اولها لقيت كل المشاركات قد تم حذفها وان كانت الردود موجوده لكن لم استطيع ان اقراء ما بين السطور لانها كانت تحمل كل الانفعالات الانسانيه من فرح وغضب وترحيب وعدمه ومباركه ووساطه وتحنيس وتهديد وصور وذكريات وكر وفر وتخمين عن شخصية المزيف وزمانها والزمن الجميل وشندى ومريدى , الظريف فى الموضوع وفى بدايه موضوع المزيف وفى اتصال بالاخ الرشيد قال لى حكاية انو شاكى فى انى انا هو من يكتب باسم الفاتح المزيف وقد بنى شكه على احد ردودى على المزيف واقنعنى بانه اقتنع بانى ليس هو ولكن شايف فى احدى مداخلاته الجديده انه مازال فى شكه القديم رغم علمه انى لم احضر لا شندى ولا مريدى ويارشدى الحبيب والله لو كان لدى المقدره على المداخله باكثر من اسم لكان من الاجدى ان اتداخل باسم عاطف عكود لشعورى بالتقصير الغير مقصود فى التواصل مع الجميع فى كثير من الاحيان , عموما كم كان بودى ان ادلو بدلوى فى الموضوع ككل ولكن الظاهر فات الاوان والانكتب ما كلو بان , بعد الحذف.
ودام التواصل
عاطف عكود

نعود بعد انقطاعة اجبارية ،،،وشايف انو التايوانى العزيز شديد الأدب
آثر ان ينزوى بعد ان اطلق فى سماء الاثير كتير من البالونات الملونة وشغل الحضور بكثير حضور تباينت فيهو الاراء ،،وهذا حتما دليل عافية ان يصبح الناس على حب ويمسون على مودة ،،وما بين ده وده يكبر ما بين الكل من إلفة واحساس حقيقى بالتوحد ،

لك الود يا تايوانى حاضرا اما وان اخترت الغياب ففى انتظار حضورك الاصيل
وللتاريخ اقول ،،بمتابعتى حتى للمواضيع الانحذفت ،،ما كان فيها ما يخدش حياءا او خارجا عن النص

عودا حميدا بالاخ الرشيد ونتمنى عودة الجميع دون انقطاع وبالاخص التايوانيز
واحب اطمئن الجميع بان الصورة الاولى فى الحفظ والصون وهاهى:

https://2img.net/r/ihimizer/img257/5255/83222104.jpg

العزيز رشدى
اتفق معك قلبا وقالبا فيما ذهبت اليه بخصوص حذف المداخلات خصوصا بعد ان تصبح ملكا عاما وذات علاقه بما بعدها وما قبلها من مشاركات للغير فهل من حق كاتبها التصرف فيها بالحذف وترك مشاركات ومداخلات بقيه الاخوان معلقه فى الهواء سااااكت كدى !! وقد كنت اتصلت بالاخ خالد يوم الخميس للمشاوره فى هذا الموضوع والاستشاره التقنيه لاخونا حاتم من امكانيه تحقيق ذلك , واستشاره كل اعضاء المنتدى حول منع حذف اى مشاركه بعد مرور فتره محددة 24 ساعة مثلا . افيدونا افادكم الله
ودام التواصل
عاطف عكود

الاخوان الاعزاء
رواد المنتدي بدون فرز
تحيه طيبه وشوق مطر
نستميحكم عذرا بتعقيب اخير لتوضيح بعض الحقائق فيما دار من ملابسات معروفه
للجميع في الاسبوع المنصرم :
• مداخله كبيرنا الكابتن عبدالرحمن وقعت علينا بردا وسلاما ووجدتها فرصه كريمه للمخارجه كما استنتج هو لاحقا وذلك لان الوضع الذي كنت فيه كان لا بد وان ينتهي ولم اكن ادرك لذلك سبيلا .
• فاجأتني مداخله الكابتن العزيز عبدالرحمن الزين مفاجأه كبيره وتغيير نظرته نحونا بهذه الطريقه ولكنني آثرت عدم الانزلاق والرد احتراما
لرواد البوست وللكابيتانو واسرته الكبيره والصغيره واحتراما للمشرفين الذين اولونا هذه
الثقه الغاليه ووالله لن نخذلهم ونستغل هذه الاريحيه التي طوقونا بها مع العلم بان قمه النذاله والجبن
تتمثل في ايذاء الناس من وراء حجاب عليه فقد قررت الانسحاب بهدؤ تاركا الجمل بما حمل,,
ولكن طريقه الانسحاب اتسمت بكثير من السطحيه والسذاجه من جانبنا وانا جد نادم علي سحب
المداخلات من هذا البوست وقد وصل بي الندم مداه عندما قرأت مداخله السيد الكريم عاطف
صديق وهويحاول فيها فك طلاسم البوست ,, ووالله لو كانت هناك طريقه لكنت قد سبحت في
الفضاء السفيري وجمعتها له حرفا حرفا ووضعتها امامه وانا آسف و موافق الف في
الميه يا الرشيد لو خالد يستطيع ان يجد حلا لهذه المداخلات اللعينه وارجاعها في
مكانها ,,, اتمني ذلك من كل قلبي .
• كما اشكر الحبيب الرشيد شمس الدين ,, هذا الحكيم الذي اصبح يري الاشياء
بوضوح كبير واوافقه في كل اراءه وخصوصا في حكايه سحب المداخلات بعد
كتابتها في المنتدي وهو درس نستفيد منه باذن الله . كما اشكره في انزال الرابط
للصوره التانيه والتي بها واحد زول خفي لابس منطلون ابيض ,, وعارف يا الرشيد لو
كشفت ليك اسم الزول صاحب المنطلون الابيض ومناسبه الحفل المصغر فسوف تكتشف علي
طول اسم الباخره وطاقمها وامكن تجر رجلنا معاك ,,
والشكر موصول لجمل الشيل خالد ,, هذا الانسان الرائع والحكيم والذي لولاه لكنت قد فارقت
المنتدي منذ زمن طويل ,, وانا اشعر والله بانني اضع علي ظهره حملا ثقيلا ,, واتعجب من الطريقه التي يقوم بها لارضاء جميع الاطراف بحكمه ودبلوماسيه يحسد عليها فله مني كل الشكر وليغفر لي اذا كنت قد
ادخلته في اي حرج من اي نوع .
• اما صديقي اللدود الحبيب مبارك كركب فلا اظن ان الامور بيننا كانت يمكن ان تصل
الي احتدام او احتكاك او قرض كما وصفها الجنتلمان راشد ,, وكلما في الامر انها
كانت نوع من الاثاره يجر كلّ منا صاحبه اليها بحرفيه شديده . وانا من هنا احييه
واقول ليه دا كان بعدك انّو تتوصل للتايواني . كما احيي الاخ الكريم ود كرار علي
كلامه الطيب والمرّه دي عمّك ذات نفسو دخل لينا شمال وصاط لينا البوستات .
ولا يفوتني في النهايه الا ان احيي اخونا البيرفكس الجمل ,, هذا الانسان الطيب البسيط
الظريف ود امدرمان الاصلي واقول ليه والله لو كان بامكاني لافصحت لك عن نفسي
حتي لا تبتأس لانو زي ما قلت لم يعد هناك وقت لهكذا حاجات واطلب منه ان لا ينسي
ان يخضع مداخلتنا المنتحله هذه للمنافسه الاسبوعيه لكن ما باقي لي حناكل عيش مع ابداع ناس
راشد .


اخيرا اتمني ان اكون قد افصحت قليلا عن ما بداخلي وان اكون قد اصلحت قليلا من الكثير الذي
افسدته ولكم كل الحب والتقدير وتحيه خاصه للكابتان عبدالرحمن والآن اعذروني عن الكتابه بايها اسم
تايواني او مزييييييف ومافي مشكله لانني حاكون معكم علي طول انشاء الله تحت الاسم الحقيقي والمسجل
معكم بالمنتدي .

التايوانيز المنسحب

الاخ زميلنا الماعارفنو منو لك التحية................ اولا اتشرف بان اكون اول من يرد عليك لو تلاحظ كل الزملاء اكدوا بما لا يدع مجالا للشك انك واحد مننا ودي علي الاقل بتوافقني فيها يعني بالعربي ( ما بنعاتبك ما بنلومك انت مننا وانت فينا )
وفي الختام اقول ليك اكلت عيش .....ومداخلتك حازت علي درجة ( الافضل ) ولاسبوعيين متتاليين ..واخليك مع الاخوان وردودهم ووجهات نظرهم

برداً وسلاما،نزلت علينا كلماتك المغسولات بالحب المليئات خوة والمشرقات
كأنك تعزز ما قالت العرب( أن ليس بين الخيـّرين...حساب)
وإن شاء الله أعود
يتبــــــــــــــــــــــــــــــــــــــع

حبيبنا الرجل الخفى
سعدنا جدا بعودتك معتزرا ومعبرا عن مشاعر صادقة ونبيلة وزى ما قال الرشيد انت معدنك اصيل فبالله نرجو منك التسجيل باسم الرجل الخفى وواصل مشوارك الظريف.


ولى سؤال واحد اين اخونا الفاتح الاصلى (صاحب البوست) لينا منو زمن ....انقطعت مشاركاتو منذ دخول الرجل الخفى ..وليه ما غيًر الباسوورد بتاعو !!!

؟؟؟؟؟؟؟ الحبيب
بعد كلامك وكلام الاخوان الجمل,خالد ,الرشيد ومبارك ولغة التسامح والمحبه الفوق دى ما بقدر اقول ولا كلمه فوقها غير صافيه لبن وفى انتظار مشاركاتك كاول عهدك وكما عهدناك وكمان فى انتظار مشاركات اخونا الفاتح الاصلى بعد غيبه طويله ذى ما قال اخونا كركب (ودام تواصل كل الفواتح شرقها وغربها....... ومليون .....سلام من غير الوان)
عاطف عكود

الاخوة الاحباء تحية مطرية واشواق رعدية
بعدما انقشعت قصة الاخ التايواني البرفكس ليه ما نحاول نعرف منو كان هو ؟ يعني مثلا اخونا الباشمهندس رشدي كان بلمح انو ود عكود واخونا كركب بدأ في توجيه سؤال ينم عن شىء ما وانا قلبى حاسى بحاجه بالذات هو بقول (منطلون) ونحنا بنقول بنطلون ويعني في فرفره في القلب وبما انو طلع زول راقى وود ناس واى واحد يتمنى يكون هو (هو) لادبه وحسن خلقه انا بقترح علي اخونا البرفكس يعمل لينا مسابقه كل واحد فينا ( يتهم ) واجد شاكي فيه ولمدة عشرة ايام والبعرفو يكون (نقاش المنتدى)
ولا شنو رأيك يا برفكس بعد داك تطوى اوراقك .............

اعود للتايوانى العزيز
تأذّن ،،لغةً تعنى أعلم إعلاما قاطعا لاشبهة فيه
بحكم طبايع الاشياء اعلم عن تايوانيز ما قد يندهش ليهو هوذاتو
لكن احببت اللعبة حقا ...كأى مدير انتهازى ومستمتع لدرجة الانبساطة فى حضرة 2 العزيز،،
حتما تصلون له،،، قربتو!!
ما كنت لاعلن الحقيقة دى الا لاحساس ،،مجرد احساس،، انو الفراولة ستوضع على الكيكة قريبا ،،،؟؟ على هذا الوزن كانو زمان فى سودانلاين العظيمة يشربون الفيمتو باللبن
حين يأتى ،،لنجتهدن اجمعين فى خلق موضوع جديد مثير
تخريمة لازمة
اجتهدت احبتى حال توفر الوقت، فى موضوع الحذف
عفوا ان تأخرت ،،ووصلت انو فقط المداخلات المحذوفة من قبل الادارة هى الممكن يعاد نشرها او كده لانها تحفظ فى موضع خاص ،،، هذا المنتدى لسمو المشاركين ماحذفنا الا القليل جدا من مشاركات لاسباب واضحة
اما ما يكتب المشاركون ففى تقدير الجهة المنشئة للمنتديات هو حق اصيل للكاتب ان شاء حذف او عدّل ،،يعنى حتى الخيار ما موجود فى صفحة الادارة
نأسف على التأخر فى الرد لكنها المشاغيل
لكن اناشد باسمكم تايوانى ان يعيد كتابة ما حذف
خصوصا وراشد العزيز
اقترح على الماشى،،اسم لقطة للبوست
حكايات التايوانى فى الزمن الفلانى
فكيف بك يا أخا العرب ما تبقى داخل ومعاك باقى الالبوم
وأليل الليل تماما

كلنغ ... كلنغ.. ياتايونيز انت وين ...سكوتك هذا يعنى الكثير!!!
هل انت جنى...حسب الادلة المطروحة...ام انت ما ذلت تستمتع بالخفاء...
ياخ ما ترسل لى رسالة ... مافى حتى رسالة واحدة بيها اتصبر شوية...
ياخلف الله ما عزبتنا

عودة لهذا البوست وصاحبه العزيز
عوووووووووووك ياتايوانيز
وسبب العووووك ،،هو انى اعلم علم اليقين مدى اعجاب 2 باسامة معاوية الطيب
وتجليات اسامة لاتخفى على احد الايام دى -ما شاء الله- فقلنا ندى العووووك للتايوانى
الغريبة كركب ذاتو داير ليهو عوووووك ،،وجنى (المتهم البرئ حتى...) ايضا
وبورسودان
ونعود من بوست عوووووووووووووك

لكن يا جني ما بالغته...ياخي خلي التقله واظهر وبان...
باي شكل وفي اي صوره ان شاء الله الجن الاحمر.....

غايتو اكان الزول مسموح ليه يداعي روحو اقول الله يجازي الكان السبب...راجيا منه تعالي الا يجيب لي هذا الدعاء..معزتي
عبدوس
تخريمه صغنونه..عصملي وين اراضيك...

الاخوة الاعزاء لكم التحية والاشواق
انا فى حيرة منذ اكثر من اسبوعين وماعارف اقول شنو وعشان كدة فضلت انو انقطع شوية عسى ولعلى هذا التايوانيز يظهر ...ولو علمتو السبب ما حتصدقونى ...اذكر انو فى اخر عوووك لى لهذا التايوانى اتصلت بعدها بالاخ جنى وحكيت ليهو الحكاية كلها وفى الاول انا قايلو بيستهبلنى وعامل ماعارف حاجة ولكن بعد تناول الموضوع بجدية حلف يمين انو ماهو... وحتى ذكرت له بانو من ضمن الادلة ظهورو فى شريط الاسماء وقال لى فعلا انا ذهبت الى مقهى وهى بعيدة جدا من مكان الاقامة ودخلت بالفعل لكن ما استغرق ذلك اكثر من ربع ساعة وبعدها الاتصال انقطع وعدت ...
واليوم ايها الاخوة ااكد لكم بان التايوانيز هذا وجد ضالته عند اثبات التهمة على جنى البرىء ...وطبعا دا حيخلينا نرجع للمربع الاول ..ومن هنا اناشد اخونا التايوانى واطلب منو فقط الظهور وتبرئة اخونا جنى ولو ما عمل كدا يكون حبط كل اعمالو ..
....طبعا من الاسباب الاخرى الخلتنا نبعد شوية هى السخانة وعدم الموية وكذلك العزوبية اليومين ديل كل الاسر غادرت بورسودان والله يسترنا فى رمضان سخانة وعزوبية وصيام الله يثبت الاجر........

وتحية خاصة للاديب اسامة معاوية الطيب وحقيقة سيكون له شان عظيم انا شخصيا اعتبره واحد من منظومة الادباء الذين يتحدث عنهم ونتمنى له التوفيق فى هذا المشوار ونامل المذيد...وكمان وبامانة من بيننا عمالقة لهم امكانيات ما عادية بدات تظهر خفاياهم ولا ما كدة يا الرشيد ..تعرف مداخلتك شى ماعادى ...والواحد بقى يخجل لامن يجى خاشى..(احسن نكتب بالدارجى عديل ما نقوم نتهبل)..والى لقاء مع تحياتى لبقية العقد الفريد ..عبدوس-خالد-راشد-عكود-الجمل-ود كرار)

الساده الكرام
رواد منتدي البحاره السودانيين
تحيه بحريه وشوقا شديدا اليكم
ادخل مرّه اخري مجبرا لتبرئه ساحه سيد واخ كريم ادخلته بدون قصد يذكر في دوامه من الشكوك ,,,
فالسيد الكريم جنيدابي او جني عديييييييييييل,,, بريئ براءه الذئب من ايتها تيونه كانت اصليه او مزيفه ,,
وانا متاسف ولكنني لم احاول استغلال هذه الشكوك لابعاد الانظار ناحيتي بل حقيقه فانني كنت بعد آخر مداخله
مع الكابيتانو العزيز عبدالرحمن الزين ( عبدوووووووس ) قد عاهدت نفسي بانها آخر دخول لي منتحلا الا ان الصديق
اللدود مبارك ابت نفسه اللا ان ينكشنا ,,, واستغلالا لهذه الفرصه التي اتت الينا فتحياتي للجميع بدون فرز لرشدي هولمز
راشد ابداع عكود خمسين ود كرار الظريف الجمل البيرفكس والكبير عبدالرحمن الزين واخيرا جمل الشيل خالد صاحب
الصوره الجديده والكرفتّه واقول له ( حتي انت يا بروتس ) . كمان واحد يطلّع لي حاجه في الكرفته دي زي البنطلون .
واحقاقا للحق فانا لم اعمل في السفن من قبل ولكنني لصيق بهذا الحقل فانا واحد برمائيييييييييييييييي واول حرف من اسمي
كاف مع تحيه خاصه للاخ العزبز مبارك واقول ليه ان شاء الله تكون عرفتو ,,,
ولا يفوتني في هذه السانحه اللا ان احيي مبدعنا الكبير الكاتب الضخم اسامه معاويه الطيب
ونشكره علي انه خصّنا وخصّ هذا المنتدي بهذا الالق الجميل ,,,
وللجميع كل الود والحب
التايواني وفقط

الأعزاء جدا .... يبدو أننا قد ظلمنا حبيبنا جنى العجيب رغم أنه ليس فى الأمر جرم فقد كان ومايزال التايوانى _ أيا كان - فاكهة للمنتدى بإمتياز .... المهم إذا صدق التايوانى بأنه برمائى وأول حرف من أسمه ( ك ) ...يكونش دا كركب ؟؟؟ وفى الحالة دى تكون كركب لوبين ....طبعا التايوانى مرات كثيرة لا يذكر الحقيقة زيادة فى التعمية ( مرة مسجل ومرة ما مسجل , وهكذا) ...بالنسبة لى أعتقد إذا صدق بأنه برمائى يبقى إكتشافه من مسئولية كركب الشخصية .
وبالنسبة لى أعاهدكم أننى لن أشارك فى كشف هذا الأمر مجددا, ويكفى إتهام جنى ظلما رغم دليل ( المنطلون ) ... وعلى كل فمرحبا بالتايوانى مزيفا أو أصيلا , مسجلا أو غير ذلك وأرجو أن يكشف لنا عن إسمه وله الأمان .... وهناك أمر اخر يخص حبيبنا خالد وهو أن ما قاله التايوانيز له ( حتى أنت يابروتس ) يعنى أن خالد يعرف من هو التايوانى ودخل فى اللعبة ايضا ...
على العموم هناك إقتراح أتقدم به وهو أن يكون كل شخص مسجل معروفا بالإسم الحقيقى وبالتفاصيل للإدارة وله بعد ذلك الحق فى إختيار اى إسم كودى يريده ...وللإدارة حق عدم كشف الإسم إلا فى حالات إساءة إستخدام الموقع _ لا قدر الله - لكم الود وليدم أبدا مابيننا ...

الرشيد شمس الدين

بدءا من حيث انتهى رشيد هذه الأمة

على العموم هناك إقتراح أتقدم به وهو أن يكون كل شخص مسجل معروفا بالإسم الحقيقى وبالتفاصيل للإدارة وله بعد ذلك الحق فى إختيار اى إسم كودى يريده ...وللإدارة حق عدم كشف الإسم إلا فى حالات إساءة إستخدام الموقع

واحقاقا للحق يقوم عاطف عكود بمجهود مقدّر فى اداء المهمة دى ،،حيث انو فعلا فى الشهور الاخيرة حصل كتير جدا (كم طاشر تسجيل ) اما باسم غريب او اسم فرادى
ونقوم حينها وقبل تفعيل التسجيل بالاتصال الايميلى بالطالب للتسجيل للتوضيح والتصرف حسب كل حالة،،

ونعود لفاكهة المنتدى
والله يالرشيد بدءأ

وبالنسبة لى أعاهدكم أننى لن أشارك فى كشف هذا الأمر مجددا

ليه العهد ده؟؟؟سؤال متفرج مستمتع بالمحاولات الذكية للكشف عن الرجّال

اما بروتس ،،!! فانا كنت قايل الراجل بيتكلم عن الصورة او الكرافتة ،،وللامانة ما قدرت اربط او أعطف ( حتى انت ) على اى جملة مفيدة ،،،ومشيتها لعلها عبارة شائعة الاستخدام فى تايوان وما جاورها
عموما فى ما يخصنى فوالله وبحكم طبايع الحاجات وانا قلت قبل كده ،،انى اعلم علم يقين من يكون الرجل (((انا قلت رجل ،،وما تسربت عنى اى معلومة اخرى)
وعرفتى ليهو جات بحكم الادارة ،،،وعشان كده ماكان ينبغى لى التدخل فى عملية الكشف خصوصا وانا كنت منشرح للغاية ومنبهر بذكاء كل الاطراف فى التحليل المنطقى،،،
جنى ،،،للتاريخ برئ من هذا الذى يجرى
رغم انو--لاحظ- التايوانى ممكن كان يكون جنى ويكتب المداخلة اعلاه مبرئا ساحة عبدالمنعم جنيدابى
اما كركب ،،،فهو صاحب لفظ -برمائى-!!! بل له بوست بالعبارة ويبدأ فعلا بالكاف
لكنه اتى بعد احداث روحان الباسوورد بتاعت ماسورة
عليه رشدى الحبيب ،،انقض العهد وواصل اتحافنا بهذه البهجة
اما رأيت التايوانى يخاطبك بـــ رشدى هولمز؟؟؟
ونواصل
وين جنى ياكركب عموما ؟؟؟ اما آن له ان يعود ويواصل الفيلم ده
ويا تايوانى ،،كدى عود
واشواق الف

يا تايوانى ؟
وين؟؟؟ رمضان قرّب يكمل وما شفنا نفحة من نفحاتك
ابقى داخل

رمضان كريم ........لكم الود كله..وليت لى ازميل فيداس وروحا عبقريه!!!!! لفعلت العجائب لسادات وصناع الزمن الجميل...جزيتم خيرا...
وددت ان استهل مشاركاتى من هنا لما يحمله البوست من الحب والوفاء والمفردات الورديه التى قل ما يستعملها ( المحققون)!!!يا لهوى!!
وبعد الاذن من هلموز لدى بعض الملاحظات ارى انها ستغير مسار التحقيق...بالنظر للصوره والى النتيجه المعلقه ..التاريخ اعسطس 2001..وبالنظر لللوحه بجانبها تدل على ان هنالك منافسات كرة قدم او كتشينة؟؟؟
الكراسى كراسى النيلات.....
الدكتور ليس بلحجم العائلى يعنى بعد الريجييم...
.وجود فيصل والدكتور فى نفس الباخره. يعنى ثيرد وسكن..
ومن الكبكبة الظاهرة عليهم يكون ابو بنطلون يا فيرست يا كابو....حول
ولنا عوده ان اللة سهل