فكرة للتواصل

الاخوة الافاضل...

لقد منيت بخسارة فادحه لبعض الهلل فى اخر الليل (البلمها النمل يطاها الفيل) غير مأسوف عليها , للاننا سمعنا اصوات اخوة اعزاء على قلبنا, المهم النوم طار من عينى وبعد داك قعدته افكر و قلت ياود عبدون ليه الاخوان لمن يكونوا بنفجوا بين غرف المنتدى , ما ممكن يتواصلوا عن طريق skype, msn massenger

ونستفيد من البرامج المتاحه للتواصل السريع, لانو كما خبرنا ان الامكانيات المتاحه فى ادوات المنتدى محدوده, وعشان نفعل هذه الاليه بطلب من كل المتداخلين التسجيل فى برنامج الاسكاى بى وهو برنامج مجانى يتيح للكل التواصل اثناء التواجد داخل المنتدى او من غير الدخول على المنتدى.

my skype name: amgad.karrar1

ود كرار كتب:الاخوة الافاضل...

لقد منيت بخسارة فادحه لبعض الهلل فى اخر الليل (البلمها النمل يطاها الفيل)

بطلب من كل المتداخلين التسجيل فى برنامج الاسكاى بى وهو برنامج مجانى يتيح للكل التواصل اثناء التواجد داخل المنتدى او من غير الدخول على المنتدى.

حبيبنا ود كرار تااااانى رجعنا لى سهر الليل واخرو !!!!! نحنا ماصدقنا انتهينا من الفيران تقوم تساهر تجيب لينا نمل وافيال ؟ .
ياسيدى الفكرة حلوة وكمان مزيد من التواصل , لكن من غير الدخول للمنتدى دى مابوافقك عليها . تكون احلى لما يكونو الاتنين يعنى تواصل عبر المنتدى و Skype
وجد سعدنا بسماع صوتك وساكون اول المستجيبين لاقتراحك
ودام التواصل
عاطف عكود

والله ياود عابدون تظل ابدا التواءم الذي يقراء الافكار ..وحقيقي قبل كم يوم كنت عايز اكتب ليكم فكرة (انت وودعكود وخالد) انو لازم نعمل غرفة دردشة داخل المنتدي سوي من خلال سكايب او اي مسنجر ...عليه من حيث المبداء اكيد الفكرة رائعة وبالمناسبة اسكايب بيتيح مكالمكات جماعية من خلال السماعات وفيديو كمان عليه متواجدين نحن :
my skype name:mrashidma
بس برضو نظل ادروبات داخل المنتدي علي قول ودعكود بالمناسبة مشتاقين ..وشايف مداخلاتك عن الرائع المقيف لكن والله زنقة شغل بس اكيد ح افوق ليك...
ودام التواصل باي وسيلة كانت مادام المنتهي انتم ....
تخريمة:
بالمناسبة ود كرار امبارح وانا بقفل علي الجهاز شايفك علي اسكايب ..فليك وحشة

ود كرار ...الناس يادوب مرقت بكرامة البليلة من ام سيسي واللبتون (مرق جني في الضعين).. شايفك بتسوق لسكايب والله ربنا يستر ..
انشاء الله ياود عكود عرفت ساري الليل بساهر وين....؟

يعني خلاس زهجتو مننا وعاوزين تفرزو عيشتكم نسيتو الزوار الكرام وهمو كثرو بل اوكد لكم انهم يتصفحون المنتدي اكثر منا ويتابعون كل ما يكتب ثم لا تنسو فارق التوقيت
الا اكان مخبي ليك فار جديد يا ود كرار

الفكره حلوه لكن اديها صنه او اقوليك انساها مؤقتا
محبتي
عبدوس

راشد كتب:
انشاء الله ياود عكود عرفت ساري الليل بساهر وين....؟

العزيز ود راشد
صعبة دى صاحبك ما بتعرف بالساهل غلبنى عديييل ادخل ليه فى بيت النمل يمرق لى من جحر الفار وربك يسهل
ودام التواصل بكل الوسايط ولكن يظل المنتدى اولا وثانيا واخيرا
عاطف عكود

لا والله ياود الزين ...يظل المنتدي اولا وثانيا .....وثالثا بعد المليون ..
ولك ان تعرف الغالي ود الزين ان مثلكم لا يمل ..بس كانت الفكرة انو الدردشة تكون من داخل المنتدي وليس خارجه...وانسوا الفكرة التي تعكر صفو حضوركم الجميل
.............
..........
وسعداء بكم ابدا

راشد كتب:السلام عليكم ....
سعداء جدا بمداخلات الاخوة الاعزاء بشجب فتح قنوات للاتصال من خلال سكايب ( ود الزين ووعكود) خارج نطاق المنتدي وانا اعتبر هذا في حد ذاته ولاء لهذا المنتدي والحق يقال اصبت بحزن لمجرد اجترار الفكرة رغم اني ناصرتها كفرة واعود واعتذر حبا لاهل هذا المنتدي ..ويظل تواصلنا عبر عبر ابوابه وإن ضلت لنا خطيً سنسلك نفاجاته ....جميل ان نطرح مابداخلنا علي الطاولة الاسفيرية وهي ليست مائدة مستديرة بل ذات ابعاد ثلاثية ,وكل الافكار ملك كاصحاب قرار لاهل هذا المنتدي واكيد كل الطرح مقبول ماعدا فكرة قيام اي مسافات جغرافية او نفسية بين اهله.....

اسه ياود راشد جنس التنفج ده الواحد عاوز ليه مش اسكاى بي ده عاوز ليه مستر قوقل بذات نفسه, طبعا قصدى من طرح الموضوع بتاع التواصل السريع واضح بالنسبه ليك ولودعكود لانوبرضو استخدمنا ادوات مثل (الموبايل,الاسكاى بى,الماسنجر) للتوصيل الاعمق للفكرة, بس ذلت القلم كانت فى اضافة التواصل خارج المنتدى وبرضو القصد منها فى النهائيه تواصل اجتماعى كاالفكرة والهدف الاساسى من انشاء هذا المنتدى العامر ....

والله من وراء القصد.

المتواصل الاممى....ودكرار

عاطف عكود كتب:

ود كرار كتب:الاخوة الافاضل...
لقد منيت بخسارة فادحه لبعض الهلل فى اخر الليل (البلمها النمل يطاها الفيل)
بطلب من كل المتداخلين التسجيل فى برنامج الاسكاى بى وهو برنامج مجانى يتيح للكل التواصل اثناء التواجد داخل المنتدى او من غير الدخول على المنتدى.

.
ياسيدى الفكرة حلوة وكمان مزيد من التواصل , لكن من غير الدخول للمنتدى دى مابوافقك عليها . تكون احلى لما يكونو الاتنين يعنى تواصل عبر المنتدى و Skype
وجد سعدنا بسماع صوتك وساكون اول المستجيبين لاقتراحك
ودام التواصل
عاطف عكود

الاعزاء ود راشد و ودكرار وعبدالرحمن
الشغلانية ماكان فيها اى (شجب اوادانة اواستنكار) الفكرة حلوة وذى ماقلت ساكون اول المستجيبين وممكن تكون اضافة للمنتدى وزيادة تواصل واوافق فكرة عبدوس بانها لابد ان تكون دفعة لزيادة التواصل عبر المنتدى مع مراعاة فروق الوقت وطبعا دى مقدور عليها خصوصا لاخونا ودكرار سارى الليل لانو شايفو ببداء يومو من بدرى بعد منتصف الليل بدقائق .
ودام التواصل
عاطف عكود

ود كرار سيد الفار عاد يحلك من الفار الحل بله...
ولا زلته اكررررر بله ده سوه شنو وحلوه كيف... ودعكود وراشد العزيز
خلاس بقت علي التواصل وانا بقيت واقف ليكم في حلقكم..انتو اكان عاوزين تتواصلوا ما تتواصلوا في الاساس مشاورننا ليه ولو واصلتونا كمان جزاكم الله خير... انا بس خفته تفتحوا لينا وتسوا ليكم نفاجات
شفتو نفاجات دي كيف باين علي بقيت مثقف و
دي من فؤائد المنتدي فلا تحرمونا..
انا عارف ما كان عندكم موضوع حزنا لوفاة ابن العزيز الجمل..ولكن كما نقول دايما..
لله ما اعطي ولله ما اخذ
ولو كانت الدنيا تدوم لكائن لكان رسول الله حيا وباقيا
محبتي عبدوس
تخرييمه..وتاني تاني شغلانه كمان جديده..
غيبه تانيه اربعه خمسه ايام
الي لقاء

الغالي ود الزين ...الحمد لله هسه انتوا الفتحتوا لينا مانحن ..ونحن معاكم معاكم سوي كان التواصل عبر نفاجات المنتدي وابوابه الاسفيرية او عبر الاقمار الصناعية ولا حتي بتلفونات علب الصلصة ...المهم تكون الناس في مركب (علي اليابسة )معا...
.................
......والله ليك وحشة
وحفظكم الباري في حلكم وتحلالكم

العزيز الغالي درة المنتدي
والله انت اللي ليك وحشه بالجد وحشتوني كلكم واخيرا عدت والعود احمد
كنت ناوي اخد يوم كامل اتفرغ عشان اقرااولا ما فاتني ويوم تاني عشان ارد لكن لقيت انو المنتدي كان ماخد غفوه تقيله تقطع الوضؤ ليه كده ياشباب ليه كده حتي الفاتح ماسوره المزيف زعل ليكم اين انتم عوووووووووووووووكات
ساعود لاحقا
مع اجمل امنياتني الطيبه
عبدوس

حمدا لله علي السلامه يا كبير ,,,, المداخله دي شفتها كيف مع اننا كتبناها 5 دقايق
وسحبناها ,,, سعدنا جدا جدا جدا بحضورك ,,,, في انتظارك يا مبدع وده كلام ما كنت
ابدا ممكن تلقاه من الاصلي ,,, اتمني ان تتحفنا بقصه حياتك الرائعه لكي نستمتع .
دمت في حفظ المولي ورعايته ,,,,وارجو ان لا يكون في دخولي احباطا لكم فان ما دعاني
الي ذلك كسر الرتابه التي يمر بها المنتدي ,,, وعووووووووووووووووووووووووووك

ابنكم المزيييييييييييييييف

نعود ورغم الاحزان , نعود من اجل التواصل , وبالتواصل نعود , الاخ مبارك كركب مشكور على المواصلة , الاخوان ودراشد وودكرار مشكورين , ابننا المزييييف ما قصرته الله يديك العافيه , العزيز عبدالرحمن حمد الله على السلامة , الحاج خالد والعودة رغم مشاكل الكمبيوتر , الاعزاء الزوار (من خلف الكواليس ) لكم الود .
وانقل لكم جميعا دون فرز تحيات اخونا الجمل وهو يسأل عنكم فردا فردا .
ودام التواصل
عاطف عكود

العزيز ود عكود..حقا تابي الاحزان الا ان تطاردنا ولا يملك اي منا لقدره فكاكا وكله بارادة الله..لا ادري من الذي قال ..رائت ان اهديك روحي فوجدتها ملكا لربي ولم املك الاان اهديك كلماتي....
تسعدني حروفك ومتابعتك..
العزيز الفاتح ... معك حق فمثل كلماتك الوضيئه يعجز قاشوره عن النطق بها دعك من ان يكتبها..منه لله..
اسعد جدا بتداخلاتك وافرح لكلماتك ونكرر دعوة العزيز الحاج خالد لتدخل الي قلوبنا بالدرب العديل وقطعا ستجد احضاننا مفتوحه لترحب بك اخا كريما وابن اخ كريم....فهلا تكرمت..
محبتي عبدوس