أتانا أبوعركى البخيت ذات مرّة
+3
الرشيد شمس الدين عبدالله
عبد الرحمن الزين2
خالد عبدالحميد
7 مشترك
صفحة 1 من اصل 1
أتانا أبوعركى البخيت ذات مرّة
من طرف خالد عبدالحميد الأحد 19 يوليو 2009, 23:45
بسم الله،، حبيبنا الرشيد طالبنا اكتر من مرّة بالكتابة باستفاضة منعما علينا بمفردات نحن اشد الناس بعدا عنها ،،ملبساً ايانا ثياب الادباء ،، ووالله هذا ليس بحالنا ،، انما نحن نشخبط هنا وهناك احيانا قليلة إن حرّك الامر فينا الدواخل والكتابة هنا فى منتدانا ده انما هى ملتقى ونسة ومحاولة لاعادة ماضى جميل وكذا تواصل حميم فى هذا الزمن المسرع
لكن ومع التاكيد على قلّة ما نكتب المقال ادناه شاء الله انو نُشر السنة الفاتت فى جريدة الوطن فى الجمعة 29 فبراير -- فى الخرطوم وننقله هنا تلبية لطلب( رشيدنا الحبيب) ومن باب الونسة وطرح لقضية الاحتياجات الخاصة،،،،،،،،والفنانين والغربة وكل ما لمس المقال ،
مدخل :
بدون تطويل ،، من نعم الله علىّ كما يعلم البعض ،،أن رزقنى رب العباد ابنة ( صَـبا ) ذات إعاقة بدرجةً ما ،، لها فى القلب ما قد يفوق ما لاختها واخيها وهى كاسمها نسمة تحسبها قادمة ما من هذه الدنيا ،،،،وكان أن اتانا شتاء السنة الفاتت ابوعركى البخيت ،، فكان هذا المقال،،، ونعود
لكن ومع التاكيد على قلّة ما نكتب المقال ادناه شاء الله انو نُشر السنة الفاتت فى جريدة الوطن فى الجمعة 29 فبراير -- فى الخرطوم وننقله هنا تلبية لطلب( رشيدنا الحبيب) ومن باب الونسة وطرح لقضية الاحتياجات الخاصة،،،،،،،،والفنانين والغربة وكل ما لمس المقال ،
مدخل :
بدون تطويل ،، من نعم الله علىّ كما يعلم البعض ،،أن رزقنى رب العباد ابنة ( صَـبا ) ذات إعاقة بدرجةً ما ،، لها فى القلب ما قد يفوق ما لاختها واخيها وهى كاسمها نسمة تحسبها قادمة ما من هذه الدنيا ،،،،وكان أن اتانا شتاء السنة الفاتت ابوعركى البخيت ،، فكان هذا المقال،،، ونعود
خالد عبدالحميد
رد: أتانا أبوعركى البخيت ذات مرّة
من طرف عبد الرحمن الزين2 الإثنين 20 يوليو 2009, 01:12
العزير رشدي...الحبيب خالد... والله ما احجمت ان اواصل السرد..وكن لم اشا ان افرض نفسي وقلت اترك الفرصة للمتداخلين وكفاهم امطارا فخريف السودان الحبيب يبشر بمطر غزير... رغم مشغولياتي وطلتي كنت اتمني ان تعليقا لما اكتب سلبا او ايجابا... ولما دخلت وجدت انك - كعهدي بك- لم تخذلني- وقلته يا عبدوس انتهي من كل شئ وسن راس الكي بورد وواصل... فاذا بي اجد رسالة خالد العزيز...لهذا ساترك له المجال الي غد وان لم يعد ساعود...
تخريمة حاج خالد.. كما تعلم انا دايم السفر والترحال...عدت من الخرطوم علي الالمانية لوفتهانزا - كعهدي دوما- ونزلت فرانكفورت واذا بشاب سوداني ذو شنب رقيق يسالني ان كنت اتحدث الالمانية.. يبدو عليه انه نزل من نفس الطايرة
القادمة من الخرطوم قال لي انه من متجه الي امريكا هل يمن ان اساعده...ورغم اننا تخبطنا في المطار -كعادة من يمر علي فرانكفورت- لكني سعدت بان وقفت معه حتي وصل البوابة....بعد ايام ثلاثه ..تصفحت سودانيز اون لاين وشاهدت صورة الشاب وعلمت انه كان ابو عركي البخيت... ما اجهلنا نحن البحارة.. التحية له واصل يا حاج وساواصل انا
وعووووووووووووووووووك
عبد الرحمن
تخريمة حاج خالد.. كما تعلم انا دايم السفر والترحال...عدت من الخرطوم علي الالمانية لوفتهانزا - كعهدي دوما- ونزلت فرانكفورت واذا بشاب سوداني ذو شنب رقيق يسالني ان كنت اتحدث الالمانية.. يبدو عليه انه نزل من نفس الطايرة
القادمة من الخرطوم قال لي انه من متجه الي امريكا هل يمن ان اساعده...ورغم اننا تخبطنا في المطار -كعادة من يمر علي فرانكفورت- لكني سعدت بان وقفت معه حتي وصل البوابة....بعد ايام ثلاثه ..تصفحت سودانيز اون لاين وشاهدت صورة الشاب وعلمت انه كان ابو عركي البخيت... ما اجهلنا نحن البحارة.. التحية له واصل يا حاج وساواصل انا
وعووووووووووووووووووك
عبد الرحمن
عبد الرحمن الزين2
رد: أتانا أبوعركى البخيت ذات مرّة
من طرف خالد عبدالحميد الإثنين 20 يوليو 2009, 01:17
ابوعركى يعطّر ليالى نيوجيرسى بامريكا
سهرنا الليالى ولم نكملها...
كان المكان على مرمى حجر من المدينة الشهيرة فى ولاية نيوجيرسى، بالسين تكتب وينطقها ساكنوها بالزاى.الليلة صافية فى يناير الذى عودنا على الجليد والعواصف لكنها لم تكن بالباردة وكأنّها تحتفى بضيف الولاية أو بالأحرى الولايات المتحدة جميعاً، أبو عركى البخيت هاهنا.
فى هذا العالم البعيد بحسابات المسافة لم يعتد الناس على حضور نجوم ورموز تُجسّد السودان ..آه السودان،،،، ما زلنا رغم تحررنا جغرافياً يكبّلنا التاريخ، نستشرف مستقبلا أفضل لنا ولأطفالنا ويعيش داخلنا ماضٍ هوبعضٌ منّا، يتلبسنا السودان الذى تركه أغلب حضور ذلك الحفل الضافى منذ سنين عددا استطالت فصارت أصابع اليدين والرجلين معاً لا تحصيها ولا يدرى حالنا أين المنتهى.
كان حضور عركى حدثاً فى حد ذاته، بهرنا الرجل وفاق أعلى توقعاتنا عنه. شاب الرجل قليلاً عمّا تركناه قبل أكثر من عقد من الزمان ونقص وزناً وزاد ألقاً وفى العاشرة وثمان وخمسين دقيقة بالتمام أتى مسرعاً وكأنه على موعد. ممشوقاً كحسامٍ يمانى ليشدو بأولى كلماته فى الحادية عشر.. طربٌ ما شهدته نيو جيرسى قط وغنى عركى صادقا ًمنفعلا تنفر منه العروق صاعدا مع الكلمة مبتسما للجمهور. غنى كالسيل يروى عطش مغتربى آخر الدنيا ، لا زال يغنى بيديه محرّكا الجميع ..لك الله يا عركى لم تتغير ولم تصدأ الحنجرة الذهبية .. هل يا ترى تغيّر الآخرون؟ وما تغيرنا نحن أو هكذا نظن فأنت داخل تلك الصالة الأنيقة ترى تياباً وجلاليب وطعمية وكل طعم وطعام سودانى .
انتهى الفاصل الأول- وبما أن الشئ بالشئ يذكر فقد ذكّرتنى كلمة فاصل بفاصل آخر كان جزءاً من سبعينات وثمانينات القرن الماضى هو الفاصل المدارى! لعله هاجر هو الآخر فما يهم. حين انتهى الفاصل لم يذهب عركى حيثما اعتاد ان يذهب الفنانون -ولا نعمّم- بل جلس بيننا فى تواضع جم يقف مسلّما عليك لا يمانع ولا يتعالى ، يقف وسط جموعنا وهو يرحب بأن تؤخذ له صورة الذكرى مع كل (شلة) ورغم الرهق الذى بدا عليه كنت أسعر بالسعادة والسرور يكادان ينطقان من خلجاته.
حين لمح صبا الطفلة الجميلة السودانية الامريكية ذات الأحتياجات الخاصة بادر الفنان الرجل الكبير وأصر أن يحملها وأن تؤخذ له معها صورة . تصرف لا يأتى إلا من أصحاب القلوب النادرة.. تصوّر أنت هذا فما ما كان من أبيها كاتب هذه السطور إلا الأستجابة بكل الحبور ،،شاهداً على حوار حميم بين طفلة ورجل لا يعرف أحدهما الآخر. لفتة عفوية بلا تردد من انسان عظيم تضئ جانباً من شخصية ابى عركى البخيت وتعيننا نحن الآباء والمهتمّين بالأعاقات بمختلف أنواعها فى سعينا ومسيرتنا نحو دمج ذوى الأحتياجات الخاصة فى المجتمع والتجربة الامريكية فى هذا الشأن سارت وخطت خطوات كبيرة نحو أهدافها وهذا أمر مهم وانسانى أعد بالكتابة لكم عن بعض المساهمات والمشاركات التى قدّمتها الصحف ومنظمات المجتمع المدنى خاصة وقد علمت أن هنالك نواة لبعض المراكز بدأت ترى النور فى سوداننا الحبيب لتقديم الخدمات لذوى الأحتياجات الخاصة وهذا موضوع آخر كما اسلفنا.
فى ذات الفاصل وفى لفتة وفاء بارعة بادرت بها أسرة "سودانيى نيو جيرسى" بتكريم ابوعركى لشخصه وتاريخه وباعتباره رمزاً لمبدعى السودان، أهدوه شيئاً مما يهدى وقدّموا لذلك برقيق كلمات وأبيات لكن الرجل الفنّان المرهف هطل شعرًا ونثراً ردّاً على ما قيل مُحوّلاً الحدث الى لوحة فنية نادرة سمت بالحضور وزادت الحبور ولمع الشاعر الذى لا يعرفه الكثيرون داخل ابوعركى البخيت.
كانت ليلة لا ككل ليالى نيوجيرسى أجزم أن حضورها وهم جل سكان هذا الركن الشمالى الشرقى من هذه الولاية من سودانيين وافارقة وعرب وبعض امريكيين من أصول افريقية لن ينسوها ...فشكراً ابا عركى.. دمت لهذا الشعب الذى تشعب!! والشكر موصول للرجل الذى لولاه لم يكن هذا ممكناً د. متوكل القوة الدافعة لكل عمل عام بطول امريكا وعرضها ،،، ويا أهلى فى نيوجيرسى كان اختياراً موفقاً عبارة الأسرة السودانية.. ويـــا شعباً تشـتـّت فى كل بقاع الأرض .... ليـت اباعركى البخيـــت يغنّى لكم ذات ليلة.
خالد عبدالحميد عثمان محجـوب
نيوجيرسى---امريكا
شتــــــــاء 2008
سهرنا الليالى ولم نكملها...
كان المكان على مرمى حجر من المدينة الشهيرة فى ولاية نيوجيرسى، بالسين تكتب وينطقها ساكنوها بالزاى.الليلة صافية فى يناير الذى عودنا على الجليد والعواصف لكنها لم تكن بالباردة وكأنّها تحتفى بضيف الولاية أو بالأحرى الولايات المتحدة جميعاً، أبو عركى البخيت هاهنا.
فى هذا العالم البعيد بحسابات المسافة لم يعتد الناس على حضور نجوم ورموز تُجسّد السودان ..آه السودان،،،، ما زلنا رغم تحررنا جغرافياً يكبّلنا التاريخ، نستشرف مستقبلا أفضل لنا ولأطفالنا ويعيش داخلنا ماضٍ هوبعضٌ منّا، يتلبسنا السودان الذى تركه أغلب حضور ذلك الحفل الضافى منذ سنين عددا استطالت فصارت أصابع اليدين والرجلين معاً لا تحصيها ولا يدرى حالنا أين المنتهى.
كان حضور عركى حدثاً فى حد ذاته، بهرنا الرجل وفاق أعلى توقعاتنا عنه. شاب الرجل قليلاً عمّا تركناه قبل أكثر من عقد من الزمان ونقص وزناً وزاد ألقاً وفى العاشرة وثمان وخمسين دقيقة بالتمام أتى مسرعاً وكأنه على موعد. ممشوقاً كحسامٍ يمانى ليشدو بأولى كلماته فى الحادية عشر.. طربٌ ما شهدته نيو جيرسى قط وغنى عركى صادقا ًمنفعلا تنفر منه العروق صاعدا مع الكلمة مبتسما للجمهور. غنى كالسيل يروى عطش مغتربى آخر الدنيا ، لا زال يغنى بيديه محرّكا الجميع ..لك الله يا عركى لم تتغير ولم تصدأ الحنجرة الذهبية .. هل يا ترى تغيّر الآخرون؟ وما تغيرنا نحن أو هكذا نظن فأنت داخل تلك الصالة الأنيقة ترى تياباً وجلاليب وطعمية وكل طعم وطعام سودانى .
انتهى الفاصل الأول- وبما أن الشئ بالشئ يذكر فقد ذكّرتنى كلمة فاصل بفاصل آخر كان جزءاً من سبعينات وثمانينات القرن الماضى هو الفاصل المدارى! لعله هاجر هو الآخر فما يهم. حين انتهى الفاصل لم يذهب عركى حيثما اعتاد ان يذهب الفنانون -ولا نعمّم- بل جلس بيننا فى تواضع جم يقف مسلّما عليك لا يمانع ولا يتعالى ، يقف وسط جموعنا وهو يرحب بأن تؤخذ له صورة الذكرى مع كل (شلة) ورغم الرهق الذى بدا عليه كنت أسعر بالسعادة والسرور يكادان ينطقان من خلجاته.
حين لمح صبا الطفلة الجميلة السودانية الامريكية ذات الأحتياجات الخاصة بادر الفنان الرجل الكبير وأصر أن يحملها وأن تؤخذ له معها صورة . تصرف لا يأتى إلا من أصحاب القلوب النادرة.. تصوّر أنت هذا فما ما كان من أبيها كاتب هذه السطور إلا الأستجابة بكل الحبور ،،شاهداً على حوار حميم بين طفلة ورجل لا يعرف أحدهما الآخر. لفتة عفوية بلا تردد من انسان عظيم تضئ جانباً من شخصية ابى عركى البخيت وتعيننا نحن الآباء والمهتمّين بالأعاقات بمختلف أنواعها فى سعينا ومسيرتنا نحو دمج ذوى الأحتياجات الخاصة فى المجتمع والتجربة الامريكية فى هذا الشأن سارت وخطت خطوات كبيرة نحو أهدافها وهذا أمر مهم وانسانى أعد بالكتابة لكم عن بعض المساهمات والمشاركات التى قدّمتها الصحف ومنظمات المجتمع المدنى خاصة وقد علمت أن هنالك نواة لبعض المراكز بدأت ترى النور فى سوداننا الحبيب لتقديم الخدمات لذوى الأحتياجات الخاصة وهذا موضوع آخر كما اسلفنا.
فى ذات الفاصل وفى لفتة وفاء بارعة بادرت بها أسرة "سودانيى نيو جيرسى" بتكريم ابوعركى لشخصه وتاريخه وباعتباره رمزاً لمبدعى السودان، أهدوه شيئاً مما يهدى وقدّموا لذلك برقيق كلمات وأبيات لكن الرجل الفنّان المرهف هطل شعرًا ونثراً ردّاً على ما قيل مُحوّلاً الحدث الى لوحة فنية نادرة سمت بالحضور وزادت الحبور ولمع الشاعر الذى لا يعرفه الكثيرون داخل ابوعركى البخيت.
كانت ليلة لا ككل ليالى نيوجيرسى أجزم أن حضورها وهم جل سكان هذا الركن الشمالى الشرقى من هذه الولاية من سودانيين وافارقة وعرب وبعض امريكيين من أصول افريقية لن ينسوها ...فشكراً ابا عركى.. دمت لهذا الشعب الذى تشعب!! والشكر موصول للرجل الذى لولاه لم يكن هذا ممكناً د. متوكل القوة الدافعة لكل عمل عام بطول امريكا وعرضها ،،، ويا أهلى فى نيوجيرسى كان اختياراً موفقاً عبارة الأسرة السودانية.. ويـــا شعباً تشـتـّت فى كل بقاع الأرض .... ليـت اباعركى البخيـــت يغنّى لكم ذات ليلة.
خالد عبدالحميد عثمان محجـوب
نيوجيرسى---امريكا
شتــــــــاء 2008
خالد عبدالحميد
رد: أتانا أبوعركى البخيت ذات مرّة
من طرف عبد الرحمن الزين2 الإثنين 20 يوليو 2009, 01:34
معذرة حبيبي الحاج خالد- ابو صبا- يبدو انني تسرعت وتداخلت قبل ان اقرا مقالتك عن ابو عركي... ولما ارسلت رسالتي وجدت رسالتك....
لا تحرمنا من الطلة ابو صبا ولو بتلغرافات وكل ما نكتبه هنا اتمني ان يجعله الله في ميزان حسناتك...
مرة اخي معذرة
اخوك ابدا عبدوس
لا تحرمنا من الطلة ابو صبا ولو بتلغرافات وكل ما نكتبه هنا اتمني ان يجعله الله في ميزان حسناتك...
مرة اخي معذرة
اخوك ابدا عبدوس
عبد الرحمن الزين2
رد: أتانا أبوعركى البخيت ذات مرّة
من طرف خالد عبدالحميد الإثنين 20 يوليو 2009, 02:37
[img]
[/img]
كانت دى هى الصورة المعنية،،،
حقيقة سلّـت روحى لغاية ما قدرت انزلها
كبيرنا ود الزين ،، ياخى مرورك زاد من احتفالية المكان المزيّن اصلا بى جو الحفلات وذكريات ابو عركى،،،
لعله ذلك التلاقى الوجدانى الذى جعلك تلتقيه فى الطريق الى هنا قبل يلتقينا ،،، لو كنت اعلم لسألته عنك حينها -- الاحداث دى كلها حصلت قبل قيام هذا المنتدى بشهور ،،، فتأمل!
أطربنا ايضا الحديث الهاتفى معاك قبل يومين،، لك الود ونحن كما انت ورشدى فى انتظار المتداخلوووووووووووووك
[/img]كانت دى هى الصورة المعنية،،،
حقيقة سلّـت روحى لغاية ما قدرت انزلها
كبيرنا ود الزين ،، ياخى مرورك زاد من احتفالية المكان المزيّن اصلا بى جو الحفلات وذكريات ابو عركى،،،
لعله ذلك التلاقى الوجدانى الذى جعلك تلتقيه فى الطريق الى هنا قبل يلتقينا ،،، لو كنت اعلم لسألته عنك حينها -- الاحداث دى كلها حصلت قبل قيام هذا المنتدى بشهور ،،، فتأمل!
أطربنا ايضا الحديث الهاتفى معاك قبل يومين،، لك الود ونحن كما انت ورشدى فى انتظار المتداخلوووووووووووووك
عدل سابقا من قبل خالد عبدالحميد في الإثنين 20 يوليو 2009, 02:40 عدل 1 مرات (السبب : إضغام متداخل فى عوووك بلا غُنـّة!)
خالد عبدالحميد
رد: أتانا أبوعركى البخيت ذات مرّة
من طرف الرشيد شمس الدين عبدالله الإثنين 20 يوليو 2009, 12:51
العزيز خالد ( أبو صبا ) , يالجمالها الفاتن , صبا ( بالمناسبة يا خالد , هل صبا بكسر السين أم فتحها ) , هى قمر ماشاء الله عليها , كما ذكرت يا خالد قبلا فإن لك قلما لا يبارى وقد كان الدليل هذا المقال الرائع فلا تحرمنا فضلا ..
عندى إعتقاد راسخ أن الله تعالى ما أنقص على عبده من شيء إلا وزاده أشياء وأشياء وأنا متأكد أن فى صبا تكتمل اللوحة حقا ... أحسب أننا نحن وليست صبا هم أصحاب الإحتياجات الخاصة والعامة أيضا ... بارك الله لك فيها وفى غخوانها ...أما عن عركى الفنان الفنان فيطول الحديث فلقد تعرفت عليه قبل سنوات ووجدت فيه من الخصال مالا يوجد عند غيره ...هو مرهف حد الثمالة ورقيق كما النسمة ال(صبا) وإنسان وفنان بكل ماتحمل الكلمتان من معان ...
سعدت مضاعفا ببوستك يا خالد ولعبدوس وصبا محبتى الصادقة...
الرشيد شمس الدين
عندى إعتقاد راسخ أن الله تعالى ما أنقص على عبده من شيء إلا وزاده أشياء وأشياء وأنا متأكد أن فى صبا تكتمل اللوحة حقا ... أحسب أننا نحن وليست صبا هم أصحاب الإحتياجات الخاصة والعامة أيضا ... بارك الله لك فيها وفى غخوانها ...أما عن عركى الفنان الفنان فيطول الحديث فلقد تعرفت عليه قبل سنوات ووجدت فيه من الخصال مالا يوجد عند غيره ...هو مرهف حد الثمالة ورقيق كما النسمة ال(صبا) وإنسان وفنان بكل ماتحمل الكلمتان من معان ...
سعدت مضاعفا ببوستك يا خالد ولعبدوس وصبا محبتى الصادقة...
الرشيد شمس الدين
الرشيد شمس الدين عبدالله
رد: أتانا أبوعركى البخيت ذات مرّة
من طرف احمد محمد احمد الإثنين 20 يوليو 2009, 16:32
العزيز خالد
ما شاء الله صبا عسل.
أبو عركى رجل فنان و انسان و الفنانون الحق يرون ما لا يراه الاخرون ولا شك ان هذا ما راه و جذبه الى صبا والتى ان حرمت من شئ فلا شك ان الله (الذي لا يظلم عنده عبد) قد منحها اشياء و اشياء قد تبدوا لكم فى قادم الايام.
ما شاء الله صبا عسل.
أبو عركى رجل فنان و انسان و الفنانون الحق يرون ما لا يراه الاخرون ولا شك ان هذا ما راه و جذبه الى صبا والتى ان حرمت من شئ فلا شك ان الله (الذي لا يظلم عنده عبد) قد منحها اشياء و اشياء قد تبدوا لكم فى قادم الايام.
احمد محمد احمد
رد: أتانا أبوعركى البخيت ذات مرّة
من طرف عاطف عكود الإثنين 20 يوليو 2009, 17:15
الاعزاء والله بعد ماكتبت الرد بمزاج طشه وين والله ماعارف ؟ على العموم لكم الاشواق ولكم العتبى حتى ترضوا للانقطاع الغير مقصود وشكلو حايطول لفترة اسبوعين تلاته تانى يعنى حتى العوده للقواعد سالما انشاء الله ودى بعض التخريمات السريعه
1- الكبير عبدوس متابعين بوست المرحوم الاصيل اصيل ياريت لو يكون البوست باسمه للتاريخ والتوثيق ولسهوله العوده له ولكل المداخلات بسهوله ويسر فله الرحمه والمغفره ولك ياكبير التجله والتقدير وانت تبداء البوست باول اتحاد ( نقابه ) يعنى من البدايه جد جد .
2- الحاج خالد موضوع ابوعركى البخيت 100% (مافى حاجه كدى لاخونا عاصم البنا ) التحيه موصوله للاموره صبا متعها الله واخوانها بالصحه والعافيه ورضى المولى ورضى الوالدين .
3- العزيز رشدى متعك الله بالصحه والعافيه وانت ذلك الرقم والقاسم المشترك الاعظم فى كل بوست فتح او سيفتح .
4- الرائع اسامه ليك وحشه .
5- الاعزاء احمد محمد احمد وعبدالعظيم والله الواحد احتار ايهم اسهل واقرب التواصل عبر المنتدى او عبر شارع الجمهوريه ..... معاكم ومشاق ليكم
6- الاخوه الاعزاء بقية العقد الماسى والله مشتاقين بدون فرز وفى انتظار التواصل من ومع الكل
دمتم ودام مابيننا
عاطف عكود
1- الكبير عبدوس متابعين بوست المرحوم الاصيل اصيل ياريت لو يكون البوست باسمه للتاريخ والتوثيق ولسهوله العوده له ولكل المداخلات بسهوله ويسر فله الرحمه والمغفره ولك ياكبير التجله والتقدير وانت تبداء البوست باول اتحاد ( نقابه ) يعنى من البدايه جد جد .
2- الحاج خالد موضوع ابوعركى البخيت 100% (مافى حاجه كدى لاخونا عاصم البنا ) التحيه موصوله للاموره صبا متعها الله واخوانها بالصحه والعافيه ورضى المولى ورضى الوالدين .
3- العزيز رشدى متعك الله بالصحه والعافيه وانت ذلك الرقم والقاسم المشترك الاعظم فى كل بوست فتح او سيفتح .
4- الرائع اسامه ليك وحشه .
5- الاعزاء احمد محمد احمد وعبدالعظيم والله الواحد احتار ايهم اسهل واقرب التواصل عبر المنتدى او عبر شارع الجمهوريه ..... معاكم ومشاق ليكم
6- الاخوه الاعزاء بقية العقد الماسى والله مشتاقين بدون فرز وفى انتظار التواصل من ومع الكل
دمتم ودام مابيننا
عاطف عكود
عاطف عكود
رد: أتانا أبوعركى البخيت ذات مرّة
من طرف خالد عبدالحميد الخميس 23 يوليو 2009, 09:59
يا الرشيد ياخى انت الفنان شكرا لكل تشجيعك ولرقيق الكلام،،، سلمتالرشيد شمس الدين عبدالله كتب:العزيز خالد ( أبو صبا ) , يالجمالها الفاتن , صبا ( بالمناسبة يا خالد , هل صبا بكسر السين أم فتحها ) ,... بارك الله لك فيها وفى غخوانها ...أما عن عركى الفنان الفنان فيطول الحديث فلقد تعرفت عليه قبل سنوات ووجدت فيه من الخصال مالا يوجد عند غيره ...هو مرهف حد الثمالة ورقيق كما النسمة ال(صبا) وإنسان وفنان بكل ماتحمل الكلمتان من معان ...
سعدت مضاعفا ببوستك يا خالد ولعبدوس وصبا محبتى الصادقة...
الرشيد شمس الدين
وطالما عندك معرفة بعركى فبلغه منّا السلام،،ولعلّى أطمع ان عندك طريقة حاول وصّل ليهو المقال،، ففى ظنى انو ما شافو لانو كان هنا حين النشر
* اما عن الفتح والكسر فكل الحروف مفتوحة ،،، عبدالله بن الدميّنة هو قائل بيت الشعر الاشهر
الا يا صبا نجدِ متى هجت من نجد... لقد زادنى مسراك وجداً على وجدِ
وشوقى( العظيم،، رغم تقل دمه) قال
صبا بردى أرق ... ودمع لا يكفكف يا دمشق
لك التحايا من صبا وهى تدافر فى حيشان الخرطوم
خالد عبدالحميد
رد: أتانا أبوعركى البخيت ذات مرّة
من طرف خالد عبدالحميد الخميس 23 يوليو 2009, 10:03
ابو حميد شكرا يا عظيم على المرور وعلى رقيق الكلام،،، لك من صبا وابا صبا التحياتاحمد محمد احمد كتب:العزيز خالد
ما شاء الله صبا عسل.
أبو عركى رجل فنان و انسان و الفنانون الحق يرون ما لا يراه الاخرون ولا شك ان هذا ما راه و جذبه الى صبا والتى ان حرمت من شئ فلا شك ان الله (الذي لا يظلم عنده عبد) قد منحها اشياء و اشياء قد تبدوا لكم فى قادم الايام.
عدل سابقا من قبل خالد عبدالحميد في الخميس 23 يوليو 2009, 11:06 عدل 1 مرات
خالد عبدالحميد
رد: أتانا أبوعركى البخيت ذات مرّة
من طرف خالد عبدالحميد الخميس 23 يوليو 2009, 11:01
إن شاء الله اجازة ممتعة يا عاطف،،كتّر الف خيرك الحرص على الظهور رغم كل ما هو معروفAtif Siddig Akoud كتب:الاعزاء لكم الاشواق ولكم العتبى حتى ترضوا للانقطاع الغير مقصود وشكلو حايطول لفترة اسبوعين تلاته تانى يعنى حتى العوده للقواعد سالما انشاء الله ودى بعض التخريمات السريعه
2- الحاج خالد موضوع ابوعركى البخيت 100% (مافى حاجه كدى لاخونا عاصم البنا ) التحيه موصوله للاموره صبا متعها الله واخوانها بالصحه والعافيه ورضى المولى ورضى الوالدين
دمتم ودام مابيننا
عاطف عكود
وياخى بصفتك عضو مؤسس ونشيط ،،، ما تجتهد لينا مع ناس الخرطوم وبورسودان ،، يعنى نص ساعة كل يومين تلاتة ،،، تلفونات تلغرافات،، حنــك عديل كده،،، اشتغل شوية تجنيد لهذا الملتقى (((إن شاء الله بنشوف نتايج على الارض))))
لك الود على الكلام الطيّب ،،،، وبرجع ليك لى عاصم البنا ،،،، فى حاجة لى ابو صلاح!! تنفع
سلمت
ودام الود بحاراااااااااااااااااا
خالد عبدالحميد
رد: أتانا أبوعركى البخيت ذات مرّة
من طرف أسامة معاوية الطيب الخميس 23 يوليو 2009, 14:15
العزيز خالد ... صباحك صَبا وصبابة
آلاف القبلات للفاتنة صبا ... ولإخوتها
وأنا جاي على المكتب كت بتذكر في سؤال أستاذنا الرشيد إنها بالفتح واللا بالكسر ؟ فقلت يعني من قل الكسور الباشمهندس داير يزيدنا واحد ؟ ولكن الصَبا (بالفتح المبين ) هي من أجمل ما غنى له الشعراء من نسيم ( الجنب البحر داك )
ولكن الغريب في الموضوع أن البيت الذي كنت ساستشهد به كنت مفتكرو بتاع ( البنا ) ما عارف ليه جيت ليقتك مستشهد بيهو وعرفت إنو لشوقي فقت الحمدلله الما اتشالقت ( التقلة صنعة كمان )
سلامُ من صَبا بردى أرقُّ ودمعُ لا يكفكف يا دمشق
ريح الصبا :
يعرف العرب هذه الريح بأنها التي تستقبل القبلة، فهي تحن إلى الكعبة وتصبو إليها ويكون مهبها من مطلع الثريا إلى بنات نعش، وهي ريح طيبة النسيم .
وقد أشارت كتب التفسير إلى أن ريح الصبا هي التي سخرها الله لنبيه سليمان عليه السلام غدوها شهر ورواحها شهر، وكذلك فهي الرياح التي نصر الله بها النبي صلى الله عليه وسلم في غزواته .
وفي الحديث أن رسول الله صلى الله عليه وسلم قال: (نصرت بالصبا، وأهلكت عاد بالدبور) .
قال الشاعر ابن عرفه نفطويه يمدح الرسول صلى الله عليه وسلم:
له دعوة ميمونة ريحها الصبا
بها أنبت الله الحصيد والأبا
والأب هو: كل ما أنبتت الأرض مما لايأكله الناس، والحصيد هو: كل ما تنبته الأرض ويأكله الناس .
ولقد قيل في رياح الصبا أنها إذا استنشقها الإنسان المهموم، وخاصة في ساعات الصباح الأولى فانه يشعر بعدها بالنشاط والحيوية وسعة الصدر والصبا والشباب، قال مجنون ليلى:
فان الصبا ريح إذا تنسمت
على نفس مهموم تجلت همومها ..... منقول من الشقيق قوقل
وبالمناسبة هو من أجمل الأسماء إلى نفسي وراجيبو البنية الأولى
وعن أبو عركي بجي راجع
آلاف القبلات للفاتنة صبا ... ولإخوتها
وأنا جاي على المكتب كت بتذكر في سؤال أستاذنا الرشيد إنها بالفتح واللا بالكسر ؟ فقلت يعني من قل الكسور الباشمهندس داير يزيدنا واحد ؟ ولكن الصَبا (بالفتح المبين ) هي من أجمل ما غنى له الشعراء من نسيم ( الجنب البحر داك )
ولكن الغريب في الموضوع أن البيت الذي كنت ساستشهد به كنت مفتكرو بتاع ( البنا ) ما عارف ليه جيت ليقتك مستشهد بيهو وعرفت إنو لشوقي فقت الحمدلله الما اتشالقت ( التقلة صنعة كمان )
سلامُ من صَبا بردى أرقُّ ودمعُ لا يكفكف يا دمشق
ريح الصبا :
يعرف العرب هذه الريح بأنها التي تستقبل القبلة، فهي تحن إلى الكعبة وتصبو إليها ويكون مهبها من مطلع الثريا إلى بنات نعش، وهي ريح طيبة النسيم .
وقد أشارت كتب التفسير إلى أن ريح الصبا هي التي سخرها الله لنبيه سليمان عليه السلام غدوها شهر ورواحها شهر، وكذلك فهي الرياح التي نصر الله بها النبي صلى الله عليه وسلم في غزواته .
وفي الحديث أن رسول الله صلى الله عليه وسلم قال: (نصرت بالصبا، وأهلكت عاد بالدبور) .
قال الشاعر ابن عرفه نفطويه يمدح الرسول صلى الله عليه وسلم:
له دعوة ميمونة ريحها الصبا
بها أنبت الله الحصيد والأبا
والأب هو: كل ما أنبتت الأرض مما لايأكله الناس، والحصيد هو: كل ما تنبته الأرض ويأكله الناس .
ولقد قيل في رياح الصبا أنها إذا استنشقها الإنسان المهموم، وخاصة في ساعات الصباح الأولى فانه يشعر بعدها بالنشاط والحيوية وسعة الصدر والصبا والشباب، قال مجنون ليلى:
فان الصبا ريح إذا تنسمت
على نفس مهموم تجلت همومها ..... منقول من الشقيق قوقل
وبالمناسبة هو من أجمل الأسماء إلى نفسي وراجيبو البنية الأولى
وعن أبو عركي بجي راجع
أسامة معاوية الطيب
رد: أتانا أبوعركى البخيت ذات مرّة
من طرف الرشيد شمس الدين عبدالله الخميس 23 يوليو 2009, 22:45
مرحبا أبا صبا وعودا مستطابا حبيبنا أسامة ( أبو صبا الأخرى ) بإعتبار ماسيكون بإذن واحد أحد ... سعدت كثيرا بالمرافعة الرائعة عن إسم صبا وأحسب أنه من مايقوله ( الكتاب ) من طرف أسامة ..بالمناسبة هل للكتاب الفاهم هذا علاقة بقوقل ؟؟؟ لا تحرمنا أسامة من الطلة الزاهية وجبر الله كل كسور السودان ....
بالمناسبة يا أسامة رأيت اخر الأعضاء المسجلين ( ياسر عباس ) , هل هو مولانا ياسر شقيق الأستاذ عصام , إن كان ذلك كذلك فيا لجمال الريح الصبا التى كم توحشنا إذ تأتينا من قبل المرحوم الخالد على سورج أو إن لم يكن فمرحبا به ...بيته ومطرحه على كل حال ......
أحسب أن الكلمات الرائعات عن عركى الفنان من طرف خالد هى الان فى طريقها لعركى إن لم تكن قد وصلته فعلا ... وليدم أبدا مابيننا ..
الرشيد شمس الدين
بالمناسبة يا أسامة رأيت اخر الأعضاء المسجلين ( ياسر عباس ) , هل هو مولانا ياسر شقيق الأستاذ عصام , إن كان ذلك كذلك فيا لجمال الريح الصبا التى كم توحشنا إذ تأتينا من قبل المرحوم الخالد على سورج أو إن لم يكن فمرحبا به ...بيته ومطرحه على كل حال ......
أحسب أن الكلمات الرائعات عن عركى الفنان من طرف خالد هى الان فى طريقها لعركى إن لم تكن قد وصلته فعلا ... وليدم أبدا مابيننا ..
الرشيد شمس الدين
الرشيد شمس الدين عبدالله
رد: أتانا أبوعركى البخيت ذات مرّة
من طرف عبد الرحمن الزين2 الجمعة 24 يوليو 2009, 20:58
لا املك الا ان اجلس تحت البنبر وانزوي....في انتظار الدرر..لله دركم خالد..اسامة..رشدي... ود عكود....جندوب.. امتعونا بارك الله فيكم..
عبدوس
عبدوس
عدل سابقا من قبل عبد الرحمن الزين في الجمعة 24 يوليو 2009, 21:00 عدل 1 مرات (السبب : خطا املائي)
عبد الرحمن الزين2
رد: أتانا أبوعركى البخيت ذات مرّة
من طرف عاطف عكود السبت 25 يوليو 2009, 04:51
إن شاء الله اجازة ممتعة يا عاطف،،كتّر الف خيرك الحرص على الظهور رغم كل ما هو معروفخالد عبدالحميد كتب:د
وياخى بصفتك عضو مؤسس ونشيط ،،، ما تجتهد لينا مع ناس الخرطوم وبورسودان ،، يعنى نص ساعة كل يومين تلاتة ،،، تلفونات تلغرافات،، حنــك عديل كده،،، اشتغل شوية تجنيد لهذا الملتقى (((إن شاء الله بنشوف نتايج على الارض))))
لك الود على الكلام الطيّب ،،،، وبرجع ليك لى عاصم البنا ،،،، فى حاجة لى ابو صلاح!! تنفع
سلمت
ودام الود بحاراااااااااااااااااا[/quote]
الحاج خالد اكيد توارد خواطر واهو شغالين...... وانشاء الله نشوف ...... و تشوف.......... نتايج على الهواء كمان ,,,, مش على الارض بس .
وفى انتظار رجوعك لى عاصم البنا ...... واكيد ابوصلاح ينفع ونص .
دمت ودام تواصلنا
عاطف عكود
عاطف عكود
رد: أتانا أبوعركى البخيت ذات مرّة
من طرف خالد عبدالحميد السبت 25 يوليو 2009, 09:38
اسامة: يحكى أنّ العلامة عبدالله الطيب فى زمن زمان قبل ان يصبح ذاك الرجل عليه رحمة الله،، كان راكب البص ماشى مدنى من (الخرتوم) وغفا مع الدقداق وصحى على كركبة وقوف البص فسأل الجنبو
وين نحن ؟؟
زولك قال ليهو ( دى الكاملين!)
فانتفض الشيخ قائلا
هى لاتسمى الكاملين بل هى الكامنين لأن الخليفة عبدالله كمن فيها بجيشه وهو فى طريقه لمعركة .....
ما كان من اخونا الا قال
يا شيخنا انا غايتو نازل الحصاحيصا
او كما دار الحوار
اسعدتنا مرافعتك عن صبا لكن نحن مُـنـدّلّيــن نيويورك والاسم سهل نطقه بالانجليزية،،،،،نقول ما نقول للتفكه
ويا لجمال كلماتك وامانة التنويه عن شوقى ( تقيل الدم ..one more time)
وما قد لا يلاحظ هذا الادب الجم ،،،، فقد أخطأت انا فى البيت ولم أذكر كلمة <سلام>
فى اول البيت ،، وما ارتضى هذا الاديب المؤدّب التنويه علنا لكنه اعاد كتابة البيت
سلمت لنا أبا صبا،،، انعم الله عليك بالصبابة ثم ليلة ذات وترٍ وربابة ....وبعدها صبا وصبايا وصبيان
نتباهى ان قد سبقناك بالاسم ،،، فمحاولة اللحاق بالادباء لنا زهو
تخاريم"
الكابلى فى رمية قديمة قال
يا نسيم الصبا النجد،، أريجك على مدى الأزمان
يداعب ؟؟؟؟؟ الاوزان... بطيب انفاسك الوردِ
ولون يختال على الالوان
والحقيبة المليانة دررفيها
صبا النجد،،، زارنى وهيّج وجدى
هوووى يا ؟؟؟؟؟؟
قفلة:
لا نستطيع الانتظار كثيرا وعدك العودة لعركى،، ابقى جاى
وين نحن ؟؟
زولك قال ليهو ( دى الكاملين!)
فانتفض الشيخ قائلا
هى لاتسمى الكاملين بل هى الكامنين لأن الخليفة عبدالله كمن فيها بجيشه وهو فى طريقه لمعركة .....
ما كان من اخونا الا قال
يا شيخنا انا غايتو نازل الحصاحيصا
او كما دار الحوار
اسعدتنا مرافعتك عن صبا لكن نحن مُـنـدّلّيــن نيويورك والاسم سهل نطقه بالانجليزية،،،،،نقول ما نقول للتفكه
ويا لجمال كلماتك وامانة التنويه عن شوقى ( تقيل الدم ..one more time)
وما قد لا يلاحظ هذا الادب الجم ،،،، فقد أخطأت انا فى البيت ولم أذكر كلمة <سلام>
فى اول البيت ،، وما ارتضى هذا الاديب المؤدّب التنويه علنا لكنه اعاد كتابة البيت
سلمت لنا أبا صبا،،، انعم الله عليك بالصبابة ثم ليلة ذات وترٍ وربابة ....وبعدها صبا وصبايا وصبيان
نتباهى ان قد سبقناك بالاسم ،،، فمحاولة اللحاق بالادباء لنا زهو
تخاريم"
الكابلى فى رمية قديمة قال
يا نسيم الصبا النجد،، أريجك على مدى الأزمان
يداعب ؟؟؟؟؟ الاوزان... بطيب انفاسك الوردِ
ولون يختال على الالوان
والحقيبة المليانة دررفيها
صبا النجد،،، زارنى وهيّج وجدى
هوووى يا ؟؟؟؟؟؟
قفلة:
لا نستطيع الانتظار كثيرا وعدك العودة لعركى،، ابقى جاى
خالد عبدالحميد
رد: أتانا أبوعركى البخيت ذات مرّة
من طرف خالد عبدالحميد السبت 25 يوليو 2009, 09:57
شكرا يا الرشيد ،، واستلمت الايميل ،،، لا عدمناكالرشيد شمس الدين عبدالله كتب:بالمناسبة يا أسامة رأيت اخر الأعضاء المسجلين ( ياسر عباس ) , هل هو مولانا ياسر شقيق الأستاذ عصام ,
ضاع منّا فى زحام امريكا سنين عددا ،، وقبل كم يوم لمّيت فى تلفونو،، اتصلت عشان اديهو خبر المنتدى ونشوف ماذا فعلت به السنين،،،
فاذا بanswer machine تدخل على نسألنى ان اترك رسالة لان ( ياسر عباس) لا يمكن الوصول اليه حاليا
تركت له الرسالة دى
((( سلام ياخونا .. والله ياسر البنعرفو اسمو ياسر شاكر ،،،،، عباس ده جه من وين )))
اتصل على بعدها اخونا ياسر شاكر وهاهو قد صار من آخر المشتركين،،، وفى انتظار اسهاماتو
أحسب أن الكلمات الرائعات عن عركى الفنان من طرف خالد هى الان فى طريقها لعركى إن لم تكن قد وصلته فعلا ... وليدم أبدا مابيننا ..
الرشيد شمس الدين
ودام الود بحاراااا عبر قارات الارض
خالد عبدالحميد
رد: أتانا أبوعركى البخيت ذات مرّة
من طرف خالد عبدالحميد الإثنين 20 ديسمبر 2010, 09:23
نعود للشخبطات من حيث توقفنا ،،،وباستحياء ندخل من حيث أنانا مرّة ابا عركى البخيت،،،هذا البوست قديم وأصله مقال ركيك للعبد لله ما أرتفع لقامة ابوعركى البخيت لما جه زيارة لامريكا،،لكنه كان جهد المقل احتفاءا بالدهشة التى خلفتها زيارته العابرة
كل من كان هنا السنة الفاتت اكيد مرّ على البوست،،لكن ان كان من احباب جدد تابعوا الونسة والاضافات الرشيقة خصوصا من الرشيد عن عركى كما دهش السلات بالعجوة
اذن من اراد متابعة الونسة عن الانسان والفنان فبلقى برضو شوية فى البوست ده من اولو،،،،،،،،،،،،مع التأكيد انو النفاج فاااااتح ومن اى بوست تدخلون
بس ابقوا داخلين
وهكذا غنى عركى مخاطبا قلبه وكأنه واحد منّا يا بحّارة السودان
ما زمان انا وانت لفّينا المواني
بالقطارات والمطارات والسفن
ودقينا اجراس الجديد
وعدنا ترتيب المعاني
الليلة راجع لي تبقبق
بتنتل الآهة وترقرق
زي تقول يا داب عرفت الاندهاش
يا قليب مالك عليا
ما انت عارف نقطة الضعف القديمة
وزيي ضايق الارتعاش
؟؟؟؟؟؟؟؟؟؟؟ ولا كيــــــــــــــف؟؟؟
كل من كان هنا السنة الفاتت اكيد مرّ على البوست،،لكن ان كان من احباب جدد تابعوا الونسة والاضافات الرشيقة خصوصا من الرشيد عن عركى كما دهش السلات بالعجوة
اذن من اراد متابعة الونسة عن الانسان والفنان فبلقى برضو شوية فى البوست ده من اولو،،،،،،،،،،،،مع التأكيد انو النفاج فاااااتح ومن اى بوست تدخلون
بس ابقوا داخلين
وهكذا غنى عركى مخاطبا قلبه وكأنه واحد منّا يا بحّارة السودان
ما زمان انا وانت لفّينا المواني
بالقطارات والمطارات والسفن
ودقينا اجراس الجديد
وعدنا ترتيب المعاني
الليلة راجع لي تبقبق
بتنتل الآهة وترقرق
زي تقول يا داب عرفت الاندهاش
يا قليب مالك عليا
ما انت عارف نقطة الضعف القديمة
وزيي ضايق الارتعاش
؟؟؟؟؟؟؟؟؟؟؟ ولا كيــــــــــــــف؟؟؟
خالد عبدالحميد
رد: أتانا أبوعركى البخيت ذات مرّة
من طرف عاطف عكود الثلاثاء 21 ديسمبر 2010, 02:31
كيــــــــــــــف ونص وخمسه !!!!!!!!خالد عبدالحميد كتب:
وهكذا غنى عركى مخاطبا قلبه وكأنه واحد منّا يا بحّارة السودان
انه منّا , وان لم يكن كذلك فنحن منه
الليلة راجع لي تبقبق
بتنتل الآهة وترقرق
؟؟؟؟؟؟؟؟؟؟؟ ولا كيــــــــــــــف؟؟؟
تسلم ابو صبا .....نتل ... وبقبقه , بتنكت الحاجات الرائعه دى من وين ؟
ودام تواصل الابداع
عاطف عكود
عاطف عكود
رد: أتانا أبوعركى البخيت ذات مرّة
من طرف الاء الثلاثاء 27 مارس 2012, 14:42
[quote]كتب خالد : من نعم الله علىّ كما يعلم البعض ،،أن رزقنى رب العباد ابنة ( صَـبا ) ذات إعاقة بدرجةً ما ،، لها فى القلب ما قد يفوق ما لاختها واخيها وهى كاسمها نسمة تحسبها قادمة ما من هذه الدنيا ،،/quote]
ابو صبا .. تحية وسلام والكمال لله وحده فالكمال ليس قامة أولون وشكل وأُخر والحمدلله لقد فازت صبا بمساحة مقدره فى قلب ابيها .. ولنا فى واقعة ابن مكتوم خير مثال ، وكلام المولى عز وجل .. ((وما يدريك لعله يتزكى ، أو يذكر فتنفعه الذكرى )) (صدق الله العظيم) ، فكان حين يقابله النبى (صلى الله عليه وسلم) يقول : اهلاً بمن عاتبنى فيه ربى ) .. ونحن نردد لكل شئ اذا ما تم نقصان * فلا ُيغر بطيب العيش انسان .
تسلم صبا واخواتها .
ابو عركى فنان اصيل كامل الدسم ..لقد كفيت ووفيت .. انا عن نفسى لا اعرف عن شاعريته شئ وتمنيت مع صوته ان يكون شاعراً لانه يمتاز بمخارج حروف .. ولكن بعرف انه يختار كلماته بدقة .. غاب ورجع والناس راجياه ، وحشنا وطالت غيبته ولكنه رجع اقوى فى ظل الاوضاع التى تأبى الا الكلام المغتت وفاضي _الا من رحم ربي _ التحية له ولأهلى الغبش .
http://www.sm3na.com/send/6362df162948
و
ديل اهلى الغبش...وكتا بكير مرقو النفير
شالو النهار حتى العصير
ما كلو يوم ولاقصرو
**
امل الغبش ينزل سحاب
يروى الارض
ويحيى التراب
العيش يطول وقت الكداد
زرا غزير ما انضرو
**
صحا الخريف والفرحه ضوت فى العيون
هان التعب و الدمعه جفت فى الجفون
زاد العشم عشم الغبش الزرع يطولو فوق ما يقصرو
لاكن حصل و الليل سهاد جاهم جراد اكل الحصاد
بجيكم راجعة
ابو صبا .. تحية وسلام والكمال لله وحده فالكمال ليس قامة أولون وشكل وأُخر والحمدلله لقد فازت صبا بمساحة مقدره فى قلب ابيها .. ولنا فى واقعة ابن مكتوم خير مثال ، وكلام المولى عز وجل .. ((وما يدريك لعله يتزكى ، أو يذكر فتنفعه الذكرى )) (صدق الله العظيم) ، فكان حين يقابله النبى (صلى الله عليه وسلم) يقول : اهلاً بمن عاتبنى فيه ربى ) .. ونحن نردد لكل شئ اذا ما تم نقصان * فلا ُيغر بطيب العيش انسان .
تسلم صبا واخواتها .
كتب خالد : كان حضور عركى حدثاً فى حد ذاته، بهرنا الرجل وفاق أعلى توقعاتنا عنه. شاب الرجل قليلاً عمّا تركناه قبل أكثر من عقد من الزمان ونقص وزناً وزاد ألقاً وفى العاشرة وثمان وخمسين دقيقة بالتمام أتى مسرعاً وكأنه على موعد. ممشوقاً كحسامٍ يمانى ليشدو بأولى كلماته فى الحادية عشر.. طربٌ ما شهدته نيو جيرسى قط وغنى عركى صادقا ًمنفعلا تنفر منه العروق صاعدا مع الكلمة مبتسما للجمهور. غنى كالسيل يروى عطش مغتربى آخر الدنيا ، لا زال يغنى بيديه محرّكا الجميع ..لك الله يا عركى لم تتغير ولم تصدأ الحنجرة الذهبية .. هل يا ترى تغيّر الآخرون؟ وما تغيرنا نحن أو هكذا نظن فأنت داخل تلك الصالة الأنيقة ترى تياباً وجلاليب وطعمية وكل طعم وطعام سودانى .
فى ذات الفاصل وفى لفتة وفاء بارعة بادرت بها أسرة "سودانيى نيو جيرسى" بتكريم ابوعركى لشخصه وتاريخه وباعتباره رمزاً لمبدعى السودان، أهدوه شيئاً مما يهدى وقدّموا لذلك برقيق كلمات وأبيات لكن الرجل الفنّان المرهف هطل شعرًا ونثراً ردّاً على ما قيل مُحوّلاً الحدث الى لوحة فنية نادرة سمت بالحضور وزادت الحبور ولمع الشاعر الذى لا يعرفه الكثيرون داخل ابوعركى البخيت.
ابو عركى فنان اصيل كامل الدسم ..لقد كفيت ووفيت .. انا عن نفسى لا اعرف عن شاعريته شئ وتمنيت مع صوته ان يكون شاعراً لانه يمتاز بمخارج حروف .. ولكن بعرف انه يختار كلماته بدقة .. غاب ورجع والناس راجياه ، وحشنا وطالت غيبته ولكنه رجع اقوى فى ظل الاوضاع التى تأبى الا الكلام المغتت وفاضي _الا من رحم ربي _ التحية له ولأهلى الغبش .
http://www.sm3na.com/send/6362df162948
و
ديل اهلى الغبش...وكتا بكير مرقو النفير
شالو النهار حتى العصير
ما كلو يوم ولاقصرو
**
امل الغبش ينزل سحاب
يروى الارض
ويحيى التراب
العيش يطول وقت الكداد
زرا غزير ما انضرو
**
صحا الخريف والفرحه ضوت فى العيون
هان التعب و الدمعه جفت فى الجفون
زاد العشم عشم الغبش الزرع يطولو فوق ما يقصرو
لاكن حصل و الليل سهاد جاهم جراد اكل الحصاد
بجيكم راجعة
الاء
رد: أتانا أبوعركى البخيت ذات مرّة
من طرف خالد عبدالحميد الأربعاء 28 مارس 2012, 09:54
شكرا على هذا المرورالانيق الرشيق يادكتورة
انا ذاتو بجى راجع،،، واظنك جيت للرشيد فى مجال اختصاصو
وما تنسى ابوعركى وهو جاى علينا،،لاقى عبدالرحمن الزين صدفة فى احد مطارات المنافى
ويحكيلك مهدى عن السلات بالعسل،،،
اما مرافعة اسامة معاوية عن الاسم -صبا-الفى البوست ده فمحاضرة
وحكوة البنية الشغالة مع عركى
وانفعالات عاطف عكود مع القلوب المهاجرة التبقبق
ياخى عركى ده فلم،،،حالتو ما جينا لى عفاف الصادق
يخيل لى الرجعة واجبة
انا ذاتو بجى راجع،،، واظنك جيت للرشيد فى مجال اختصاصو
وما تنسى ابوعركى وهو جاى علينا،،لاقى عبدالرحمن الزين صدفة فى احد مطارات المنافى
ويحكيلك مهدى عن السلات بالعسل،،،
اما مرافعة اسامة معاوية عن الاسم -صبا-الفى البوست ده فمحاضرة
وحكوة البنية الشغالة مع عركى
وانفعالات عاطف عكود مع القلوب المهاجرة التبقبق
ياخى عركى ده فلم،،،حالتو ما جينا لى عفاف الصادق
يخيل لى الرجعة واجبة
عدل سابقا من قبل خالد عبدالحميد في الأربعاء 28 مارس 2012, 09:59 عدل 1 مرات (السبب : لان عركى لا يحتاج سبب)
خالد عبدالحميد
رد: أتانا أبوعركى البخيت ذات مرّة
من طرف الاء الخميس 29 مارس 2012, 18:52
الاخ ابو صبا .. تسلم ومرحب بحكاوى الباقينخالد عبدالحميد كتب: شكرا على هذا المرورالانيق الرشيق يادكتورة
انا ذاتو بجى راجع،،، واظنك جيت للرشيد فى مجال اختصاصو
وما تنسى ابوعركى وهو جاى علينا،،لاقى عبدالرحمن الزين صدفة فى احد مطارات المنافى
ويحكيلك مهدى عن السلات بالعسل،،،
اما مرافعة اسامة معاوية عن الاسم -صبا-الفى البوست ده فمحاضرة
وحكوة البنية الشغالة مع عركى
وانفعالات عاطف عكود مع القلوب المهاجرة التبقبق
ياخى عركى ده فلم،،،حالتو ما جينا لى عفاف الصادق
يخيل لى الرجعة واجبة
دمتم بخير
الاء
رد: أتانا أبوعركى البخيت ذات مرّة
من طرف الاء الخميس 29 مارس 2012, 18:58
عبد الرحمن الزين2 كتب:العزير رشدي...الحبيب خالد... والله ما احجمت ان اواصل السرد..وكن لم اشا ان افرض نفسي وقلت اترك الفرصة للمتداخلين وكفاهم امطارا فخريف السودان الحبيب يبشر بمطر غزير... رغم مشغولياتي وطلتي كنت اتمني ان تعليقا لما اكتب سلبا او ايجابا... ولما دخلت وجدت انك - كعهدي بك- لم تخذلني- وقلته يا عبدوس انتهي من كل شئ وسن راس الكي بورد وواصل... فاذا بي اجد رسالة خالد العزيز...لهذا ساترك له المجال الي غد وان لم يعد ساعود...
تخريمة حاج خالد.. كما تعلم انا دايم السفر والترحال...عدت من الخرطوم علي الالمانية لوفتهانزا - كعهدي دوما- ونزلت فرانكفورت واذا بشاب سوداني ذو شنب رقيق يسالني ان كنت اتحدث الالمانية.. يبدو عليه انه نزل من نفس الطايرة
القادمة من الخرطوم قال لي انه من متجه الي امريكا هل يمن ان اساعده...ورغم اننا تخبطنا في المطار -كعادة من يمر علي فرانكفورت- لكني سعدت بان وقفت معه حتي وصل البوابة....بعد ايام ثلاثه ..تصفحت سودانيز اون لاين وشاهدت صورة الشاب وعلمت انه كان ابو عركي البخيت... ما اجهلنا نحن البحارة.. التحية له واصل يا حاج وساواصل انا
وعووووووووووووووووووك
عبد الرحمن
سلامات يا كابتن ..أما انا ففرضت نفسي ثم الخريف الفوق دا ما شوفتو لسه .. ومرحب به اينما حل وهطل.
هههههههههههههه.. بقى ياكابتن ابو عركي بجلالة قدروا .. ما ليك حق والعتب على الغربة .. زكرتنى باحدى قريباتى وهى فى رحلة استشفاء بلندن فى الثمانينات ، وفى الاسانسير لاقاها زول سودانى ( جلابية ، عمة لبسة سودانية كاملة ) ولما كانت هى الأخرى لابسة توب سودانى فحياها ام حيى الثوب السودانى .. لا أدرى .. وكما قال ابو عركي شفت التوب وما لاقانى أجمل منو .. فقعدت تضرب اسداس × اخماس الراجل دا انا شايفاهو وين ! .. إتلاقوا وأخوها فى صالة الفندق فسلم عليه بحرارة ، طلع الراجل البروفيسور على المك - عليه الرحمة -
اتاري الزهمرة من زمااان موجودة .
الاء
رد: أتانا أبوعركى البخيت ذات مرّة
من طرف خالد عبدالحميد الإثنين 01 أكتوبر 2012, 04:44
غنــّانا الكابلى ليلة امس
اى والله الكابلى ذات نفسيهو،، تألقت نيو جيرسى وتشرفت بليلة من الطرب الاصيل
كان هنا الكابلى والموصلى ، لامن نفوق من نشوة الابداع ونعود كان الله هون لمواصلة البث،،،
لوضع الامر فى حجمه الحقيقى لمن لم يجرب المنافى البعيدة هذى
حدث فى حجم الكابلى لايتكرر الا كل كمّين سنة،، اذا انا ما غلتان ...اظن من بداية البوست ده فى2009 لما كان هنا ابوعركى،،، ما سمعنا هكذا طرب
توثيق للزمن/ حدث هذا فى اخريات سبتمبر2012
انطباع اول/ ان سمعت الكابلى امس ، تحلف تقول نفس الصوت بتاع السبعينات او التمانينات او حتى الستينات/ حنجرة من ذهب لا تصدأ ما شاء الله
تانى// كدى نفوق من البهجة ونعود
اى والله الكابلى ذات نفسيهو،، تألقت نيو جيرسى وتشرفت بليلة من الطرب الاصيل
كان هنا الكابلى والموصلى ، لامن نفوق من نشوة الابداع ونعود كان الله هون لمواصلة البث،،،
لوضع الامر فى حجمه الحقيقى لمن لم يجرب المنافى البعيدة هذى
حدث فى حجم الكابلى لايتكرر الا كل كمّين سنة،، اذا انا ما غلتان ...اظن من بداية البوست ده فى2009 لما كان هنا ابوعركى،،، ما سمعنا هكذا طرب
توثيق للزمن/ حدث هذا فى اخريات سبتمبر2012
انطباع اول/ ان سمعت الكابلى امس ، تحلف تقول نفس الصوت بتاع السبعينات او التمانينات او حتى الستينات/ حنجرة من ذهب لا تصدأ ما شاء الله
تانى// كدى نفوق من البهجة ونعود
خالد عبدالحميد
رد: أتانا أبوعركى البخيت ذات مرّة
من طرف عاطف عكود الإثنين 01 أكتوبر 2012, 05:01
حبيبنا ودالاستاذ اللهم أدمها فرحاً وطرب وفى انتظار التفاصيل ،خالد عبدالحميد كتب:غنــّانا الكابلى ليلة امس
اى والله الكابلى ذات نفسيهو،، تألقت نيو جيرسى وتشرفت بليلة من الطرب الاصيل
توثيق للزمن/ حدث هذا فى اخريات سبتمبر2012
انطباع اول/ ان سمعت الكابلى امس ، تحلف تقول نفس الصوت بتاع السبعينات او التمانينات ............................او حتى الستينات/ حنجرة من ذهب لا تصدأ ما شاء الله
تانى// كدى نفوق من البهجة ونعود
كسره : التمانينيات قلنا معقوله ، السبعينات مشيناها ليك وكدا ، وشيء من حتى .... ما بعد حتى دى بجيب ليك الهوا ، وكلنا فى الهوى طرب .
ودام التواصل والطرب
عاطف عكود
عاطف عكود
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى