مرحبتين حبابك

سلام لكل اهل المنتدى
اسمحوا لى بالترحيب نيابة عنكم بالوافد الجديد القبطان حسن رستم
مرحبتين حبابك قبطان حسن رستم فى منتداك- اكيد الايام دى مستمتع باجواء مدينة بورتسودان و الله انا غلطان؟
عثمان بخلن

osman abdel rahman كتب:
سلام لكل اهل المنتدى
اسمحوا لى بالترحيب نيابة عنكم بالوافد الجديد القبطان حسن رستم
مرحبتين حبابك قبطان حسن رستم فى منتداك- اكيد الايام دى مستمتع باجواء مدينة بورتسودان و الله انا غلطان؟
عثمان بخلن

الأخ عثمان والله الجماعه حايشلوا حالك فالوافد الجديد هو الأستاذ حسين رستم فله التحية والتحية موصولة للأخ حسن رستم وكل أهل بورتسودان فرداً فردا .
عاطف عكود

شكرا اخونا عاطف على التنبيه- عموما مرحبا به و فى انتظار ايضا انضمام اخونا حسن رستم -
لك التحية و التقدير
عثمان بخلن

Hassan Rustom
04 أبريل 2009
08 أبريل 2009
نعم
----
نرحب بالاستاذ حسين رستم
ومناسبة للتذكير انو اخونا حسن كما فى المنقول اعلاه من صفحات الادارة
ايضا عضو قديم
التاريخا الاول تاريخ التسجيل والتانى آخر زيارة
نعم تعنى انو التسجيل شغال
وممكن يدخل بالاسم اعلاه بنفس الباسوورد
والف مرحب حسين رستم، ابقى داخل

ألف مرحب بعزيزنا وصديقنا الأستاذ الجليل حسين رستم وهو بلاشك إضافة كبيرة ونوعية للمنتدى العامر .. رغم أن شهادتى فى الأستاذ حسين قد تبدو مجروحة ولكن يجب القول توضيحا للحقيقة الناصعة وهى أن الأستاذ حسين ومن واقع معايشتى له حين كنا فى نقابة الضباط والمهندسين بسودانلاين وكان هو المستشار القانونى للشركة كان لسان صدق فى كل أقواله وأفعاله وقد وضع أسسا متينة وغير معهودة للعدل فقد كان يقول للإدارة كثيرا وفى حضورنا أنكم مخطئون وأن حديث النقابة صحيح ويجب الأخذ به .... كانت شهادته دائما مع الحق أينما كان وهو بذلك كان دائما فى تقديرى ( قاضيا فى الجنة ) فى مواجهة كل القضاة ( المزوّرين ) الاخرين الذين هم فى النار لامحالة رغم مظاهر التديّن الشكلى التى تظهر على سيماهم بينما دواخلهم أبعد ماتكون عن دواخل أهل الجنّة وأذكر هنا صديقنا الاخر الذى أتمنى الّا أتذكر إسمه وقد كان دوما ساكتا عن الحق فحق أن نسميه الشيطان الأخرس ..
للاٍستاذ حسين تقديرى ومودتى وأخشى أن تكون شهادتى فيه قد قصمت ظهره ولكنها مناسبة لكشف الحقائق كان أولى بها بوست عبدوس الذى أخشى أن يكون قد ( تزهمر ) عن سودانلاين . ص.ب 426 ..

الرشيد ىشمس الدين

الاستاذ حسين رستم عهدي به قانونيا محنكا في المهجر في الملاحة القطرية والادارة العامة للموانئ والجمارك اضافة الي خبرته في عهود سودان لاين النضالية فاكيد سيكون لدية الكثير من المدهش المثير وما احوجنا لسماعه في تواثيقنا هذه والتي ارجو ان يتم ترتيبها وتنظيمها بالتدرج ويصدر بها كتاب يحكي عن تلك الحقبة .

الف مرحب بالاستاذ حسين رستم الرفيق القديم بسودان لاين و نورت المنبر.

مرحبتين اخونا كابتن بدرالدين حسن وأكيد انك إضافة لدار الأسرة البحريه ارح  وأبقى داخل لى جوة
ودام التواصل
عاطف عكود

ما  شاء الله..يالف  مرحب ومراحب بالعزيزين..الاستاذ حسين رستم  والقبطان بدر الدين حسن احمد الحاج..
البيت بيتكم ابقو داخلين باليمين..
تخريمه..وحاتك يا رشدي ص ب 426 سيتواصل وقد توقف للاسباب المعلومه لدينا جميعا لكن بسم الله شايف الروح ردت للمنتدي وعليه سنواصل ومواضيع اخري..شيقه..ابقوا معنا علي قول ناس التلفزيون..
عبد الرحمن الزين..

مرحبتين حبابك و اليوم السعيد الليله جابك
مرحبا بالقبطان و المربى بدر الين حسن
و لو انى شوية عاتب عليك - المسامح كريم - و ذى ما قال ليك ود عكود ابقى داخل جوة على طول
رمضان كريم و كل عام و انتم بخير
عثمان بخلن

مرحبآ بالأخ العزيز بدرالدين حسن على.
بدرالدين صديق عزيز وصحفى محترف نشط لا يشق له غمار، وهو أستاذى وسوف يكون أضافة للمنتدى وسيثرى المنتدى بكتاباته الممتعة.
كنت قد التقيت بالأخ بدرالين الشهر الماضى فى ندوة أخونا الصحفى فتحى الضو بمدينة تورونتو وأخبرته عن الموقع وطلبت منه أن يدخل المنبر.  
حالت المشاغل دون إرسال الرابط له حتى فجر أمس السبت، وعندما تقابلنا مساء الأمس عند ألأفطار الأسبوعى فى مسجد السودانيين  بمدينة تورونتو أخبرنى بأنه دخل الموقع و أعجب به وقد قدم طلب للأشتراك وفى إنتظار الموافقة حتى يرفد المنبر بقلمه المسنون.
مرحب بك يابدر فى دارك ومكانك وفى إنتظار اشرقاتك.

تشكر اخونا ابراهيم على الإيضاح فى الحقيقة انا لم يروادنى أدنى شك عند عملية تفعيل الحساب بان صاحب الطلب هو اخونا كابتن بدرالدين حسن وهذا ما حصل مع الإخوان عبدوس وعثمان بخلن ، وبما ان بدرالدين حسن طلع ما هو بدرالدين حسن فإننا نرحب بالأستاذ بدرالدين حسن ونقول له أهلاً وسهلاً بك فى دار الأسرة البحريه عضوًا فاعلاً وفى انتظار ما يجود به قلم الصحفي وأكيد ستكون أضافه للمنتدى وأخوانا ابراهيم خير قد شوقنا لكتاباتك ، فأبقى داخل ويا مراحب .
ودام التواصل
عاطف عكود

كضبا  كاضب  يا   وعكود..عبدوس ما  راحت عليهو...انا  قريت الاسم  بدر الدين  حسن علي..  قلته  هناك  خطأ في الاسم.. لكن لمن شفته .  انو انت  والاخ عثمان  قلتو القبطان بدر الدين..انا ما عرفته اصدق مين لذلك   قلته  امشي  جنب الحيط واحتفظ بحق الرجعه...و كتبت الاسم كاملا..بدر الدين  حسن احمد الحاج...تقول لي زهايمر...
يالف  مرحب بالاستاذ  بدر الدين حسن علي ... بيتك ومطرحك..ابقي داخل..شعار المنتدي والبيت الكبير  علي قول ابو عفان..وود ابرق..
عبد الرحمن الزين..

سلا و تحايا
عموما ود عكود مرحبا بالسيد بدر الين فى بيته و فى انتظار بدر الدين (طاسات) و بكل الاحباء برا و بحرا
عثمان بخلن

شناكا الأصلي ؟ شناكا , طاسات , كابتن بدر الدين , كثرة الأسماء تدل علي عظم المسمّي ... أهلا بيك ومرحبتين في الحوش الكبير .. بيتك ومطرحك .. الآن إنضم أحد أجدادنا القدماء للمنتدي العامر وبذلك زاد كوم أعمامنا أبراهيم خير وعبدوس عضوا جديدا ... ياجماعة رأيكم شنو نسمّيهم الثلاثة مجلس شوري المنتدي لما يمتازون به من حكمة إكتسبوها عبر السنيييييييييييييييييييييييييييييييييييييييييييييين الطويييييييييييييييييييييييييييييييييييييييلة ؟؟
الإقتراح لكم جميعا وبالتخصيص للإخوان الأحباب خالد وعاطف وودكرار ...

الرشيد شمس الدين

عاطف...حصل زولك بقي يركب الحافلة بالباب الشمال...يا ربي يكون رمضان دخل العضم...
عبدوس

عبد الرحمن الزين2 كتب:عاطف...حصل  زولك  بقي  يركب الحافلة  بالباب  الشمال...يا ربي  يكون رمضان دخل العضم...
عبدوس

ود حلال صدق انا الآن بفكر فى انو اعزم دكتور شنو ؟؟؟؟ وأعزمو على شنو ؟؟؟؟؟؟
وصدق المثل الجزر قمرى القال ....... كما تدين تدان .( قال اكل نارك ... قال )
ودام التواصل
عاطف عكود

الادروج هو الشخص الذي لم ينبت له شعر في شاربه او ذقنه او حواجبه اي ان يصابحك قرد خير لك من ان يصابحك ادروج لان الناس تتشاءم بصباحه ....عرجت الصباح وانا في طريقي للدوام علي طلمبة البنزين والدخلة شوية فيها تلتلة ورمضان والزمن ضيق ..الا وصاحبنا الادروجي ابو شعر مافي ما عارفو حالقو ولا زاعطو ..هرن ما نفع .كنتكة ما في فايدة ..نزلت مشيت عليهو لقيتو زول ممعوط ما فيهو حبة شعره ...عاينت ليهو شديد ولعنت ابليس واكتفيت اني قلت ليو بالله عليك الله ما بتختشي ...وفعلا ذي ما قال المثل .......صباح القرود ولا صباح الادروج.
فهمتو حاجة ....تحياتي للكل
كسرة
عاطف زايغ مني وما برد علي التلفون البلقاهو يكلمو يرفع السماعة

عاطف عكود كتب:

عبد الرحمن الزين2 كتب:عاطف...حصل  زولك  بقي  يركب الحافلة  بالباب  الشمال...يا ربي  يكون رمضان دخل العضم...
عبدوس

ود حلال صدق انا الآن بفكر فى انو اعزم دكتور شنو ؟؟؟؟ وأعزمو على شنو ؟؟؟؟؟؟
وصدق المثل الجزر قمرى القال .......  كما تدين تدان .( قال اكل نارك ... قال )
ودام التواصل
عاطف عكود

يعني بإختصار كدا بدرالدين شناكا جاي ولا رمضان لحقنا أمات طه الفي الكاريبي ديك ؟؟؟
عاطف أتعهد أن لا أعزم دأي دكتور لحدي رمضان ينتهي كلو إلا زعلك إنت , هسّع تقوم تحرد تاني مانلقي لينا سكّة والمنتدي يمسخ لينا بدونك .
.

الرشيد

يا  رشدي العزيز  وبدون  كثير  تلج او الاستعانه  بالقصائد..انت لا زلت وستظل اكثرنا  حضورا  وشبابا ووضاءة ورجاحة  عقل..اكان رمضان  هبشك انحنا يا نا اللحقنا  طه واماتو مش الفي الكاريبي  لكن الفي...والا بلاش...
يا  سيدي  بدر الدين شناكه  بح..الموضوع  اني وجدت اسم اخر شخص مسجل اسمه بدر الدين حسن علي..وانا بحكم  صلتي باستاذ كمال  عارف انو الاسم رباعي  بدر الدين حسن احمد الحاج   مافيش علي..دخلت علي المواضيع لقيت  العزيز عثمان بخلن وعاطف القوز يرحبان بالقبطان   بدر الدين...عرفته ان هناك خطأ ما..رحت كتبت اسم بدر الدين كاملا ورحبته بيهو..بعد شويه اتضح من الاخ ابو خليل -جدو- ان بدر الدين حسن علي  صديق له..يعني ما  شناكه...
تجي انت بعد  ده   خاشي توش وترحب بي شناكه......يا سيدي حصل خير...لكن بعد ده هفواتنا  مغفوره  ..
وليدم ما بيننا يا  صديقي .

عبدوس

تجي انت بعد ده خاشي توش وترحب بي شناكه......يا سيدي حصل خير...لكن بعد ده هفواتنا مغفوره ..
وليدم ما بيننا يا صديقي .

عبدوس

ولا يهمك يا رشيدنا كل الاعضاء غفروا لك هذه الهفوة ولا يهمك لكن الفيك اتعرفت .......قال زهايمر قال دي (سحلبة)

يا جماعة شوية شوية على الباشمهندس - الدنيا رمضان
المثل يقول التور لمن يقع تكتر سكاكينوا
سلام للجميع

ههه ههه ههه ههه ههه ههه
 
رمضان ظهَر  و كشف ناس الزهايمر.
 
الفين مراحب بالاخ بدر الدين  ....... بيتك و مطرحك.

سلام و تحايا
    اسمحوا لى اخوتى بان ارحب بالعضو احمد ساتى - العضو رقم 402
  مرحبتين حبابك و الجميع اكيد فى انتظار ابداعاتك
    عثمان بخلن

مرحبتييييييييييييييييييييييييييييييييييييييين
     حبابببببببببببببببببببببببببببببببببببببببببببببببببببببك و اليوم السعيد الليلة جابك
 يا هاشم يا ود حامد يا ود عبد الرحيم
   يوم الخميس- و الله يا هاشم خميسك ما ضاع
  نيابة عن كل الأحباء رواد البيت الكبير - منتدانا الرائع الجميل
      عثمان بخلن