السجل المدنى و الرقم الوطنى للمهندسيين البحريين

بداية لكم السلام و التحية و الاجلال
يجب على كل مواطن سودانى ان يقوم باستخراج ما يسمى بالرقم الوطنى .المطلوب شهادة السكن-شهادة الميلاد-شهادة الجنسية-بطاقة شاهد-و صور فوتوغرافية- زائدا شهادة او خطاب مهنة مدعم بالشهادات و ذلك ما طلب منى -استخرجت خطاب المهنة من المصلحة البحرية بوظيفة مهنس بحرى
marine eng.علية ختم المصلحة و مرفق معة الشهادات الدراسية المهم فى الامر ان ذلك المسمى الوظيفى غير موجود فى السيستم و ذلك حسب قولهم من داحل المكتب المعنى بذلك الامر فى مديتة بورتسودان!!!!
و وضحوا لى بان المسمى الوظيفى الموجود فى السيستم هو (مهندس سفن) وهو المسمى الذى يستطيعون ادراجة فى سجلى الوطنى او ادراج مسمى مهندس
ذلك ما لزم توضيحة لكم -ما رايكم؟
اخوكم عثمان عبد الرحمن( بخلن)


[b]

الاخ عثمان عبدالرحمن بخلن سلام يا هندسة ولك التحيه ومنور المنتدى ومرحب بيك وان جات متأخرة فلك العتبى حتى ترضى ,بخصوص المسمى الوظيفى افتكر انو مسمى مهندس فقط كافيه جدا لكى تتفادى الدخول فى اى تعقيدات فى ايا من المطارات العربية لانو مسمى مهندس سفن ما اظنها موجودة فى سيستم اخر وكمان غير متعارف عليها او مستعمله فى اى اوراق رسمية , والله اعلم.
وماذا عن الوجه الاخر للعمله فهل من مسمى لانى متذكر حين استخراج رخصة القيادة كان هناك مسمى ضابط بحرى ومسمى ملاح !!!!
ودام التواصل
عاطف عكود

osman abdel rahman كتب:
يجب على كل مواطن سودانى
ان يقوم باستخراج ما يسمى بالرقم الوطنى .المطلوب شهادة السكن-
بحرى

ان ذلك المسمى الوظيفى غير موجود فى السيستم

و وضحوا لى بان المسمى الوظيفى الموجود فى السيستم هو (مهندس سفن)

[b]

بالله جابو الاسم ده من وين؟؟؟
انا غايتو كمنتمى لقبيلة المهندسين السفنيين،، زى ما قال عاطف بقتنع بى مهندس حاف
اها دى حلّيناها
شهادة سكن ؟؟؟ دى كيف؟؟؟ يعنى الملايين البره ديل ،استكتروا علينا حتى رقم!!

عموما اجد نفسى فى تالت المعضلات،، عبدوس وانا وغيرنا كثير
مواطن سودانى! هل يا ترى جوازاتنا الاجنبية حتروح علينا حتى حق الانتماء للبلد
ولا الامانة تقول / كان الامر بيدنا وليس بيد عمرو،، لكن عمرو ما كان السبب فى الشتات ده

موضوع جيد يا باشمهندس شكرا جزيلا على نقل المعلومة وليدلى الكل
سؤالّ! هل فى حد زمنى؟

عزيزنا ود الاستاذ الاخوان الكرام
اتخذت اللجنه العليا للسجل المدني عددا من التوجيهات الخاصه بتبسيط الاجراءت
للسجل المدني والغت اللجنه شهادات السكن وفصيلة الدم وجنسية الاب ورقمه الوطني
كشروط اساسيه لاستخراج الرقم الوطني ....دا طبعا كلام الصحف ...طول بالك شويه
والمساله بتتبسط اكثر زمان ما قلنا نحن شغالين بنظرية (التراي اند ايرور) . ........
اذا فرضنا انا جبت رقم ابوي وطلعت بيه الرقم هو حا اكون جاب رقم ابوه من وين .
حسب معلوماتي الفكره اصلا فرضت نفسها بعد انفصال الجنوب اصبح هناك عدد
كبير من البطاقات الشخصيه ملغي فتسلسل الارقام جاط فكان لازما وحتما عمل حاجه
زي دي وعلى ما اظن كثير من الدول عندها هذا الرقم الوطني ..والله اعلم ......
اما بخصوص المسمي الوظيفي ما ظنيته بفرق كتير اسمو زي ما اسمو اكتوبر , مايو
سته ابريل نحن ها هنا قاعدون.....
مهدي شلكاوي

الزملاء -عاطف-خالد-المهدى
لكم التحية و لكل الزملاء
بخصوص الوجه الاخر للعملة اكيد حيكون ضابط سفن ذى مهندس سفن- على كل حال ناس مكتب بورتسودان اعترفوا بان هناك خطا و ما فى مسمى وظيفى اسمه مهندس سفن لكن ده السيستم الجاهم جاهز من المركز من الخرطوم وما بيدهم حيلة- ناس المركز اجتهدو جدا و ادرجو مهنة مهندس سفن- ما قصروا
الاخ عاطف عكود شكرا كتير ليك على العتاب الظريف و ان شاء الله ادوام على التواصل و الله المستعان
عثمان بخلن