السلام عليكم

تحياتى لكل القائمين على امر الموقع وتحياتى لكل الزملاء والاعضاء وتحية خاصة للاخوان حاتم ابوالقاسم وخالد عبدالحميد الحقيقة لمن دخلت الموقع انداحت فى نفسى زكريات جميلة فى الاسكندرية وفى البحر لن ترجع تانى نتمنى من الاعضاء ان نرجع ولو جزء من زكريات الزمن الجميل بالتواصل والمساهمات اسامة حسن محمد عمر سعادة اللواء

والله ياسعادة اللوا ليك وحشة ...وينك ياراجل ...؟؟؟؟
شايفك ياسمسم لمحت للزمن الجميل بالرغم من انك احد صناع ذاك الزمن الجميل ...
لا عليك ..انثر واطرح كل مافي الجوف على بسيطة هذا المنتدي علك تفتح نوافذ ومنافد تجعلنا نرتحل لذاك الزمان ...
..................
............
الاخ العزيز ياسر قريش ....عشت انا وهو اياما في احد الـ Summer Courses ناكل سندوتشات ايام البحبحة من واحد ببيبع سنوتشات في حتة مقطوعية بين الاكاديمية والعصافرة وحتى اللحظة اتذكر طعم كفتتو (بس لحم شنو ...الله اعلم)!!
.....................
.............
أمجد عابدون الكارثة الحلقوا ليه صلعة داك منو ...؟ ملعون ابو الزمهرة ...
....................
...........

سعادة اللواء شخشيا
يا مرحبا يا مرحبا، وينك يا رجّال
الحقنا بى صورة سريع وابدا لينا من نسمات اسكندرية الباردة وانت طالع، اسمع كلام محمد راشد ده وخش توش
---

ناكل سندوتشات ايام البحبحة

طيب ايام الضيق بتاكلو شنو؟
بالمناسبة مهدى احرف من يعمل الويكة بالماء السخن فى تلك ايام
وكسرة على عجل
ياسر قريش عضو فى المنبر ده،، وغلبنى استكتبو،، البقدر فيكم يدينى عووك واديكم تلفونو فى هولندا
اسامة مرحب تانى ،، وعندك شوية قراية بين الصفحات لانو نحن بدينا لينا زمن، بنديك يومين تلاتة

يا هلا يا مرحبا سعادة اللواء...
سعادة اللواء لمن لا يعرفه ....تدرج في الرتب الي ان نال رتبة لواء بالأكاديمية، يتحدث لغة اهل الجنوب بطلاقة... من ود الزاكي للجنوب ثم الاسكندرية وحاليا ام درمان العرضة.
ـــــــــــــــــــــــــــــــــــــــــــــــــ
انت ود الأستاذ قال ليك بنديك يومين تلاتة قلب الصفحات، تُهت بين السطور ولا شنو الحكاية.... شايف ود راشد ما داير اقول ليك هارلم خلف السكة حديد قال: ليك بين العصافرة والأكاديمية....والله ياسر قريش في هولندا زاتها اكون شاف ليه حتة زي هارلم اسكندرية، دا جاي من جبل بور تقول لي شنو.... له ولك ولكل الأخوان كل الود والتحايا
مهدي شلكاوي

راشد كتب:والله ياسعادة اللوا ليك وحشة ...وينك ياراجل ...؟؟؟؟
شايفك ياسمسم لمحت للزمن الجميل بالرغم من انك احد صناع ذاك الزمن الجميل ...
لا عليك ..انثر واطرح كل مافي الجوف على بسيطة هذا المنتدي علك تفتح نوافذ ومنافد تجعلنا نرتحل لذاك الزمان ...
..................
............
الاخ العزيز ياسر قريش ....عشت انا وهو اياما في احد الـ Summer Courses ناكل سندوتشات ايام البحبحة من واحد ببيبع سنوتشات في حتة مقطوعية بين الاكاديمية والعصافرة وحتى اللحظة اتذكر طعم كفتتو (بس لحم شنو ...الله اعلم)!!
.....................
.............
أمجد عابدون الكارثة الحلقوا ليه صلعة داك منو ...؟ ملعون ابو الزمهرة ...
....................
...........

سلامات سعادة اللواء العتب على النظر ماعرفتك فى الاسكايب.....

ود راشد.... المحلوق له اسمه الزبير.....

سلااااااااااااااااااام ياشباب
والله ياود عابدون يبدو ماشي على حافة الزمهرة ...يعني نمسك الخشب...طبعا سرد القصة إدانة واضحة ..عليه يصعب السرد ..المهم الراجل حلقوا ليه صلعة وراح في حال سبيلو...بالله وين حاتم قريش ....؟؟؟؟؟؟
والله ياود شلكاوي انا هارلم طارت من راسي تماما ..وقعدت افكر لمن افلست قلت احسن اقول بين العصافرة والسكة حديد ...بس سمعت شنو قالوا بيقوي الذاكرة ...
.................
...........
كسرة:
فات عليك يامهدي انو اللواء هو مغني ومطرب الشلة الاول ....
...............
........

ود عابدون .........شنو الحكاية ؟؟؟ مداخلاتك بقت زي وصفت الدكتور

بحبح شواية ...

منتظرنك بالوطايات (عز الله مقامك)
......
...

راشد كتب:سلااااااااااااااااااام ياشباب
والله ياود عابدون يبدو ماشي على حافة الزمهرة ...يعني نمسك الخشب...طبعا سرد القصة إدانة واضحة ..عليه يصعب السرد ..المهم الراجل حلقوا ليه صلعة وراح في حال سبيلو...بالله وين حاتم قريش ....؟؟؟؟؟؟
والله ياود شلكاوي انا هارلم طارت من راسي تماما ..وقعدت افكر لمن افلست قلت احسن اقول بين العصافرة والسكة حديد ...بس سمعت شنو قالوا بيقوي الذاكرة ...
.................
...........
كسرة:
فات عليك يامهدي انو اللواء هو مغني ومطرب الشلة الاول ....
...............
........

طبعا ياود راشد ....صاحبك المحلوق له لو ركزته شويه فى الولاء والمعتمدين والوزراء الماليهم عدد الفى حكومتنا الرشيده (حفظها الله) أكيد حتشوفوا, لانو واحد بالملكه التمثيليه الرائعه وكمية الاجرام الكان عنده الزمن داك أكيد حيتبؤا مكان عالى فى حكومة الحر.....دى.....كده بس انت ركز شويه فى نشرة الساعه 10 مساء.
هارلم على ما اذكر السماها شكرى, كان بيجيب منها الخضار الرخيص....