أمجد مهدى 1000 مبرووووك

نِعم الآله على العبادِ كثيرةُ *** وأجلّهنّ نجابةُ الأبناء
أمجد ابن حبيبنا مهدى شلكاوى،، تفوق فى امتحانات شهادة الأساس
بما فوق الامتياز،،،،وكان على مرمى بضع درجات،،من العشرة الاوائل بتاعين السودان
ما شاء الله تبارك الله
ألف مبروك الاعزاء مهدى و أم أمجد ودامت ايامكم نجاحات وافراح
وتهانى الشخصية للشبل امجودى

ألف مبروك حبيبنا مهدى عثمان .... لأنّ هذا النجاح الباهر هو من طبائع الأشياء ... أكرر التهانى للأسرة وعقبال الدكتوراة إنشاء الله ...

الرشيد شمس الدين

الف مبروك للاخ مهدى والاسرة وربنا يحفظه وعقبال الدكتوراة باذن الله
مبارك

العزيز مهدي..
تهاني صادقة من القلب...بس ابعدو من سكة البحر...
معزتي ودامت افراحكم..
عبد الرحمن

خالص الشكر والتقدير....متمنيا لكم دوام الصحه والعافيه..
(وصيتك علي العين والراس يا كابتن)...
شويتين كده وندعوكم لحفلة حنة التخرج....ولا كيف يا كابتن احمد محمد احمد..
لكم مني كل التحايا والود..
مهدي.

الف الف مبروك حبيبنا مهدى , وعلى قول المثل هذا الاسد من ذاك الاسد ,وعقبال الشهلدة الكبيرة ,والمرة دى وبمناسبة النجاح خلى السمك .... عليك.

عاطف عكود

الف مبروك للاخ مهدى والاسرة وعقبال الشهادة الكبيرة و نحن جاهزين للحفلة بي ناس الكتمة و الزتقة.

الاخ مهدى والباشمهندسه ام محمد.....
الف مبروك، وماشاء الله اسم على مسمى، وربنا يديكم الصحة وتحضروا تفوقوا فى مدرجات الجامعة بأذن الله.

ود كرار كتب:.
اسم على مسمى، وربنا يديكم الصحة وتحضروا تفوقوا فى مدرجات

درجات،،ممكن بتعديل بسيط تكون درّاجات. واخد بالك

درجات،،،،مدرجات!!!! درّاجات؟؟؟!!!
أهل اللغة يقولون هذا-جناس-

اسم على مسمى
اهل الفقه ،،فى حالة زى دى يسمونه-فرض-
واخد بالك

لا والله يا ود الاستاذ حاشا وكلا ـ مافي فرض ما تخرب علينا ـ نحن منتظرين الهديه انشاء الله كوريلا موديل 99....
انت يا كابتن احمد ناس (الكتمه والزتقه) ديل مداحين ولا شنو...
نحن جاهزين يا ود عكود من زمان تقليتك جاهزه...
انتي بتجيبي الحاجات المدهشه دي من وين يا الاء....
التشكرات الكبار...
مهدي شلكاوي

الف مبروك للزميل مهدى و للاسرة تفوق الابن و نجاحة الباهر- بس ذى ما قال ليك العميد القبطان عبد الرحمن الزين ابعدوا من الموية( البحر)
من طرف عثمان بخلن

الأخ / المهدى

تحياتى والف مبروك لك والأسرة وللأبن أمجد - جعله الله زخرا لكم - وأقر به أعين والديه