دعوة للتفاؤل ..... شاركونا

احبائي فى الله .. بعد التحية
ادعوكم واود ان تشاركوا معي فى دعوة للتفاؤل .. ضع لك بصمة هنا
كلمة او صورة تبث التفاؤل فى نفسك ونفوس الآخرون
رغم الضغوط .. رغم الصعاب .. رغم المشاكل .. رغم المشاغل .. تفائلوا .. اعطوا لانفسكم
لحظات فيها تتبسموا
ابتسامة .. ضحكة .. امل .. تفاؤل ..... لما لا ؟
لا تنسوا
إذا أغلقت الشتاء أبواب بيتك .. وحاصرتك تلال الجليد من كل مكان ..
فانتظر قدوم الربيع وافتح نوافذك لنسمات الهواء النقي ..
وانظر بعيدا فسوف ترى أسراب الطيور وقد عادت تغني ..
وسوف ترى الشمس وهي تلقي خيوطها الذهبيه فوق أغصان الشجر
لتصنع لك عمراً جديداً وحلماً جديداً .. وقلباً جديداً
وتذكروا
ان الحياة سفينة ، شراعها الأمل ,ووقودها العمل
فهيا بنا نأمل ونعمل ونتفاءل ونبتسم
او نكون سببا فى ابتسامة غيرنا
فالابتسامة فى وجه اخيك لك صدقة
لا تتردد وشارك معنا .... ولكن تمهل قبل المشاركة
اختار افضل ما عندك واجمل ما عندك لتضعه هنا

ولا تنسي ان تبتسم

Mohamed A.Elhfiz A.Elhlim كتب:احبائي فى الله .. بعد التحية
ادعوكم واود ان تشاركوا معي فى دعوة للتفاؤل .. ضع لك بصمة هنا
كلمة او صورة تبث التفاؤل فى نفسك ونفوس الآخرون
رغم الضغوط .. رغم الصعاب .. رغم المشاكل .. رغم المشاغل

هنا

جميل البصمة تكون من خلال البسمة والبسمة ممكن تطور لضحكة والضحكة ممكن تكون من نكتة ودي ممكن تتوفر لدينا فهاكم البصمة دي ..واحد دخل حلة رباطاب مالاقيلو زول يسألو فجاة ظهر شافع قال ليهو يا ولد حلتكم دي فيها موية؟ قال ليهو انان الشدر دا قايم بالتيمم.

وانت الصادق عزيزي القبطان محمد احمد طه الجمل-كما كان يكتب في الكرو لست-
في حلتنا ود بانقا القبة..زرناها ذات مره ومعي القبطان عابر والباشمهندس محمد وزميلهم الباشمهندس امير عبد الرحيم الامير.. وفي معيتنا استاذنا العزيز الزين...في هذه القرية التي تبعد عن النيل حوالي العشرة كيلومتر كلما يحفروا بئرا يجدوها مالحة ولا عوض لهم الا جلب ماء الشرب من النيل ..الا بالحمير والسعون والقرب...
بينما كنا نتجول في القرية ودرجة الحرارة فوق الاربعين..والعطش يكاد ان يقتلنا..اذا بالباشمهندس امير يسال انتو ليه البلد دي ما زارعين فيها شجر...
رد عليه الاستاذ .. تتصور مانعهم المحافظ...

بعد ايام سمعت احدهم يقول ياخي في محافظين في البلد دي مانعين حتي زراعة الشجر..
مودتي..تقول لي نيم..
عبد الرحمن