ابحثوا عن راشد

حبايبنا كيف حالكم
ود الاستاذ الحكايه شنو والله انا شايف مسالة ود راشد دي وصلت الحد قلنا امجد
عارف الحاصل شنو امجد جاء السودان ورجع ما عندو اي فكره ود عكود حاليا مشرف
البلد برضو ما عندو فكره محمد سليمان ضرس ما قال اي شي بخصوص ود راشد انا والله ماعندي ليه
تلفون ...لكن ممكن اتصل بزول من خارج المنتدى في المدينه واكلفو اشوف الحاصل شنو ...
ود السيمت طبعا في البلد ما شاء الله ما في اي تغيير....
صلاح الزيداب كان ساكن الفردوس (بالله شوف من الزيداب) حاليا رجع الزيداب
الاخ بدر الدين الجاك زوجته كان عملت عمليه كبيره في الايام الفاتت لكن حاليا الحمد لله بخير
بلغنا ان حاتم طوني في البلد لكن لم نتقابل بعد
سنعود
مهدي شلكاوي

ود شلكاوى، وكل من سأل عن الحبيب ودراشد
رمضان كريم وتصوموا وتفطروا بخير....ربنا يديم الود والحب بين الاخوان، اخيراً تمكنت من الاتصال بالأخ الحبيب ودراشد، وهو كما عهدناه يمر بفتره بين الفترتين ومتلحف الدبرسه وفوق هذا وذلك مذنوق لشوشته. اوعدكم بانه سوف يعود فى القريب لتحت الشجره بجوار ست قهوته.
بالله كتروا لينا الدعاء فى هذا الشهر الكريم

المهدى عثمان مصطفى كتب:



صلاح الزيداب كان ساكن الفردوس
سنعود

الفردوس الأعلى؟؟؟!!!

هذا ما كان قبل السلام لانو ما يحتمل
مهدي ازيك ياخى وحمدالله على السلامة،،وعبدالرحمن محجوب ،، الف سلامة ياخ
الامساك فى نيويورك اربعة وكم وعشرين دقيقة
الافطار تمانية وعشرة اليوم !! اى والله غادى من 8 بالليل
عليه إن شاء الله نعود قريبا بس ننضبط على اليوم السلبة ده
تحياتى للزيداب ( فى عليائه)