جمهورية السودان الجنوبي وليست جمهورية جنوب السودان

جمهورية السودان الجنوبي وليست جمهورية جنوب السودان
osssm5@hotmail.com

خطأ كبير وقع فيه الجميع قبل اعلان الدولة الوليدة خاصة من قبل الرسميين في الشمال والجنوب وكذلك كافة وسائل الاعلام المحلية والاقليمية والدولية وهو تسمية الدولة الجديده بجمهورية جنوب السودان ، المؤسف له حتي اعتراف حكومة السودان بالجمهورية الوليدة الذي تلاه القصر الجمهوري ذكر اعترافه بجمهورية جنوب السودان ، وهناك فرق كبير بين التسميتين فجنوب السودان اعتبارا من التاسع من يوليو 2011 هو : الشريط الحدودي لجنوب ولايات النيل الازرق والنيل الابيض وكردفان ودارفور ، وهذا الشريط هو جنوب جمهورية السودان بعد التاسع من يوليو ، و يفترض ان يحدد شمال السودان اسمه فهل هو جمهورية السودان ام جمهورية السودان الشمالي ؟ وعموما لا يمكن جغرافيا تسمية دولة الجنوب بجمهورية جنوب السودان ، فالجنوب ما دام اختار اسم السودان لدولته فهو جغرافيا السودان الجنوبي ، اتمني ان يلتفت الجانبان لهذا الخلط والخطأ البين وتصحيحه .

أتفق معك عزيزنا الجنرال عمر خليل فيما ذكرت ولكن وبكل أسف فقد تابعت بحزن نبيل مراسم إنفصال جزء عزيز منا لكأنه عملية بتر جراحية من أجسادنا وبدون بنج للتخدير ... فكان الإسم الرسمى جمهورية جنوب السودان وليس جمهورية السودات الجنوبى كما كان ينبغى لها أن تكون ... والإسم بالإنجليزية هو
GOVERNMENT OF SOUTH SUDAN
لك الود والشكر على إنتباهتك القيمة ونكرر التعازى لكل السودانيين ولا عزاء للطيب مصطفى وصحبه الذين ذبحوا الذبائح إبتهاجا ... من أين أتى هؤلاء الناس ؟؟؟؟؟

الرشيد شمس الدين

عمر خليل علي موسي كتب:جمهورية السودان الجنوبي وليست جمهورية جنوب السودان


خطأ كبير وقع فيه الجميع ،،،،،،،،،،،،،

اتمني ان يلتفت الجانبان لهذا الخلط والخطأ البين وتصحيحه .

Southern Sudan not South of Sudan

وخطأ الاسم رغم عظمه يا جنرال ، لكنه ينحنى خجلا امام الأغلاط والكوارث والفضايح وأم الأخطاء هذا الذى تفكك الذى كان يدعى الوطن
التفاتة واعية للاسم، وما ارض مانديلا ببعيد وتلك تسمى جنوب افريقيا ( عربى وافرنجى) لانها لاتزال بعضا من افريقية (بالتاء) وتقع فعلا فى جنوب القارة، اما نداءك الصادق للجانبين بالالتفات فوالله ما أظن القوم بسامعين
ياخى ديل كان بيسمعوا كان بقينا فى جنس ده ،،لك الود بحارا

الرشيد شمس الدين عبدالله كتب:أتفق معك عزيزنا الجنرال عمر خليل فيما ذكرت ولكن وبكل أسف فقد تابعت بحزن نبيل مراسم إنفصال جزء عزيز منا لكأنه عملية بتر جراحية من أجسادنا وبدون بنج للتخدير ..
لك الود والشكر على إنتباهتك القيمة ونكرر التعازى لكل السودانيين ولا عزاء للطيب مصطفى وصحبه الذين ذبحوا الذبائح إبتهاجا ... من أين أتى هؤلاء الناس ؟؟؟؟؟

الرشيد شمس الدين

والجاى اكثر الما، وجعا، ومغصا، ذهب الربع او اكثر قليلا ، هل الحصل أول البتر أو آخره ؟
ولأن سؤال الطيب صالح ما زال يبحث عن مجيب بل زاد عليه الناس سؤال عن متى يذهبون؟
ولانو مع كل الربيع العربى مازلنا نعانى صيفا حارقا ؟؟ ولان شوقى قال ان همو ذهبت اخلاقهم،،،
ولان الملايين تبعثروا ولاكتر من هذا
نقول انو الجاى !!!! يالرشيد ياخوى لايقال
لكن بلا أمل برضو ما يصير ،،، غايتو شخبطات

الرشيد شمس الدين عبدالله كتب:أتفق معك عزيزنا الجنرال عمر خليل فيما ذكرت ولكن وبكل أسف فقد تابعت بحزن نبيل مراسم إنفصال جزء عزيز منا لكأنه عملية بتر جراحية من أجسادنا وبدون بنج للتخدير
لك الود والشكر على إنتباهتك القيمة
الرشيد شمس الدين

الاخوان عمر خليل ,رشدى,ودالاستاذ
استسمحكم عذرا بمداخلة على الماشى وقبل ذلك اضم صوتى للاخ الرشيد واشكر اخونا عمر خليل على تلك الانتباه .
مع انو ومن بدايه دراستنا للجغرافيا عرفنا الاتجاهات الاساسيه شمال جنوب شرق وغرب اما الفرعيه منها ديل ناس شمال شرق وجنوب غرب وهلم جره وهى كذلك كانت حتى فى الدراسات البحرية كانت البوصله مغنطيسيه او جايرو ولكن الظاهر صارت لنا اتجاهات غير فمثلا اخونا الرشيد وحتى قبل ايام كان كزول من ناس كوستى فهو من ابناء شمال السودان او با لكتير قول من ابناء وسط السودان ولكنه الان يعتبر سودانى من ابناء الجنوب اقصد جنوب الشمال ولاول مره الواحد يقول جنوب شمال السودان فهل هذا من الاتجهات الصحيه؟ ولا الصحيح شنو؟ واعتذر للاخ عمر خليل صاحب البوست لهذة الخطرفات لكن الواحد ماعارف يقول شنو ودمت حبيبنا رشدى
عاطف عكود

السيد عمر خليل والمتدخلين
تحية واحترام

اذا كان السودان قديماً هو جمهورية السودان .. فاذا سمى الجنوب ( جمهورية جنوب السودان ) يصبح الشمال جمهورية شمال السودان أو السودان الشمالي .. ولكن لا يستقيم تسمية جمهورية السودان لجزء من الشمال فقط وقبلها لكل السودان وقد كان - شمال السودان جمهورية وجنوب السودان جمهورية السودان الجنوبي ومافيش حد احسن من حد ...

اهلنا قالوا الجفلن خلهن .. اقرع الواقفات