دعوة لعقد قران ابنه الكابتن محمد احمد طه الجمل

غادرنا اليوم رافقته السلامه اخونا الجمل الى امدرمان الحبيبه ويدعوكم لحضور عقد قران كريمته فى يوم الخميس الخامس من مايو بمسجد النيلين بعد صلاة العصر .
والف مبروك مقدما للاخ الجمل والابن احمد الجمل والاسرة واللهم ادم الافراح للجميع
ودامت الافراح
عاطف عكود

مليون مبروك مقدما ال الجمل واصهارهم...
وكما يقول اهلنا ربنا يتمم علي خير...
...طبعا نحن ناس البحر - عموما- الا من رحم ربي-
تنقصنا مفردات المجاملات ومرات بنعك ونقول كلام في غير موضعه...
ذهبت ذات مرة مع اخي الاستاذ الزين لنبارك زواج احد اقاربنا..قلت للعريس الف الف مبروك وربنا يتمو علي خير...
عندما خرجنا من دارهم قال لي الاستاذ...شنو هو الربنا يتمو علي خير..الراجل عقد وانتهي...
معذره اخي الجمل ..قلنا نفكها شويه ودامت افراحكم..
شكرا عاطف
معزتي
عبد الرحمن والاسرة

الف مبروك... العزيز القبطان /الجمل جعله الله زواجا مباركا... هناءا...رخاءا...ميمونا...سعيدا...و انشاء الله بالرفاء و البنين و المال الوفير...التهانى الحارة للاسرة الكريمة و سوف اكون من الحضور اذا كان فى العمر بقية لاننى ناوى القومة الاسبوع القادم باذن الله ...لك تحياتى و امنياتى...

الاخ العزيز ..الجمل
الف مبروك وربنا يتمو على الف خير.

وعقبال ما تشوف ذريتها.

الف مبروك للكابتن الجمل وللعروس والعريس واتشاء الله بيت مال وعيال

الف مبروك للكابتن الجمل وللعرسان وانشأ الله بيت مال وعيال



 
[left]

زواج مبروك بأذن الله كابتن الجمل.....وبيت مال وعيل

للتواصل مع الاخ الجمل 00249926319798
ودام التواصل
عاطف عكود

الف مبروك وانشاء الله بيت مال و عيال
التهانى الحاره للعزيز الجمل والاسرة الكريمة
ودامت ايامكم افراحا

الاخوة الزملاء الافاضل جد تجدونني عاجزا عن التعبير واسال الله ان يديم لكم الافراح وان شاء الله ربنا يحقق الاماني

حمدالله على السلامه والدوحه نورت
ودام التواصل
عاطف عكود

العزيز الجمل الف مبروك للبنيه والله يوم العقد انا في الخرطوم لكن قرات الخبر هسئ.عموما الجايات ان شاء الله والف الف مبروك

خلونا في عرس بتي وهي واحدة اصلا يعني اول مره اجرب القصة دى واخر مره امكن . اولا يا كابتن ود محجوب الله لا جاب يوم شكرك وانت والله ذي الجيت .لمن رجعت قطر اتصلت علي الاخ عاطف صديق وبدات اعدد معه الذين حضروا مراسم العقد بمسجد النيلين والجو في النادي بالليل والذين ابرقوا والمتداخلين في المنتدي من ناس البحر (سودان لاين) اولا الاقيتهم سعدت بشوفتهم بعد طول لقاء وفرحت كتير بهذا التواصل الفريد (العجيب) وان شاء الله نجيكم في الافراح جد يا ود عكود قلت واستجاب لك ربك (دام التواصل)
المهم التحية لكل الاخوة الذين دخلوا القفص الثاني (الحبوبات) وعقبال الكل ودامت الافراح

الله يديك العافيه يا حبيب ودامت الافراح ودام التواصل
عاطف عكود

الاخ الجمل اولا قبل ان اهنئكم اتقدم باعتزار والله وخجلان لانو ما حتصدقونى انا لى اكثر من شهر مادخلت على المنتدى ومرة واحده على ما اذكر فى منتصف مايو ووجدت المنتدى متعطل فى صيانة وحاولت مرارا عشان اتاكد وماعارف دا كان عطل فنى ولا حاجة تانى.. عشان كدا الاخبار مقطوعة واخر خبر كان وفاة والدة الاخ الرشيد عليها الرحمة وتلقيت الخبر وانا فى الخرطوم لكن فى نفس يوم عودتى لبورتسودان وتاسفت لاننى لم اتمكن من الذهاب لجبل اوليا ...وكان قبلها تقريبا باسبوع وفاة زوجة الاخ عبد العظيم .....
على كل حال ارجو قبول عزرى والف الف مبروك للابنة الوحيدة وانشاء الله ربنا يهنيها والسنة الجاية نقول ياجدو