تاريخ وذكريات سودانلاين

أحبائي

افتح هذا البوست متعشما الذكرى العطرة والتوثيق لمؤسسة قامت عملاقة وكانت مفخرة لوطننا العزيز في كل الموانىء التى زارتها بواخرنا في جميع أنحاء العالم وكانت سفارات متنقلة للسودان يجتمع فيها المبعوثين والمهاجرين في أوربا وغيرها
نود أن يكون هذا البوست توثيقيا ومجال للمعرفة والإستفادة من تجارب من سبقنا ومن هم الآن في الادارة

حسب ما علمت وما عايشت أسرد من ذاكرتي الشخصية التي قد أصابها بعض الشيخوخة وقد لا أتذكر بعض الحقائق ولكن أرحو أن يصححني من لديه أي معلومات ان أحطأت في بعض الحقائق أو نسيتها والله من وراء المقصد.
تأسست شركة الخطوط البحرية السودانية المحدودة كشركة بحرية مشاركة بين حكومة يوغسلافيا وحكومة السودان في حوالي 1962 عند زيارة المرحوم الرئيس ابراهيم عبود الى بوغسلافيا على أن ثثملك الشركة البواخر وتدير الإدارة السودانية الأعمال البحرية من شحن وتخليص البضائع في السودان وثدير اليوغسلافية الأعمال الفنية والشحن والتخليص في أوربا وانحاء العالم وتملكت الشركة أول البواخر في خلال ثلاث أعوام ثلاث بواخر وهي أركويت والجزيرة وكردفان اللاتي بنيت في يوغسلافيا وقد بعث السودان عددا مقدرا من الطلاب لدراسة علوم البحار الى يوغسلافيا وقد ترأس ادارة الشركة في تلك الفترة رجال عظماء وآباء أجلاء
عملوا بكل اخلاص وتفاني فشيدوا صرحا عملاقا وقاعدة اقتصادية ضخمة ومنهم على سبيل المثال لا الحصر السيد ادريس بخاري وابراهيم الحاج علي واسماعيل محمد بخيت

..... يتبع

ياشباب الدخول للموقع وبس ما بينفع المشاركة هي المطلوبة والبوست مفتوح لكل من له معلومة يشرفنا بادخالها لزيادة الفائدةوسوف أتابع لما أشوف منكم شوية حركة وخاصة عجايز الموقع الدفعة أو القبلنا[center]

واصل يا اوى .انّا من" المستمعين " اشدد على كلامك انو المشاركه هى اهم شى لكن الى ان يكتمل العقد،، المسأله قد تاخد وكت ... لكن موضوع سودانلاين اختيار عبقرى لانها هى اصل انتماء معظم الاخوان، وللجميع مخزون ذكريات أتمنى انو استمرار البوست ده يبقى سبب فى زيادة التسجيل عسى كل زول يحكى لينا شوية،،،
ودام الود

الاخ الرائع/ أواى ...

والله دى المرة التانية اكتب المشاركة وتروح فى خبر كانه ...عشان انقطاع الخط...بس المره دى كنت حريف وكتبتها بره فى الوورد...

مع العلم باننى لم احظى بفرصة العمل فى تلكما المنشأة لكن حبها يكمن فى داخلى ....لا أدرى كيف ؟ لربما نبع ذلك الحب من حب الشخوص الذين التقيتهم فى مسيرة حياتى البحرية ولقد كانو من خريجى مدرسة سودانلاين...

أخى أواى... تابع بلا كلل ولا ملل... وانثر لنا من التاريخ ما توثق به للاجيال القادمة عظمة تلك الشركة ...عسا ى ولعلا ....أن يهب من جديد رجالٌ أمثال أسماعيل بخيت وابراهيم حاج على....

وارجوا التوئمة بين هذا البوست وبوست ريكا ...لاعتقادى بان الانهار تصب فى نفس المحيط...

واصل البداع....

فقدناك يا زعيم،،، ومنتظرين

الاخ أواى.... نطلب الاذن بربط البوست بعنوان ريكا الى هذا البوسط لتوحيد التوثيق...

بالله انقل لينا جزء من جمال صلالة..

ولكم التحايا

الأخ/آوى...و الزملاء اعضاء المنتدى......منى لكم كل الود والاحترام.... فكرت كثيرا قبل الرد على موضوع هذا البوست الجميل .ولكننى طوال الفترة الماضيه كنت فى بحث متواصل و مضنى و فاشل فى نفس الوقت على العثور على بعض الاوراق القديمه كانت موجوده بحوذتى توثق لبعض من تأريخ سودان لاين العريق .لكننى للاسف لم اجدها ...اننى ارى بأن التوثيق من الذاكرة فقط والتى اصابتها امراض الشيخوخة و الامراض العصريه الاخرى المستعصية اجاركم و اجارنا الله...اننى اقترح و نسبة لاهمية الموضوع و الذى نريد له ان يكون توثيقا تأريخيا صحيحا . ان يكون هذا البوست تحت مسمى (الخطوط البحريه السودانيه...الماضى...و الحاضر...و المستقبل..).فالماضى هو تأريخ تأسيس الشركة و الرعيل الاول من المؤسيسيين و الاداريين وعدد الفن تلك الحقبه و الكوادر البحريه من الجيل الاول.....الخ.و هذه المعلومات يفترض ان تكون موجوده بمكاتب الشركة و يمكننا ان نلتمس و نطلب من اخواننا و زملائنا والذين يقودون السفينه الان بعد ابتعادنا جميعا... واحب ان احيى فى هذه العجالة من على البعد هولاء الزملاء وعلى رأسهم الاخ العزيز/النورانى دفع الله و الكابتن/احمد محمد احمد والكابتن/سيف ابوبكر والباشمهندس/تاج السر بكرى والباشمهندس/احمد عبد الرحيم(الدكتور)..والذين يواصلون المسيرة بكل صبر.....اما الشق الثانى من العنوان (الحاضر...و المستقبل..). فنفتح باب النقاش فيه من قبل الزملاء داخل و خارج المنتدى...عسى ولعل ان نقدم ولو شى يسير مما قدمته لنا (سودان لاين)......فما رأيكم؟؟؟؟دام فضلكم!!!

الشكر لك أخي سيف وجميع الإخوة المتداخلين ومما لاشك فيه بأن تداخلك أثرى البوست وأنا أوافقك الرأي في ما ذهبت اليه من أن ندلي برأينا كذلك في الحاضر والمستقبل وأقترح عليك فتح بوست جديد يكون مثبت يعني بالحاضر وما آل اليه الحال الآن ومقترحاتنا لتطوير الأداء في هذا المرفق الهام وأن نحاول اشراك من ذكرت من الأخوان الذين لازالوا بالشركة لمدنا بالمعلومات عبر البوست هذا حتى نتدارس معهم الحلول ونبدي آرائنا في التطور .[left]

الاخ أواى.... نطلب الاذن بربط هذا البوست ببوسط بعنوان ريكا لتوحيد الجهد فى التوثيق...



ولكم التحايا[quote]

الاخ العزيز جدا الي قلبي اوي
تحياتي لك وللاسره... اعجبني واسعدني انك فتحت بوستا يؤرخ للخطوطالبحريه لهذا لن اطيل من التحيا وبث الاشواق ولنتركذلك الي بوست اخر
وعد مني ان ادخل كلما وجدت وقتا لاسرد بعضا مما اعرف او ما اتيح لي ان اعرف واسمع بعد التحاقي بالخطوط البحريه ولن اقول متي حتي لا ينط رشدي في حلقي ويزيدها عشره سنوات
اول مداخلاتي اخي الكريم هو ان اصحح معلومه وهي ان اول بواخرنا هي سنار تم تلتها اركويت والتي غرقت في شمال اسبانيا قرب ميناء لاكرونيا عام 1970 واذكر ذلك جيدا لاننا كنا ف محاضره بالكليه برييكا ودخل علينا استاذ القانون وقال في باخره سودانيه غرقت اليوم بعد اصدامها بباخرة المانيه في خليج البسكاي اثر ضباب كثيف- الباخره كان ربانها القبطان السرن قوري- من الجبل الاسود-كابتن دراقو بالتش-وهو الذي سودنته عام 88 بهامبورج- واما الضابط الاول فكان كابتن قاسم والثاني كابتن محمد علي جيد وهو الذي حدث الحادث في ورديته ومن اشهر الشخطيات علي ظهرها اخونا المهندس قسم الله وضابط اللاسكي كان عبدالحميدمكي اما الباخره الثاثه فكانت الجزيره وهي اول باخره نعمل عليها انا وكمال حسن وحسين علي حمد ثم بعد ذلك جات كردفان ومن تامين الباخره اركويت تم شراء الباخرتين العزيزتين شندي ومريدي واكتفي بهذا القدر ولي عوده باذن الله عبد الرحمن

وكما ذكرت من قيمة تامين الباخرة اركويت تم شراء الباخرتين شندي ومريدي من شركة الملاحه الانجلزيه الهنديه والمعروف حتي ذلك الوقت ان هذه الشركه كانت توظف قباطنه وضباظ ومهندسين انجليز وتدفع لهم ارقي المرتبات وتسكنهم في غرف مكيفه وياكلون ويشربون مما لا يخطر علي قلب
وبشر اما البقيه وكانوا من الهنود فحدث ولا حرج خمسون منهم يسكنون في تمانيه
غرف كل غرفه بها ثمانيه
ياكلون من حلة واحده مملوؤه بالرز وقربها حلةمن الكري
ولي عوده

عبد الرحمن الزين كتب:وكما ذكرت من قيمة تامين الباخرة اركويت تم شراء الباخرتين شندي ومريدي من شركة الملاحه الانجلزيه الهنديه والمعروف حتي ذلك الوقت ان هذه الشركه كانت توظف قباطنه وضباظ ومهندسين انجليز وتدفع لهم ارقي المرتبات وتسكنهم في غرف مكيفه وياكلون ويشربون مما لا يخطر علي قلب
وبشر اما البقيه وكانوا من الهنود فحدث ولا حرج خمسون منهم يسكنون في تمانيه
غرف كل غرفه بها ثمانيه
ياكلون من حلة واحده مملوؤه بالرز وقربها حلةمن الكري
ولي عوده

بمناسبة الحلة دي ذكرتني حلة علي النور في شندي وانتظرناها أنا وانت في غرفتو ولمن جابها اكتشفنا انه بدلا من يطبخها بصوص الصلصة طبخها بصوص الشطة و بعد ده أكلناها ونسب ونسخط فوقه وناكل.... تاني يوم كل واحد ماسك بطنو.

الاخ اوى...

نرجو المواصلة.

سلام

عود ليينا ياليل الفرح
ياريت يا عم اوي
نعود للذكريات وخلي رشدي يغير شوية
هو فاكر بس البوست حقو البجيب دخل
حبيت اقول لن ا نسي ما انسي جيل من الكهربائين والمكانيكين و البحارة ورؤساء عمال المكنة والموترمانية والكليرنية ولكن قطعا هناك شخصيات لا تنسي علي راسهم عمنا علوب اطال الله في عمره
كان فاكهة كل باخرة عمل علي ظهرها وانا اعرف علوب من زمن الجزيرة يعني عام كم كده ما عارف وكان كلينر من زمن ناس نادر كانو اسستنية وصدقوا او لا تصدقو في شندي كان عندنا 11 مساحين الطريف انو ال 11 ايام الكيب كانوا بفطروا وكلهم طبعا دي ورك من تمانية يقومو ا يترصوا في السلالم ولمن نادر الاسستنت يجي نازل كلهم يقولوا صباح الخير يا باشمهندس
ما علينا
ارجع لعلوب
اظرف ما خلق الله قابلته احد المرات في المكتب مع حسن محمد صالح البيرسونيل الراقي وكان مصر يركب دنقلا قلته لي حسن ياخي المانع شنو قالي لي شفتة البحاره القاعدين في البوفيه ديل كلهم عاوزين يركبوا دنقلا وانا ما بقدر بالذات علوب لانو اترقي دونكي مان والدونكي مان الفي دنقلا دابو ليه رحلة واحده
قام علوب قال ليهو ياخي ركبني دنقلا ان شاء اللة كلنير
حسن قال ليه وطبعا عاوز يجرجرو في الكلام انت العاجبك في دنقلا دي شنو
علوب قال ليه انته كدي امشي دنقلا يشهد الله غسالم -اللندري مان- سمح وكان يقصد الاخ العزيز جون ليوما- لا ادري اين هو الاان! مين يعرف ربما كان وزيرا ما في حتة ما
الشاهد انا قلته لي علوب كدي خليني من كلينر انا بلقي ليك طريقة تركب معانا لكن دونكي مان رقوك ليها كيف هل انته كفؤ بهذا القدر اجابني فورا يا قبطان خليها مستورة شوية كفاءة والباقي شكشكة
ما انبلهم والله ليهم وحشه

واذا جاء ذكر علوب لا بد ان اذكر البنبوطي
لم نعرف له اسما غير البنبوطي كان اظرف الناس ضاحكا ابدا في النيلات كانت غرفته تجاور الجامع ومره في كاستليون انا خارج لمحت ان الممر مملؤ بجزم المصلين وكان هو خارجا من غرفته ولاحظ استغرابي لانه لم تكن العادة قام قال لي يا قبطان هي الفلوس حتجينا فين قلته ليه في ليفورنو- ايطاليا-
قام قال لي ممكن ايدك علي خمسين دولار كدة
وكان معي عشرة الف بيستا اديتهم ليهو وخرجت من الباخرة مع علي النور لزيارة مكتب الوكيل وعمل بعض التلفونات وعند العودة اشاهد ليك بنبوطي سايق معاه اكترمن عشرة من افراد الطاقم وهم خارجين من الباخرة ولمن شافنا قال لي احلق شنبي لو تشوف الليلة جزمة قدام الجامع
كانوا اعزهم الله بحارة وتشرف البحر بانتمائهم اليه

يا حبيبى وين انت ليك مده ما بنت!!
شنو نضبت الذاكره ولا المشغوليات..غايتو انا معجز ..وعلى قول ابو عابر حأهريكم ...
من اطرف الثنائيات تلك التى كانت بين المرحوم البحرى عثمان تبوك والمرحوم البحرى حامد قوين ,,
يوم كان عثمان واقف فى السلم ورديه وجاء الوكيل شايل ليهو جوابات للباخره. من ضمنها كان فى جواب مكتوب عليهو (احمد قوين).
الوكيل سأل عثمان..تعرف ده ؟
عثمان قال ليهو
جيب الجواب ده هنا قوين دى يا حامد بتاعنا ده يا حاجه فى المكنه!!!!

ثنائيه تبوك وقوين ......تانى

حامد قويين يتناول وجبة العشاء التى تتكون من قطع اللحم المشوى...يدخل تبوك ويجلس قبالة قوين كالعاده....قوين موأشرا للحم وقائلا (اكل اللام دى...بلهجة جنوبيه..قاصدا اللحم ده).
تبوك معلقا..( لام ...لام ...ده حرف فى الابجديه يا مغفل!!!!!)