الفاتح محمد ادريس،،عودة مرتقبة

بنهاية هذا الاسبوع إن شاء الله يعود لصفحات المنتدى واحد من اعمدة هذا الكيان
الكابتن الفاتح ماسورة شخصيا
هكذا وعد
التفاصيل تتبع

إذن ومع العودة المرجوة للفاتح الاصلى
واستخراج عدد واحد (باسوورد) طازة
ينبغى علينا تحية الفاتح التايوانى لكل الروح الجميلة التى اضافها ايام النشاط
قبل تنحيه ((( ايه حكاية التنحى الايام دى!!!))


يتبع

خالد عبدالحميد كتب: إذن ومع العودة المرجوة للفاتح الاصلى
واستخراج عدد واحد (باسوورد) طازة
ينبغى علينا تحية الفاتح التايوانى لكل الروح الجميلة التى اضافها ايام النشاط
قبل تنحيه ((( ايه حكاية التنحى الايام دى!!!))
يتبع

اخونا خالد ودالاستاذ نهايه الاسبوع اتلحست ............ وبدايه الاسبوع الجديد كمان اتلحست...... ونهايتو قربت ولم يظهر اخونا الفاتح الاصل وكمان كذلك اخونا الفاتح من تايون ما ظهر والاسبوع كلو كان مع الفاتح من سبتمبر !!!!!!!
والله مشتاقين لمداخلات الفاتحان الاصل والتجديد
ودام التواصل
عاطف عكود

ق
ق2
أو أدنى!!!!

يظهر اسم الفاتح فى الشريط،،فى محاولة ادارية منى لتفعيل الباسوورد الجديدة
نعود ويعود إن شاء الله

العزيز خالد
شكرا والله حاولته أدخل كزا مره لكن الرشيد كان بضللنى وبفضلك أعتقد الرسالة دى حتصلكم والله مشتاق ليكم شديد

تحياتى وأحترامى لكل الأخوان والأخوات
الفاتح

تشكر حبيبنا ابو صبا ونحن اخيرا نرى ماسورة الحقيقى بلحمه وشحمه وعنقرته .... ولكن كيف له بالإستمرار إذ أن ذكاء ماسورة لا يسعفه بتذكر الباسوورد ومسالة ذكائه هذه يمكن أن يسأل عنها إسحاق اللحاق إذ أنه حين رأى الدنيا قد فتحت أحضانها لماسورة سألنى بطريقته المعهودة تلك :-
( إنت يالرشيد ماسورة دا البنعرفو زمان ماكان شاطر كدا بل بالعكس كان أقرب للبلادة ..من أين له بهذا الذكاء فى اخر عمرو حتى لقد أصبح الأرباب عديل كدا ؟؟؟؟ ) ضحكت كثيرا وقلت له هادا الله وهادى حكمتو ... عندك كلام ؟؟؟
( ااااى والله عندى ألف كلام .. ماسووووووووووووووووورة ؟؟؟ ) ..
أقترح ياخالد العزيز لحل هذه المعضلة ان ترسل له يوميا رساله
BY DEFAULTوفيها الباسوورد بتاعو لزوم إنعاش الذاكرة الخربة ...
إتصل علىّ ماسورة قبل قليل وقال إنه لاحظ إنه المنتدى فى الفترة الأخيرة فى حالة خمول وهو يريد إعادة الحيوية له ولذلك سيبدأ بقصة بانقا وتوابعها ... رجوته كثيرا ألا يفعل وخير لنا عدم الحيوية فى المنتدى من إثارة المشاكل بلا داعى...وبصعوبة قال لى :- دعنى أفكر.... ماهذا يا خالد ؟؟ظ الم يكن التايوانى المهذب أحسن وأرحم ...دمتم ..

الرشيد شمس الدين

غايتو يا الرشيد الله يخليك للمشاكل وسوحى يا ريت لو أكتفى بالبلاده وبس ده كمان طلعنى غسال درجه أولى الله يسامحكم واسامح العجوز والله حبوب الدنيا والأخرة ما رفعته ليه
الفاتح

البحارة...يريدون عودة ماسورة ...و يبحثون عنه فى دار ...دار...بيت...بيت...زنقة...زنقة ليثرى المنتدى ...و بعدين يا ماسورة منو العجوز ده...!!!!!!!!!!

بمناسبة ...زنقة...زنقة... حكى لى احد الزملاء اليوم بانه قرأ فى صحيفة* الامارات اليوم* تصريح للكابتن/معمر القذافى بشركة فال بانه قرر تغير اسمه للبعد عن المشاكل...الكلام ده جد يا رشيد....

اسال الرشيد بتاع DAL

الفاتح

يا ماسورة ياود الحرام , الله يجازى محنك .... والله ياعزيزنا خالد ود الأستاذ عملت فينا عملية لا تغتفر أبدا ....
لا دا شيتن ما فى زول بيقدر عليهو ... غايتو جنس غايتو .. ياحليلك يا تايوانى تلحقنا وتنجدنا .... موضوع قدافى صحيح يا سيف الدين وكل التليفزيونات والجرائد طالبين مقابلات معاهو ..

الرشيد شمس الدين

مشكور للاخ العزيز خالد ببث الحيويه للمنتدى بالسعى وراء اخونا الفاتح للعوده لينا تانى مع العلم بانه مشغول للشوشته فى الجرى للمشايخ والفقره عشان يحصن نفسه من العيون وخاصةً عين اسحاق بعد كلامه اعلاه, والحمده لله على عودة حبيبنا رشدى لصد هجمات ماسوره.