عودة الغائب

الاخوة الاعزاء الاحباء ما احلى اللقاء بعد غياب طويل لزوم ظروف العمل مع انكم بالبال طوال هذه الفترة وها انا ذا اعود بمشيئة الله لالقاكم واسال عن اخباركم واحوالكم التي بلاشك تسعدني والجديد عندكم ...........؟

أخونا القلع ليك وحشه وحمدالله على السلامه ويلا ابقى داخل وبقوة عشان تجيب الفرق يعنى لن نقبل باقل من مشاركتين تلاته فى العضل يوميا .
ودام التواصل
عاطف عكود

abdelgadir ahmed elgalaa كتب:الاخوة الاعزاء الاحباء ما احلى اللقاء بعد غياب طويل لزوم ظروف العمل مع انكم بالبال طوال هذه الفترة وها انا ذا اعود بمشيئة الله لالقاكم واسال عن اخباركم واحوالكم التي بلاشك تسعدني والجديد عندكم ...........؟

قلع يا عظيم ،،طلتك بالدنيا ،،اوفيت وظهرت ابقى داخل وما تقيف
ووين الزول القلت ليى جاييك تانى يوم
سلاماتنا ليك وليهو،،ليكم وحشة

باسفيكولادولوليك (عاطف صديق) ربنا يعلم معزتك عندنا قدر شنو....والشباب العسل ما قصروا وعملوا المنتدى ليدوم التواصل بينا والتحايا الخاصه لهم ولك... وانتظر المزيد

با ابن الوليد ود الاستاذ.... صاحبك ظهر ووعدني بالاتصال بكم في اليوم التاني لكن ظاهر انو ما اتصل... وانشاء الله يدوم التواصل

ياقلع وين يازول ،،ملاحظة انو بوستك بتاع السنه الفاتت
كان ((عائدون بقوة))
والسنة دى (عودة الغائب)
ايه حكايتك مع العوائد!!
ليك وحشة وابقى عايد ولازلنا فى انتظار المزيد

abdelgadir ahmed elgalaa كتب:باسفيكو لادو لوليك (عاطف صديق) وانتظر المزيد

تخريمة شمارات
ما فهمنا حاجة
نحن لازلنا مع عاطفيكو عكودى صدّيق !!!

السلام عليكم يا احباب .. وما احلى العوده بعد طول غياب. وحكايتي مع العوائد يا ود الاستاذ لاننا جميعا اصحاب اسفار ولذلك كل امانينا العوده الى اهالينا واحبابنا و اصدقائنا و رفقاء دربنا.. اعادنا الله واياكم الى اهالينا تامين سالمين غانمين آمين يا رب العالمين.

حبيبنا القلع حمدالله على السلامه والشوق بحر.
عاطف عكود

abdelgadir ahmed elgalaa كتب:السلام عليكم يا احباب .. وما احلى العوده بعد طول غياب. وحكايتي مع العوائد يا ود الاستاذ لاننا جميعا اصحاب اسفار ولذلك كل امانينا العوده الى اهالينا واحبابنا و اصدقائنا و رفقاء دربنا.. اعادنا الله واياكم الى اهالينا تامين سالمين غانمين آمين يا رب العالمين.

آآآآآآآآمــــــين ،،،غايتو ان بقيت قاعد شوية ما تنقطع
تخريمة مسافر طوّل ذات علاقة بمارى انطوانيت" انتو الحتة البسافروا ليها وما فيها انترنت دى وين
كان انت يا قدورة كان جنى؟؟؟

سلامات...ود القلع.

ليك وحشه والله, ياه زمن طويل والله نسينا شكلك, ياخى ماتنزل لينا صوره كده تنشط الذاكره بيها.

لك الود

الخرطوم ترحب باحد نجومها الللامعين بعد غيبة طويلة واشرقت بوجوده معنا وكانت اللمه الحلوه فما اروعك يا خالد عبد الحميد

اخونا القلع غيب وتعال تلقانا نحنا يانا نحنا
ياخى تباااالغ الزمن دا كلو وين؟
ودام التواصل
عاطف عكود

انا عشان عارف صدرك رحب بسع الجميع ببشاشتك المعهودة بغيب عنك وبجيك وبلقاك انت ياكا انت (يا اصيل).

abdelgadir ahmed elgalaa كتب:
ببشاشتك

القلع الغالى كتير عجبتنى كلمة ببشاشتك
فيها كميه مهوله من النقط ياخى دى فيها نقط الدنيا والاخرة.
واصل وبنواصل
عاطف عكود

الاخوه الاحباء جميعا
جعل اللة كل ايامنااعياد ومتعكم وايانا بموفور الصحة والعافية وانار الى الجنة طريقناوحفظ بلادناويسر فى الدنيا والاخرى امورنا-نوبارك لكم عيد الفداء وندعو كريم السموات والارض ان يقبل مناومنكم صالح القول والعمل ويهدينا لما فيه خير امييييييييييييين يارب العالمين

اخونا الغائب
منور المنتدى يلا واااااااصل وبلاش تغيب
ودام التواصل
عاطف عكود

مرحبا ألف بأخينا عبد القادر القلّع وسعيدين برؤية الصورة الجميلة والنيو لوك ماشاء الله اخر شباب .... بس تحيّرت كثيرا لتعزيتك كابتن سيف الدين مصطفى مع عبد العزيز المكى .... والحقبقة نحن المتواصلين مع كابتن سيف الدين بحكم القرب لم نسمع بأى خبر وفاة له ...قد يكون هناك خلط قد حدث لأن بوست تعزية عبد العزيز المكى قام به سيف أو ان هناك شئ لم نسمع عنه ... أرجو الإفادة وللأخ القلّع صادق التحايا والمودّة ...

الرشيد شمس الدين
.

و الله يا رشيد ... انا ذاتي معاك اتحيرت من اخونا القلع ... خاصة بعد أن عزى غيابه عن المنتدى لسفره المتواصل ...قلت يمكن الراجل زار مصر أو ليبيا في الايام الماضية و عرف بخبر نحن لا ندرى به خصوصا ولنا أهل فى الدولتين؛ وبذلك يكون انطبق علينا المثل:-*المكلوم آخر من يعلم*شكرا اخى القلع على التواصل...

الاخؤة الاحباء الكبار كابتن سيف مصطفي والباشمهندس الرشيد شمس الدين نرجو المعذرة للخطا الغير مقصود لقد اختلطت علي الاسماءوالمقصود هو كابتن مصطفي مختارونسال اللة ان لا يريكم مكروه فى عذيذ لديكم ويديم المحبه فى الله بيننا جميعا امين