عـــارف المصرى هاهنا ،مرحبتين

من هولندا أتى قريبى عارف المصرى،، أحد أقطاب الاكاديمية فى نص التمانينات ايام حراكها
الرجل النكتة ذو الضحكة المجلجلة،،صاحب الحضور اللافت،،،،واخر ما اكتشفناه منه هو قلمُ لا يبارى ،،أديب من درجة فارس وهذا المنتدى موعود منه بالدرر،،،نديك يومين تلاتة تتصفحح وابقى داخل مرحبا حبابك بيتك ومطرحك

سلامات ود الاستاذ...

بالله عارف الكارسه ده قريبك.....سبحانه الله الواحد لمن رجع بالذاكره شويه ودقق فى الملامح لقيت الشبه بيناتكم شديد ودم الحلفاويين ظاهر...

التحيه والاشواق لاخونا عارف المصرى الرجل الظريف صاحب الوجه البشوش.

خليك داخل عارف باشا...

لك الود

Arif


__________________

لكم قريبي خالد التحيه والتقدير على الترحيب والكلمات الطيبات لك سلامي ومودتي . . . .
ود كرار كيفك ؟ . . . إزيك ياحباب ؟ أي عارف الكارسه قريبو داك زاتو !!!
ليكم سلامي وتحياتي . . . ولي قدااااااام

سلامات ود عباس

الف مرحب بالحبيب المصرى من ريحة الاسكندريه.
ياجماعه ماتسمعوا اسم المصرى ده وتقول جانا ولد بمبا, اخونا عارف حلفاوى قحه.

منتظريين منه الكتير, وفى جعبته الكتير لاثراء المنتدى الخاص والعام وتحت الخاص فى بعض الاحيان.
ابقه داخل ياحبيب.

لك الود

الاحباب ودالاستاذ وودكرار ادونا فرصه نرحب بالراجل شنو الحكايه دخلتوا عليه شايتين ضفارى على طول كدى ؟ خلو الزول ياخد نفسو !
الاخ عارف الف الف مرحب بيك وانت فعلا اضافة للمنتدى (والعنوان ظاهر من جوابو) بداية اكثر من موفقة وابقى شايت طوالى .
ودام التواصل
عاطف عكود

مرحبا الاخ العزيز عارف ...سعداء بانضمامك للمنتدي وانت قلم صاحب بصمة واضحة علي نواصي الكلم ...طبعا قرابتك بخالد ماجديدة علي ومنذ اسكندرية نعرف انكم قرايب يعني من كنت برلوم ..بس مسألة الكتابة جديدة علي وشكلها كمان جديدة علي قريبك زااااتو ....
انا لسه ولغرقت في بحر مفرداتك وح ارجع بشويش...
.............
..........