لا زلنا فى انتظار اسامه مكى

يا اسامه يا كل الخير هذا المنتدى فى انتظاركم،،،، يا اخوانا وصلوا المعلومه

ود الاستاذ..كيف اخبارك..
اسامة بيشتقل فى الخفاء..
واكيد حيظهر..

سلامات فيصل كيف كل الامور طولنا منك وبركه الاتلاقينا هنا
سؤال مهم الكوره كيف؟؟؟ ان شاء الله الحرفنه الزمان ديك باقى منها شى...

الاخوة الاعزاء:
الاخ اسامة معى الان فى المكتب و يشكركم و يقراءكم السلام جميعا و يعدكم بالمشاركة قريبا جدا.
احمد محمد احمد
الخرطوم

الاخ آوى

اطيب التحايا.
فعلا مشكلته مشكلة تعامل مع التكنولوجيا بالرغم من وجود كل الاجهزة الحديثة لديه بالمكتبة.
احمد محمد احمد
الخرطوم

فعلا مشكلته مشكلة تعامل مع التكنولوجيا بالرغم من وجود كل الاجهزة الحديثة لديه بالمكتبة

الاخوة الافاضل...حقو اخونا أسامة ده تسجلو ليه المشاركات و واحد يتبرع بتنزيلها فى المنتدى...

والشىء بالشىء يذكر...القصه ده ذكرتنى بطرفه حصلت فى العائلة....

عندنا اصغر خيلانا فى امريكا كم وتاشر سنة ...

وخالنا الفى السودان طلع بفكرة عشان يسهل الموضوع للخالات ويسمع خالنا الفى الغربه من زمن اصوات اخواته الكبار...

المهم خالنا جاب المسجل وجهزه بجوار الخال الكبيرة وقال ليه لمن تجى تحكى دوسى الزر ده وعلى كده اخد بعضوا ومشى شغله...

الحاجه دورت ليك قصص وحكاوى ...ماخلت العرس والطلق والطهروه...ده كم سنة

المهم ساعات وساعات وخالتنا ده الله يرحمه كانت ومشهورة بالسرد الممتع..

خلاص لمن الفيها كملت ...جات ماره بت اخته ..قالت ليه يابت وقفى المصيبه ده قطعت نفسى....وحاتك البت عاينة للمسجل مالقت شريط..وهو ذاتو شريط شنو البسجل قصص 5 ساعات...

طبعا خالنا داك شهر مادخل البيت ومتحلفه ليه تدقه بالكنش.

(طبعا مع الفارق وماتقليل لشأن الاخ أسامة)

بس لسه فى انتظار أخونا اسامة مكى

أخوكم/ أمجد عابدون كرار

قرأت كل ما كتبه الزملاء تحت هذا العنوان.لكننى اثنى ما ذكره احد الزملاء.وهو انه يعمل فى الخفاء وبصمت وبعيدا عن الكواليس.أن الله حباه بحب العمل الاجتماعى و مساعدة الاخريين .ولاغرو فهو شقيق المرحوم الدكتور فيصل مكى.والذى يعرفه كل الزملاء اللذيين درسوا بيوغسلافيا وكيف كان يساعد الكل و حتى الاسر اليوغسلافيه.الأ رحم الله دكتور فيصل مكى بقدر ما قدم للسودان و السودانيين.وما معهد سكينة لذوى الاحتياجات الخاصه الأ خير مثال لما اقول.واذا مات دكتور فيصل فأن كل أبناء عمنا المرحوم محمد مكى امين هم فيصل...وللذين لايعرفون من الزملاء ما يقوم به الان مشاركة مع الأخوان عبدالعظيم حسب الرسول و اسحق عطا المنان فى محاولة احياء جمعية و رابطة الضباط و المهندسيين البحريين.بالعمل الدؤوب والمتواصل فى لم الشمل واعادة الترابط.جزاهم الله عنا كل الخير.واقول لهم واصلوا على هذا المنوال وانا واثق بان كل الزملاء سوف يلتفون حولكم فى يوم ما وعن قريب بأذن الله.حفظكم الله وسدد خطاكم.ودمتم....

ولا زلنا فى انتظار اسامه وايضا كذلك عبدالعظيم واسحق ،،، وكل الاخرون ...فى تقديرى المتواضع انو المنتدى ده مكان مناسب جدا لطرح الافكار وتداول الراى (خصوصا المنتدى الخاص) ,,,
وارفع يدى مؤمناً على دعاء سيف أن اللهم ارحم د. فيصل وادخله جنتك،،
ونداء لاحمد محمد احمد ،، بما انك انشط مشارك من الخرطوم ، كدى ما تعمل حركة دعوة للاخوان ، حض الشباب على المشاركه وكثّر اعلاناتك . الله يعطيك العافيه

الاخ/خالد... لك ولكل الزملاء التحية و التقدير...عرفت من اسامه بانه دعى لاجتماع للزملاء بالخرطوم فى الاسبوع الماضى بكافتريا الاسكلا.و حضر عدد لاباس به و من ضمن الحضور زملينا الباشمهندس محجوب حسن (الريس)...والذى طالت غيبته ولم نسمع اخباره من مدة طويله...وعلى غرار بوست اللهم ارحم فاننى اقترح فتح بوست تحت اسم( ووووينكم...ياصحابى). نبحث و نقتفى اثار زملاء لنا طالت غيبتهم و انقطعت اخبارهم و لاندرى اين هم؟؟؟ .و انا على ثقة بان صاحب فكرة هذا المنتدى سوف يلاقى نجاحا منقطع النظير فى لم الشمل و اعادة ناس البحر لبعضهم مرة اخرى.العمليه محتاجه لشوية صبر و كل شى سوف يكون على ما يرام انشاء الله.

سلامات سيف الدين ،،، يسعدنا السعى والدعوة لاجتماع الزملاء ،،،لكن ما قلت لينا اجتماع الاسكلا ده قصته شنو ؟؟
امّا فتح بوست تحت اى مسمى فحبابك عشرة البيت بيتك والوابور وابورك،،، واذا بقت على التثبيت فما فى مشكلة تب ان شاء الله ،،،علّ المنتدى ده يلم شمل " الطالت غيبتهم" والبقية من الاخوان الذين هم بيننا ومانجحنا بعد فى حثهم على التسجيل أو الاسهام ان هم سجّلوا ،،،
والله المستعان ولك الود
ولازلنا فى انتظار كل من حضر اجتماع الاسكلا ومن لم يحضر

اتذكر العزيز اسامة مكي ولي معه ذكريات في الابحار ضد التيار في القنال الانجليزي
ولكنها جات سليمة ولله الحمد
اتمني لو يشاركنا فلقد سعدت ان اعمل معه في دارفور وهو حتة ضابط تالت
ولكن اسعدني وشرفي ان خرج معه في انتويرب وهو قبطان ملء السمع والبصر والفؤاد.... واهداني ليلتها بطيخة نسخت علبها اية الكرسي ولا زلت احتفظ بها..
التحية له..............

ما كتب عبدوس

ووصلت الخرطوم الحبيبه يوم السبت 27 يونيو ومن ديك وانا راكب الظلط برفقه الاخ اسامه مكى......... وكم كثير من اسامه مكى اخرين !!!!!! والله ربنا يكون فى عونهم

كلام عاطف صديق

ما أروعك اخى اسامه مكى وما اجملك العزيز اسحاق وما انبلك الاخ عبد العظيم حسب الرسول........ما أنبلكم وانتم تواصلون نيابة عنا ابداعات ذلك الزمن الجميل.....وكنت شاهدا حين انطلقت مجموعه من السيارات

وده من سطور عبد العظيم الامين المعبرة الاسبوع الفات
ما رأيكم ؟؟؟ هذا البوست ابتدا قبل عام ،، حول ،، سنة بالتمام ،،، وبه مداخلات من اخوة أفاضل ،،، وتجدد الحديث عن صاحب البوست ،،،،، مما دفعنى لإعادة الطلب
لا زلنا فى إنتظار أسامة مكّى،،،،، والآخرون

والله من الشايفو اسامة دة الا تشوفوا ليه جهاز يحول الكلام الى البوستات مباشرة لكن صبر على الجلوس قدام الكمبيوتر والكتابة ..... الله اعلم.

يوم الخميس الماضى شارك الزملاء الفرحه زواج شقيق ود السر بالمورده ام درمان وكانت
حفله قاجه , أسامه مكى طلب من الفنان أغنيه بتقول (الما عندو وره يرجع وره) أسامه ود السر كانوا من الجماعه البترترو لوره مع الكشفه والحفله كان فيها كتيل عيون شديد يعنى كانت عايزاك يا ابو الشباب غايتو جنس غايتو. بالمناسبه تفاصيل الحفله وصلتنى من الاخ الامين قيلى

ماسوره

والله ليك وحشة يا قاشورة وطلتك دي بالدنيا... بس بيني وبينك انته ما كنته في الحفلة..عارف السن ليهو مقامو والبوديك انته مع ناس اسامة وقيلي الصغنونين ديل شنو................حليل زمن كتيل العيون ..عارف يا توحة الواحد لمن يشوف حاجة طيبه بقي يرجف ونفسو ينقطع واصابع يدينو يتشنجوا مرة واحدة... دة من شنو- يا ربي- طبعا انته مريت بالتجربه قبال كدة من زمنا طويل... بارك الله فيكم افيدونا واكان ما عرفته اهو اسال الحواليك فمنكم نتعلم ونستفيد وكلو بثوابو...
عبودي

سلام والله مشتاقين كتير وليكم وحشه طبعا ماكنته فى الحفله ولو كنته فى الحفله كان عملته البدع كالعاده والحصل ليك ده طبيعى وجصل من زمان لكن انته ما عايز تستسلم , بعد ده شوف ليك تبروقه وسبحه واستغفر . بلامس قابلته الزين فى مناسبة زواج والله النوره باقه من وشه ماشاء الله لكن برضه عنده حبة كتيله خفيفه ليه الف حق لانه الجماعه بقو حاجه بطاله , استعين ب لبن الابل وعسل النحل مجرب من رستم والرشيد ونسيبى.
يا عبودى الروب الروب تعال امسك منى صاحبك بتاع الامن سابقا
ماسوره

يحلك منو الحله بله... انته الوداك تفتش للشمارات عند ناس الامن منو... للمناسبة يا توحة وبحكم انك اكبرنا عمرا واكثرنا تجربة بلة دة شنو والحلاهو منو ومن شنو...اكيد يكون عمل عمايل....
تخريمة..استاذ الزين اخوي وانا عارفه ومن شابه اخاه فما ظلم... التقوي ها هنا التقوي ها هنا او كما قال..
..محبتي وما تنقطع...عبودي

احمد محمد احمد كتب:والله من الشايفو اسامة دة الا تشوفوا ليه جهاز يحول الكلام الى البوستات مباشرة لكن صبر على الجلوس قدام الكمبيوتر والكتابة ..... الله اعلم.

الحاج خالد والعزيز احمد وبقيه العقد الفريد انا الان برفقه الاخ الحبيب اسامه مكى واهو وبعد جهد جهيد سيقوم بالتسجيل فى المنتدى .... ودى براها ذى ماعارفين اصعب من تسجيل صامويل ايتو لى هلال الحصاحيصا........ وبعد داك نشوف موضوع الجهاز القالو كابتن احمد....واول الغيث مطره ..... وحسب تصريحات الاخ اسامه استعدو وحاتشوفو العجب العجيب وما على الرسول الا البلاغ .
دمتم ودام التواصل
عاطف عكود

شكرا ياعاطف ده مجهود جبار.ده ما فاضى من الحفلات والكشفى وبقى دكتور زى ودالسر
عبودى والله انته ومحمد صالح الشبكتو فينى وحاجه عجيبه . أما عن بله
انا والرشيد كنا واقعين فى مشكله وفكرنا نلبسه لى بله واحسن الظروف كان بله اصيب بالشلل نتيجة للضرب لكن الحمد لله قدرنا نحل المشكه وربنا نجد بله.

ماسوره صاحب بلوس

الرشيد اسكت

يسعدنى ان أكون أول المرحبين،،،
اهليـــــــن اسامة مكى
خالد

يسعدنى أن أكون ثانى المهنئين بإنضمام إيتو لهلال كادوقلى .. والله نحن سعداء بلا حدود بإنضمام حبيب الكل أسامة مكى وفى إنتظار الدرر .... مجهودك مقدر حبيبنا عاطف القوز وإنشاء الله ماتكون دفعت مادفعه جمال الوالى فى وارغو لأنه أسامه بالتأكيد أخطر من وارغو ... شكرا لك عاطف وأنت تمثلنا خير تمثيل فى كل عمل للخير رغم قصر الإجازة والمشغوليات الكثيرة....
ماسورة الله يجازيك ويجازى محنك والله العظيم أشهد إنك إنت إبن حرام مصفى .... لا لا .. يعنى مامعقول أبدا ... كدت أنفجر من الضحك ... الله يسامحك .....
عبدوس العزيز , التحايا لأستاذ الزين مضاعفة ... التقوى هاهنا قالها الرسول ( صلعم ) ثلاثا وهو يشير لصدره ....
أنت أيضا قلتها ثلاثا ولكنا لم ندرى إلى أين كنت تشير ؟؟؟ ماسورة طبعا سيقول :- للأصابع الذهبية ...
ليحفظكم الله من كل شر وليدم أبدا مابيننا ...

الرشيد شمس الدين

ساكون اسعد الناس لو انضمة اسامة العزيز.... لي معه ذكريات... كم احترم هذا الانسان.....
ماسوره ... الرشيد ببيعك وبالرخيص ما تركز عليهو كتير وتفتكتر لمن تقول ليهو اسكت بسكت.... يادوب وفرتة علي حق التلفون... ويا رشدي انا الايام دي في انتويرب وتلفوني شغال ....
بعدين يا رشدي انا ما قلتها ثلاثا انا قلتها مرتين حسب قدرتي والله هو المستعان... عارف لمن قلته لي المابتسما انو لمن اشوف حاجة نظيفه برجف واصابعي بتشنجو وبتحصل لي حاجات... بس كنت عاوز افرحو لاني عارفو من النوع الحاقد.... بعدك يا ود حاجة امنة والله العيون لا زالت بخير ووحاتك ما عارف اخر مره سعيت لي قصافة...المهم ما نطول كلنا في انتظار سمسم........ود عكود...التحية..وبلغها لي ود كرار... انتو الحاصل شنو في الخرطوم كلو العالم دي هناك.....حلفتكم امشو اوزون وسلموا لي علي بنات دفعتي... الدفعه ..... انا عارفهم بجوا كلو خميس الساعة اتناشر بالنهار...
وقولوا ليهم عبودي بسلم عليكن بس ما تنسوا تدفعوا الحساب وكلو بي ثوابو..

عبودي

يا مراحب بالحبيب اسامه مكى وبكل من رحب به , على قول الحاج خالد فى دارك ومنتاداك .
تخريمه اولى للعزيز الفاتح - اسامه بعد الاطلاع على مداخلتك ضحك ضحكه ذات مغذى ؟؟؟؟؟ وعلق بكلمات ذات معنى ؟؟؟؟؟؟ و بس !!!!!!!!!!!
تخريمه تانيه للعزيز الرشيد - اطمنك بانى قد دفعت بالتى هى احسن ......وليس كما دفع جمال الوالى طبعا اخونا اسامه مبسوط شديد من حكايه وارغو و جمال الوالى دى لانو مريخابى (لا مؤاخذة ) الله يكرم السامعين,,,,,,,,,,,, (الاخوه المريخاب مايزعلولانو دى ليها قصه بينى وبين سمسمون )
تخريمه تالته لل ADMIN الحاج خالد لك الشكر اجزله على التفاعل السريع وتفعيل تسجيل حبيبنا اسامه مكى وذى ما قلت ليك هو اسرع واغرب تسجيل وتفعيل لانو تم التسجيل بواسطة لاب توب و MDSL وفى شارع الظلط UNDER WAY وعلى الطاير ومباشر على الهوا ... كل ذلك لصعوبه امكانيه تواجد العزيز اسامه فى مكان ثابت ويكون (كامل الدسم) اقصد كامل التركيز ولفتره اطول من خمسه دقايق ... ( ولا شنو يا كابتن احمد )
دمتم ودام التواصل
عاطف عكود

العزيز عبدوس والله انا برىء وصدقنى المشكله المره دى اخطر لأنه فيها قطيع رقاب واحنا اولادنا لسع صغار وما عندنا حل غير بله لابساهو لابساهو.
العزيز عاطف قول لأسامه مرحب بيك لكن أوعى تجيب سيرة فتيل النقيب ولا فتيل النتو.
معى بالمكتب الاخ فوفو (عبد الحميد) بسلم عليكم والله جورجيت بالنسبه ليه برتكانه.

ماسوره صاحب بلوس