الزملاء الافاضل

الاخوة والابناء الكرام لكم كل الود والاحترام وكل عام والجميع بخير. يارب اللهم احفظنا فى برك وبحرك وأرزقنا رزقا حلالا طيبنا وبارك لنا فية وارحم موتانا ومتعنا بالصحة والعافية مااحييتنا-سائلين المولى عز وجل القبول مع امنياتنا أن يعود العيد علينا والكل بجبل عرفات حاجا ياكريم وصلى اللهم على سيدنا محمد وعلى اله وصحبه وسلم والسلام عليكم

الاخوان الاعزاء فيصل الجزار ومحمد حبيب
كل عام وانتم بالف خير وعبركم أرسل التهانى لطاقم الباخرة النيل الابيض والباخرة دارفور وللاخوان بمكتبى بورتسودان والخرطوم فردا فردا اللهم حقق امانيهم واحفظ الجميع برا وبحرا والقابلة على عرفات .
ودام التواصل
عاطف عكود

اطيب التحايا و عيد مبارك للاخوة بالباخرة النيل الابيض اعاده الله على الجميع باليمن والبركات.

فيصل الجزار كتب:الاخوة والابناء الكرام لكم كل الود والاحترام وكل عام والجميع بخير. يارب اللهم احفظنا فى برك وبحرك وأرزقنا رزقا حلالا طيبنا وبارك لنا فية وارحم موتانا ومتعنا بالصحة والعافية مااحييتنا-سائلين المولى عز وجل القبول مع امنياتنا أن يعود العيد علينا والكل بجبل عرفات حاجا ياكريم وصلى اللهم على سيدنا محمد وعلى اله وصحبه وسلم والسلام عليكم

هذا كلام طيّب، نؤمّن ،اللهم آميـــــــــــــــــــــــــن
اعاد الله ايام الجميع بألف خير
تخريمة وتنويه:
تحية واعزاز للنيل الابيض وطاقمها اولا
ووقفة احترام لى فيصل ومحمد حبيب لانهم فى الايام الفاتت فتحوا بوستين يصبوا تماما فى مصلحة الجماعة ولعموم فائدة الكيان البحرى
البوست الاول لكابتن فيصل عن كابتن رخا
والتانى للباشمهندس ود الحبيب عن فرصة استثمارية
فى اكتر من مناسبة قلنا انو لا اهداف لهذا المنتدى من اول يوم ليهو سوى التواصل وان تتولد منه افكار وقضايا تصب فى خانة المصلحة العامة
وكل ما ينفع الزملاء حيّهم وميّتهم ،،، وتتجدد الافكار بحكم الزمان والمكان وحسب حوجة الناس وهذا والله دليل حياة المنتدى
فى تقديرى انو البوستين لمسا هذا وادركا الغايات بوعى عميق ،،، فسلمتما
وتعود ايامكم بالخير فى الخير
وتحية بعرض البحر
تخريمة من التخريمة""
بوست محمد حبيب فى المنتدى الخاص
الناسى الباسوورد يقول لينا عووووووووووووكyou need it now

اصدق التهاني واجمل الامنيات الصادقة لطاقم الباخرتين العزيزتين دارفور والنيل الابيض..وفقكم الله وشدد خطاكم وحفظكم من كل سؤ املين ان تواصلو العطاء وغم الظرف القاسية...
انتم القابضون علي الجمر
عيد مبارك وان شاء الله تكونو لميتو ليكم في حتة خريف في الاش....ما تنسونا برضو لمتكم لا تقدر بمال

تحياتي وتقديري
عمكم عبد الرحمن الزين

العزيز جزازيرو ( سؤال فنى ؟؟؟ ) ... كل عام وأنت وكل طاقم النيل الابيض العزيزة بألف خير .... التحية لكم وأنتم تصارعون فى أقسى الظروف ... لقد كنا نشتكى من ظروفنا ونحن فى النيل الأبيض على أيام جدتها فكيف بكم اليوم بعد أن بلغت الثلاثين ؟؟؟؟؟ لله دركم ...
العم عبدالرحمن , حلوة قصة العمعمة الجديدة دى ..... أرسل لى ماسورة التافه أمس الرسالة التالية , فهل تساعدنى على فك شفرتها ؟؟؟ الرسالة تقول الأتى :-
باسبورت بلجيكى , رقم 012004 EG
الإصدار أنتويرب فى 2006-10-25
تاريخ الإنتهاء فى -2011 -10-24
الميلاد :- ود مدنى فى 1949-08-16-
ومعاها تعليق صغير , ( طبعا دا الباسبورت المبنى على الباسبورت السودانى المعدل ثلاثة مرات لخانة العمر ) ...
هل فهمت شيئا ياعمنا عبدوس ؟؟ الرجاء المساعدة !!!

الرشيد شمس الدين

رشدي العزيز... خليني من العمعمه والجدجدة التافه ود الحرام دة لقي بيانات المرحوم ابوي دي وين..والله دة ود حرام مصفي جد جد.. الكويسه هنا في هذه الديار وعدونا ان المعلومات الخاصة بك مثل ديانتك واين تسكن ذكرا ام انثي متزوج عازب مطلق...غير متاحة الا لاولي الامر..لكن كونو التافه دة عرف ديل معناتو ممكن يعرف اكتر...الوالد الله يرحمو فعلا من مواليد 49
تخريمه
الاخوةالمشرفون علي هذا المنتدي الرائع..اسفي للاوصاف الغير مناسبه مثل تافه وحقير وهلم جرا رغم اني ندمان ما اتعلمته منو- قصدي ماسورة ما رشدي السكرة- ما اتعلمته منو الفاظ اسوا..
ولكن- مقارنة بما ورد- احتفظ لنفسي بالحق ان اطالبكم بحذف البوست لانه ادلي بمعلومات عن رجل توفاه الله الي ديار ارحب...
وحيات ام ساطور التافه.. دة يا رشدي .. منو خوف
يا ربي يكون بقرا كمان بريدي مين يعرف..
غايتو ربك يستر
معزتي بلا حدود
عبودي..كفايه عمعمة جابت ليتا الهواء

الاخ العزيزعبد الرحمن الزين
كل عام وانتم بخير....لا عليك ولا داعي للاعتذار من وجهة نظري اذ ان الكتابة الحرة نوع من المتنفس ونوع من الوضوح و الشفافية ولن يظل الانسان بردد قوالب مرتبة ملؤها الادب وداخله بغلي ....
الفكرة:
الكتابة بشفاية عما تصطخب به الدواخل واخلاقكم محفوظة
حفظكم الله

من صباحات الله ورضاهو - كما يقول المرحوم الخالد عم بكرى - إتصل بى ماسورة بعد أن قرأ تعليق عبدوس , وقال لى :- فعلا عبدوس صادق فى مداخلته لأن عمنا المرحوم عبد الرازق الزين كان يحمل الجنسية البلجيكية كما حكى له عبدوس مرة وقد أتى شيخ عبد الرازق سائحا من بلجيكا إلى السودان فأعجب ب ( حوش بانقا ) وأستقر فيها ليكون هذه الأسرة العظيمة الممتدة كثيرا ( أنا شخصيا سمعت أسماء أربعين أخو - عينى باردة والله ) ....
غايتو جنس غايتو ....

الرشيد شمس الدين

راشد العزيز..اشكرك صديقي لكن لو بتعرف او سمعت عن هذا المدعو ماسورة لو وجدت لي الاعذار مضاعفة بل مرفوعه للقوة مليون...اسعدتني كلماتك لك مودتي وتقديري..
رشدي البرتكانة.. يا صباحة ال الله ورضاه..تذكرت المرحوم بكري هذا الصباح وسرحت في ماضي ايامنا الجميلة..لقد اهجتة في ذكري حبيبة الي نفسي فلله درك...
لقد ضحكتة كثيرا لكلام قاشورة- اذا كان دة كلامو هو- لكن جد جد الحقير دة منو خوف ما يقوم بكرة ينشر لي- قسائم- العرس كمان... الروب
انا البوديني اناكف لي زول ما عندو اخلاق شنو..
تخريمة الفكي عبد الرازق الزين من حلة ودبانقا - القبه- قبة الشيخ صالح ودبانقا جبل اللقمة...
ما حوش بانقا وهناك فرق ..فرق كبير..
معزتي لا تحدها حدود وقول ليه اظهر ليك وحشه رغم تفاهاتك
عبدوس

العزيز خالد أبو صبا ...لك وحشة شديدة ويبدو إنك محتاج لكم عووووووك من عاطف القوز ...وينك ياخى أظهر ؟؟؟
قد تستغرب أن ماسورة يطلب منك للمرة الألف , الإسم والباسوورد لأنه ماقادر يخش المنتدى ..هل رأيت مثل هذا الغباء فى حياتك ؟ أنا والله خجلان أقدم الطلب وطبعا هو ما بيخجل ...هلا فعلت - دام فضلك - حبيبنا خالد ؟؟؟
وحتى يعاود ماسورة الإرسال التافه طلب منى أن أطمئن عبدوس بأنه لن ينشر قسائم العرس بتاعتو ولكنه سينشر ماهو بدون قسائم وستكون البداية ب ( عبد الإله الشرقاوى ) والبقية تتبع ...هل فهمت حاجة ياعبدوس ؟؟؟؟ أنا شخصيا
مافاهم أى حاجة , وليدم أبدا مابيننا ...
الرشيد شمس الدين

الرشيد شمس الدين عبدالله كتب:العزيز خالد أبو صبا ...لك وحشة شديدة ويبدو إنك محتاج لكم عووووووك من عاطف القوز ...وينك ياخى أظهر ؟؟؟
قد تستغرب أن ماسورة يطلب منك للمرة الألف , الإسم والباسوورد لأنه ماقادر يخش المنتدى ..هل رأيت مثل هذا الغباء فى حياتك ؟ أنا والله خجلان أقدم الطلب وطبعا هو ما بيخجل ...هلا فعلت - دام فضلك - حبيبنا خالد ؟؟؟
وحتى يعاود ماسورة الإرسال طلب منى أن أطمئن عبدوس بأنه لن ينشر قسائم العرس , وليدم أبدا مابيننا ...
الرشيد شمس الدين

الحاج خالد وعلى لسان اخونا الرشيد عووووووووووك وعليك الله - دام فضلك ارسل للاخ الفاتح القسيمة اقصد الباسوورد بتاعتو وكل عام وانتم بالف خير
وليدم التواصل
عاطف عكود

انتو اقعدو سكو حاج خالد وبكرة لمن يرجع ليكم المابتسماش حتضربو الثكلي وتقولو ياريت ما اتوسطنا ورجعناه ما كنا كويسين...
حاج خالد عاوز المنتدي يكون نضيف وانا اوافقو....
رشدي..انته عاوز تبقي زيو...انا قاعد افوت ليك كتير لكن كونك ما فاهم شنو يعني عبد الاله الشرقاوي دي بالغتة فيها...كان ممكن تسال صاحبك السحوق...تقول لي الشرق كان يلهمنا..
ود عكود العزيز...قسايم ما قسيمة واحدة..
علي فكرة دخلته قبل ساعتين لكن لقيت روحي زائر قلته الله لا تاجرك يا قاشورة باين مناكفتي ليك ودتني الخور وسحبوا مني الباس ورد زيك..
لكن ربنا ستر باين عليهو كرت اصفر...توبه
معزتي
عبدوس

سيدي الكابتن فيصل الجزار
كل عام وأنت بخير والأسرة الكريمة
وتحياتي كلها لعبدالرحيم ( وصل وين أسع ؟ )
وشكرا جزيلا على كل الذي تعلمناه والذي كدنا نتعلمه لولا ضيق الأيام
وتحياتي عبرك لك الذين صادفناهم ذات بحر ... ولازالت تعلق بذاكرتي قصص القضارف وأتشربها مع كل رشفة قهوة صباحية
كل سنة والجميع بخير