قصيدة جديدة،،،تستاهل يتفتح ليها بوست،، سودانى جد

سوداني جد ... لعقد الجلاد

كلمات ...عبد الوهاب هلاوي
الحان...طارق حويلي


سوداني جد سلام علي *** لو شفتو مرة تحس بي
سوداني جد في كل شي *** في قعدتو وقومتو ومشي

في ضحكتو في نبرتو *** وقولت كدي

سوداني في البيت الكبير *** ديوان مفرش بالحرير
تلقاه في التلت الاخير *** من الكرم تبرق عيني

سوداني بالسيف السنين ** سوداني في صبر السنين
والله يوم الحق يبين ** الروح يمين بتهون على

سوداني في الراي والفهم ** سوداني في لا لا ونعم
عز الرخا وعز العدم ** ما بغير الحال العلي

سوداني من ما قام ولد ** ما خوفوه بي اخ شرد
بعز بنات كل البلد ** والمتلو قط ما اتولد

سوداني في عشق الارض
سوداني في ستر العرض
سوداني بالطول والعرض
في عزتو وحفظ الفرض

حبيبنا ابو منتهى...

حليل السودانى البشعروا فيهوا قدر ده....

سوداني بالطول والعرض

قٌصيدة جميلة .
عامة مؤكد ان السودانيين و بالرغم من كثرة (الكبيع) على الراس لا يزالوا محتفظين بصفاتهم الفريدة.

( سودانى وخليك سودانى )
الحاج خالد
الله يديك العافية وطولة العمر تعرف قصيدة هلاوى دى اجمل مافيها انها مريحة .... وكمان كلما تعيد قرايتها تشعر بطعم ونكهة ولون مختلف عن المرة السابقة فما بالك بلحن طارق جويلى .... وكمان عقد الجلاد تمو الزايدة ( طبعا مافيها ناقصة )
ولينا ليهاعودة انشاء الله
عاطف عكود

عبدالمنعم جنيدابي كتب:

الاخ العزيز
خالد الدينمو
كلمات سودانيه اصيله وجميله ما فيها كلام ولكي تكتمل الصوره فانني وجدت
هذه الاغنيه في احد المواقع السودانيه ويسعدني جدا اشراككم معي في سماعها
وذلك بفتح الرابط

جني تكنولوجيا

الحبيب تكنوجنى او جنى تكنو بكل الخلجان والمضايق وكل السمبر والاعضاد والامعاء غليظها ودقيقها ومع كل عضة وجغمة ولقمة اقول ليك والله انت فنان والدينمو فنان والجمل فنان واحمد فنان يعنى رابط لبورسودان وسنقنيب و و و ..... ورابط تانى لعقد الجلاد يعنى سمع وشوف وتكنولوجيا سااااكت !!!!!
والله ليكم وحشة دمتم ودام التواصل طرب وسمع وشوف وابداع X ابداع.
عاطف عكود

سمعتها مرة و كنت على عجل ،،،وطربت ،،،انطباع اول خالص(قد يتغير!!)
بقدر قوة الكلمات ما ظنيت اللحن ارتفع لمستوى النص
ما قلنا اوووول
[quote="ود كرار"
حليل السودانى البشعروا فيهوا قدر ده....[/quote]
امجد ،،والله اغلب العرفناهم فى الدنيا دى ياهم ديل سودانيين وجد --نسمع زيك عن زمنا ما بقى هو الزمن لكن الله غالب وزى كلام احمد رغم الكبيع تلقانا نحن يانا نحن

Atif Siddig Akoud كتب:( سودانى وخليك سودانى )

الله يديك العافية وطولة العمر تعرف قصيدة هلاوى دى اجمل مافيها انها مريحة .... وكمان كلما تعيد قرايتها تشعر بطعم ونكهة ولون مختلف عن المرة السابقة فما بالك بلحن طارق جويلى .... وكمان عقد الجلاد تمو الزايدة ( طبعا مافيها ناقصة )
ولينا ليهاعودة انشاء الله
عاطف عكود

عاطف يا فردة والله انت المريح
حنعيد قرايتها تانى إن شاء الله ...رغم انها من الكلام البخش فى الدماغ من اول مرة وبعد داك ترجع ليها لزوم القزقزة والمهلة

عبدالمنعم جنيدابي كتب:

الاخ العزيز.
كلمات سودانيه اصيله وجميله ما فيها كلام ولكي تكتمل الصوره فانني وجدت
هذه الاغنيه في احد المواقع السودانيه ويسعدني جدا اشراككم معي في سماعها
وذلك بفتح الرابط ادناه ثم ادخال كلمه المرور حتي يتم انزالها في الجهاز ثم
سماعها بعد ذلك .
مع التمنيات بان تنال الاعجاب
ودمتم
جني تكنولوجيا

تعرف يا جنى تكنّى (لزوم القافية وكده) انك فنان
حقيقة ما كنت عارف انو الابيات وصلت مرحلة مغنى
اظن الحردلو زمان قال ( ملعون ابو الغربة ،،،،،)
رابط سريع ولقطة تكنو مرهف بعرف من وين بجيبو الكتف
ونعود

بقدر قوة الكلمات ما ظنيت اللحن ارتفع لمستوى النص

والله حلوين حلاوه...من الجاب الكتف للأكلها....مرورا بى ود عكود ملك الإحصاء..واحمد القارش ملحتم..ود كرار الرمى طوبتم..وجنى (الملت بيربس)..
ولكم الود حتى نلتقى ان الله سهل

غايتو انا من ما حجيت عام 92 ما سمعت لي غنوة..لكن حجاج الزمن..يا يمة ابره واستبره..
ده كلام شنو حاج خالد ومن لفه ...
اكيد بهظر بس قلته اخش..
عبدوس
عارفك حتقولي انا ما قلتة غنية انا قلتة قصيدة..كلمات..شعر..معاني..سودان
وطوالي انط وارد عليك ..... يا حاج واعطيك من الاكليشهات ما احفظ. ونحفظ كلنا ..الشعراء يتبعهم..
...بيني وبينك عجبتني الكلمات..
لك محبتي واحترامي حبيبي الحاج خلدي..

الاعزاء عبدوس وعظمة الف حمد الله على السلامة .... شفقتونا عديل يعنى طولتو الغيبة وبالمناسبة كتبت ليكم مداخلة طول بعرض وطشت قبل ارسالها فقمت بعمل رسالة للحاج خالد واهو الحمد للة ظهرتو وعقبال رشدى..... واسامة معاوية..... والجمل.... وراشد ....وسعد كرار..... وعبدالرحمن محجوب ....... والفاضل..... وعوض الله..... والرشيد بادى ......وراشد .... ومحمد ..... وياسر ....... وكمان نميرى ..... ومحمد كمال .....و....و....و....و.....و.....و.....و...و..... وشايف ود السيمت..... وعابر ..... وودكرار .... والجزار من خلف الكواليس
وواصلوالمشوار والنشاط يا جنى زنقار واحمد محمد احمد الله يديكم العافية .
دمتم ودام التواصل
عاطف عكود

الاخوة الاعزاء

ملمومين عند النبي انشاء الله.

كدي شوفوا الزول دة.

انا غايتو بذكرنى بايام الشباب :

احمد محمد احمد كتب:الاخوة الاعزاء

ملمومين عند النبي انشاء الله.

كدي شوفوا الزول دة.

انا غايتو بذكرنى بايام الشباب :

كابتن احمد ياتو زول تقصد ؟
حارس المرمى بتاع اغرب هدف فى العالم ؟
ولا بتاع 100000055X100000055 ؟
الله يديك الصحة والعافية
عاطف عكود

الاخ عاطف

انا قاصد اخونا و الذى هو قطع شك سودانى الاصل مصري الجنسية .

معليش ما لاحظت للتعليقات المصاحبة من الاخوة العرب للفيديو الخلتنى اسحبوا.

المغروض فيه ممكن نرسل ليه الرابط بالايميل.

احمد محمد احمد كتب:الاخ عاطف

انا قاصد اخونا و الذى هو قطع شك سودانى الاصل مصري الجنسية .
.

الاخ احمد
انا برضو قلتة كده
لكن السِؤال لكى يطمئن قلبى
عشان كدى ختمتها بى الله يديك ويدينا العافية
عاطف عكود