عاجل الشفاء للكابتن أدريس أرباب

في أجازتة السنوية بامريكا أصيب ألاخ أدريس بالآم حادة في فكه الايمن وقد تم اجراء عمليه جراحيه ناجحه له وهو الان طريح الفراش بمنطقة واشنطن الكبري ... نتمني له عاجل الشفاء
تلفون ألاخ أدريس 0015712960688

الف حمدالله على السلامه يادرش . والحمد الله هو بخير ويرسل تحياتو للجميع وعندو مواعيد مراجعه يوم 17/8 وسوف يعود الى ابوظبى يوم 19/8 انشاء الله .
اجر وعافيه
عاطف عكود

حبيبنا إدريس أرباب .... كفارة وسلامتك وألف عزيز كرامتك ...أنا عارفك مابتقدر على أمريكا التى يساوى دولارها دولارا كاملا .... بالمناسبة أول مرة أسٍمع بوجع حنك دى جديدة لنج ..واضح دا من طق الحنك بإمتياز ...ليك وحشة ...شديدة وكفارة تانى ... بالمناسبة ( الكركبة شنو ؟ ) ... سأحاول الإتصال بك اليوم إنشاءالله ....
سلمت عزيزنا وحتى لقاء وصادق التحايا لحبيبنا أسامة السيمت ...

الرشيد شمس الدين

تكون مشيت تكابس أنا عارفك دنىء واخدته ليك بوكس تستاهل والعقبال لجعفر قريش

ماسوره صاحب بلوس

كفاره....... يا دارشون على
انت غيرت الكار ولاشنو...ونحن لسه بنجدد فى الشهادات!!!
انشا الله كفاره(وجاك الموت يا تارك الصلاه)...

عاجل الشفاء كابتن ادريس,اجر وعافيه.
العزيز السيمت لم نسمع لك حسا منذ وفاة والدتك الغاليه لها الرحمه بلاسكندريه,فعساك بخير.
دفع الله العريس اليومين دي معانا.
يوسف سمعنا في الخرطوم له التحايا

العزيز عبدالرحمن والله ليك وحشه يابشمهندس ... كانت ايام حلوة .... تحياي للعريس وقول ليه منظر المس كول

الف حمدالله على السلامه ياكابتن ابو الدرش.

تكون مشيت تكابس أنا عارفك دنىء واخدته ليك بوكس تستاهل والعقبال لجعفر قريش

ههههههههههه

اسامة السيمت والعبد لله، قضّينا يوم ممتع مع العزيز ادريس وفى حضرة قريبو الرائع د. خليل،، حكينا عن زمان وامتلأنا ذكريات ،،وضحكنا كثيرا وسعدنا بالتلفونات مع اخوة أكارم ،،،
عملية كانت جد كبيرة لكن الحمد لله قدّر ولطف وادريس فى تمام العافية،،
كان يوم جميل من زمن اجمل
وقد نسمع باقى الحكى من ادريس كما وعد

العزيزين خلدي والسيمت لكم الشكر اجزله علي هذه اللفته الكريمه انابة عن كل من شق عليهم التواصل ,اساله تعالي ان يجعلها في ميزان حسناتكم.
لكم الود ,وللقبطان عاجل الشفاء

الاخوة الاعزاء....
الزملاء الكرام....
التحية لكم ورمضان كريم سائلا الله ان يمتعكم بالصحة والعافية وان يجعل تواصلكم الكريم عنوانا لما فيه كل الخير. أنا الحمدلله بخير وقد عدت الي أبوظبي ونزلت الي العمل
انشاءالله سوف اكون متواصلا معكم في هذا المنتدي واكرر شكري الي الجميع كل في موقعة والتحية للاخوان السيمت وخالد سائلا الله ان تدوم هذة القلوب الامينه الطاهرة وهذا الصرح الدائم لكل الذين عملوا بالخطوط البحرية السودانية ....
والي لقاء اخر ....

اخوكم ادريس علي ارباب

ا لف حمدا لله على السلامة يا درش .

حمدا لله علي السلامة يا درش وما تشوفش وحش.................وطولت ما جيتنا ......لو جيتنا ما كان احسن .....حتي نلتقيك ســـــــــــــــلام..........

حبيبنا ادريس لابأس عليك وشرك مقسم فوق الدقشم طبعا دى لغة يفهمها من تجاوز الستين بالميلاد الاصلى امانينا لك بعاجل الشفاء والعودة سالما يارب
كابتن\فيصل الجزار

ادريش علي ارباب شخشيا... يالف مراحب..ليك وحشه ياراجل يا سكرة... قالو كنته بي عافيه شفاك الله وابعد عنك شر المرض والفلس.
با لله عامل كيف .. جد جد ليك وحشه..
تحياتي للاهل جميعا..
تخريمة قبطان فيصل كيفك حبيبي..
عبد الرحمن

]لاخ\القبطان عبدالرحمن تحياتى وشوق بحر لكن اخوك بعد ثمانية شهورانشاءالله جد ونسأل الله حسن الخاتمة

ألف سلامة وكفاره ليك يا عزيزنا .

الف سلامة عليك يا درش ...تمنياتنا لك بعاجل الشفاء .....و الفك يرجع احسن مما كان ....و اديييش ايباب يبقي ادريس ارباب .
والله في غاية الشوق لك اخي ادريس بوجهك المشرق المتسم ابدا
اخوك عبدالحميد عيسي عبدالحميد