البراتك ... كل الجمال

فى تقديرى ال ما أكيد مية مية انو أصل الكلمة ( يا برّرّرّتك) بالراء المشدّدة والتاء المكسورة ،،، هو حبيبنا حاتم قريش ،، واعجابا منى بروعة البوست وفكرتو،، مغ شديد تقديرى لكل البراتك ،احبة الزمن الجميل،، عشنا مجد البرتكة فى احسن حالاتو ،،
المهم انو اتصلت ليكم اليوم بى حاتم قريش ،، عسى ان ادفعه دفعا للمشاركة،، فالكلام هو زولو،، لكن افتى حاتم انو هو والكمبيوتر ما بيناتم خوّة رغم اعجابو بالمنتدى والبوست،،
معلوم انو حاتم مقيم فى لندن،، سنواصل المحاولات معاهو ،، بس ادونا دفرة

جنى العجيب ...صاحب الكلمه الجميله والاسلوب السلس.

فى عجاله سوف احاول ان اذكر من سقط سهواٌ ولم يذكر من البراتك واصحابهم ....

طبعا ياود الاستاذ,لو اخونا حاتم الكدندلى (وهو صاحب الفضل بعد الله فى انشاء هذا المنتدى,من الناحيه التكنيكيه)مازال يحلق فى السماء الاسفيرى لهذا المنتدى, لما ترك كلمة برتك تمر مر الكرام, ولكان بحث فى المختارات المكتوبه والمنطوقه على مستوى العاصمه المثلثه وعاد بالاكيده.

المهم نعود لمجتمع البراتك الذين جمعتنا بيهم (( الاكد)) وطبعا احنا كنا لسه برالمه وعاجبانا البدله الميرى والكاب الماخمج, بس فجأة وعلى حين غرة نلاقى ليك مجموعه من الشباب ذوى الاناقه العاليه واصحاب القصات العجيبه وبناطلين اوروبا والكلام كله من ناس جيم كليف وفرقة الكمدورس والسهر فى رمادا والقهوه فى سان جيفانى وعلب المارلبوروا البتتطاير فى طرابيز الكافتيريا,( وكما ذكر جنى كان الواحد بيحلم ليل نهار عشان يمشى البحر ويجدع ذى البراتك ديل ونشوف العيش دي) وبعد الهمز والغمز واللمز وسؤال بعض السناير اتضح الخبر وانتشر وعما القرى والحضر (ديل البراتك).

ولاحقاق الحق الجماعه ماكلهم براتك ماصليين عشان كده لازم نلتزم جانب الدقه فى التصنف فهم بكالاتى برتك ابو نجمه وابو نجمتين و النقباء والرواد وفى ناس قريعتى راحت المهم حنذكرهم اجمالاٌ وانتو صنفوا على معرفتكم ..

بس لازم نبدأ بام درمان العز والاصاله....
(جمال السلاوى ود حى العمدة,مامون خليل وهشام المليح,اولاد العاصمه اولاد فندق السودان والمريديان والنادى الامريكى ووصل ليلة الكريسمس مع راس السنه ناس أسامه ابراهيم حاج على,أسامه شروم,حاتم قريش (والله ده ماعرفته اختو وين),محمد سليمان الحلفاوى ( ده أكيد مابرتك), اولاد بحرينا ناس ابوبكر فضل ساتى (قريبى,مع العلم انومن ديوم بحرى بس برضو اكيد برتك,عشان للبرتكه انواع واشكال والوان),أمين حسن,مجدى شفيق بك(و طبعا اولاد الخالات ديل لهم القدح المعلا فى البرتك ) ولاننسى البراتك المتقدميين البابكريين (بابكر يوسف وبابكر عبدالغنى).

لهم التحايا اينما حلوا وارتحلوا لقد كانو ينثرون البهجه اينما ذهبوا.

لكم الود

يــــــــــــا
بــــــــــــــــــــــــــــــــــراتك

جنى يا برتك يا عجيب
اكيد تكون برتك دى عجبتك
اخى شوق شديد والله لك وعرفنا انك بقيت من رجال الاعمال الكبار ربنا يوفق انشاء الله بس بطل الهلوسة بالمخبازة
الاخوة البراتك جميعا لكم التحية والمودة

العزيز دي جانقو....الشكر لك ولهذا المنتدي ان اتاح لي ان ارفع الكلفه واناديك دي جانقو كما يناديك اصدقائك وهمو كثرو...
طبعا ابو النيل حيقول لي بطل جيم دال
تسعدني مداخلاتك
ورشدي نشتاق اليه ولكن نعلم لا وقت لديه
ولكن له محبة ومعزة في قلوبنا لا يعلمها الا الله


محبتي لا تحدها سواحل