مضي علي هذا المنتدي عام 2-3-4-5-6-7

Atif Siddig Akoud كتب:
وفى الختام لا املك الا ان اقتبس من قول الشاعر عبد المنعم المعروف بى جنى واقول لكم
فالف الف شكر لمن قاموا بانشاء هذا المنتدي والشكر موصول لكل من خط يراعه حرفا في هذا المنتدي .
وكل عام وانتم بالف خير
ودام التواصل
عاطف عكود

khalid كتب:
تخريمه واحد"
فتح البوست يا عبدوس يا عظيم،، ضربة معلم - وكأنك تقرأ افكارى فشكرا
الحاج خالد فعلا ضربه معلم من عبدوس وهو فعلا قارى افكار تعرف فى اللحظه دى وانا بكتب فى الرد ليك وعايز ارد على مداخلته على بوست جنى لقيت عبدوس وجنى اون لاين وبعد منتصف ليله الخميس فى بورتسودان والدوحه , يعنى بالنسبة لاوربا معقولة عشان فرق العملة
تخريمة اتنين"
طلب بحياء من الرشيد
يا رجل امكانيتك أكبر من أن يحتويها بوست واحد ،، نعرف المشاغيل لكن متعة حديثك حتـمت الطلب .. هل من مثنى؟؟
اتفق معك ياحاج خالد فى امكانيات العزيز الرشيد وبخصوص طلبك اقول ليك بالفم المليان مش مثنى و بس.... بل مثنى.... وثلاث.... ورباع
تلاتة"
والله يا عكود لخبتّنا ،، جنى ده شاعر ولا دكتور اسنان؟؟؟
لكم الحب بحارا--- يتبع إن شاء الله

الرشيد شمس الدين عبدالله كتب:نسعد كثيرا والله أن نكسر حاجزالأحزان

...والعمر يتسرب منا كما العطر ...

الرشيد شمس الدين

خالد عبدالحميد كتب:عام على المنتدى... الأفاضل ألأجلاء زملاء رحلة العمر وكل من شارك فى العمل البحرى ،،، كباتن ومهندسين وضباط اتصال وأسرهم الكريمة ..لكل من ركب البحر أو درس علوم البحار أو اشتغل فى البواخر أو فى اياً من مكاتب الخطوط البحرية طالت مدّة شغله أم قصرت،، ولكل من شارك أو سيشارك فى هذا المنتدى بغض النظر عن ماهية أو كيفية علاقتته و إنتماءه لهذا الكيان الذى يمثل البحر قاسمه المشترك الأعظم،،، لكم التحية أين ما كنتم ...
عام على المنتدى ! فى زمن يتطاير وكأنه يتبخر قدّام عيوننا،، انطلقنا فى هواء الله الأسفيرى ده فى 20 ابريل السنة الفاتت وكان يوم أحد وكانت بداية نحسبها متواضعة بحكم انطلاقتها من امريكا والعدد هنا ما كتير لكن امالنا كانت بعرض البحر وعلو السماء فى أن يصل هذا الأمر لكل أركان الأرض وانو كل المعنيين وكل من هو جزء من البحرية السودانية يبقى جزء من هذا الكيان بالاصالة فهذا المنتدى ملك عـــام وما هو إلا تطور طبيعى لمواكبة العالم فى زمن العولمة والانترنـــت.... مع شتات الناس والاحباب فى أركان الارض بعد ما كانوا زملاء دفعة واحدة أو وابور واحد أو فى كتير احيان زملاء غرفة واحدة ..... ما كان لنا من فضل فى هذا الامر إلا شرف البدايات ولعل مناسبة عام على المنتدى فرصة طيبة لتوضيح عملية الميلاد
من الامانة نقول انو الفكرة بتاعت المنتدى ما بدأت إلا ببساطة الحوجة للتواصل كامر منطقى طبيعى ،، فى هذا الزمان الالكترونى العجيب مع شتات المعايش،،، إذن ابتدينا بالايميل وكان لى شرف ارسال اول رسالة بريدية لكل الاخوان العندى عنوانهم ،، بعنوان فلنتواصل أوشئ كهذا – ربما يأتى زمن ننشر هذه الرسايل- وفى فترة وجيزة بدات اعداد وعناوين الاخوان فى زيادة وشكرا لل Fwd
،،، حامت تلك الرسالة وهى تزداد ألقا وزخما واسئلة بين قارات الارض .
وكان ميلاد المنتدى بى شكله ده ناتج طبيعى لكل ذاك الحراك،،، حاتم ابو القاسم هو المهندس الفعلى الترجم الفكرة لى صورتها دى
ولعلى قبل ان انتقل من البدايات اذكر من أحسبه كان سببا فى هذا الامر كله وهو لا يدرى وما بايدينا شكره ،، فهو عند ربِّ كريم ألا رحمة الله تتنزل عليك أخى عمّار اسماعيل بخيت ... وعلى كل موتانا ---- وما سمعنا نحن برحيله الا بعد حين وتحديدا من اخى ورفيق العمر والشريك الاصيل فى هذا المنتدى أمجد عابدون كرار الذى هاتفنا للسلام،،،،، وكان الخبر الحزين
ولعله كان اهم شرارات فكرة التواصل... وعلمنا من خلال المنتدى برحيل الكتيرين
الا رحمة الله عليهم اجمعين
حاولنا استكتاب الكل وفى اكتر من بوست لاكتر من اخ الدعوة للمشاركات لانو ولعل مناسبة عام على المنتدى فرصة للتذكير باهداف المنتدى--- لا هدف لهذا المنتدى سوى اللمة ،،، مجرد صالون فى وابور – محل ونسة بلا اجندة
حتّة تشيل فيها فاتحة ،، تسمع نكتة ،، تقابل زول من زمن زمان وتسمع عن وليدات فلان وبنيات علان
وتتذكر شئ من ذكريات.. مع من كانوا شركاء تلك الذكريات ،،، أمّا وقد تتولد من الحكاوى أفكار جديدة فهذا عز الطلب
لانجاز شئ من هذا فلابد للكل من المشاركة الفاعلة والاسباب معلومة والوابور ما بمشى الا ال.crew,
كله يكون فاعل
التجربة فيها أخطاء ؟؟ أكيد وهذه طبائع الاشياء ،، ممكن نكون احسن؟ اكيد ،،، ممكن يكون فى كلام اتكتب وما كان موفق
ممكن فى ناس نسينا نصل ليهم ؟ وارد ،،، لكن هذه طبيعة المنتدى كحاجة حيّة . تقبل التطوير والتصحيح كل يوم
ومناسبة سنة على البدايات علّها فرصة للتقييم و تبادل الآراء فى ما كان وما يجب أن يكون وكلمة حق فى حق كل من شارك ولو بمداخلة واحدة لو لم تكن المشاركات لما كان هناك شئ اسمو منتدى

واوفى عبد الرحمن الزين فى المناشدة للمشاركة ولو عندى إضافة تبقى بس المقارنة انو هذا المنتدى زى الدافورى الكل يدافر بالعربى بالانقليزى ،، سطر سطرين ،،وبلا تحضير.. والله إن لهذا المنتدى لَخرمة ..بس الزول يقول بسم الله ويبدأ وهو اقصد المنتدى قطعاً ما مسرحية عندها شوية ابطال وممثلين والبقية متفرجين ،،، الشاهد انو وبحمد الله العدد المسجّل حوالى 120 ( وانا ما عارف العدد مفروض يكون كم ؟-- لكن هذا حديث آخر لما تنتظم الصفوف إن شاء الله )وإن شاء الله وتهيأت الظروف احاول انقل ليكم بعض احصائيات من صفحة الادارة ونحاول سويا التحليل
نرجو ان يكون عام على المنتدى هو البدايات و نأمل انو " القابلة" ما نكون لسه فى < نناشد و حوّل>
ويزهر المنتدى ويولد بوستات ماليها عدد بعرض البحر
كل عام وأنتم بخير
ومعذرة إن أطلنا أو أثقلنا
ودام الود بحارا،،،،،، ويتبع إن شاء الله
خالد عبد الحميد

خالد عبدالحميد كتب:

خالد عبدالحميد كتب:عام على المنتدى... الأفاضل ألأجلاء زملاء رحلة العمر وكل من شارك فى العمل البحرى ،،، كباتن ومهندسين وضباط اتصال وأسرهم الكريمة ..لكل من ركب البحر أو درس علوم البحار أو اشتغل فى البواخر أو فى اياً من مكاتب الخطوط البحرية طالت مدّة شغله أم قصرت،، ولكل من شارك أو سيشارك فى هذا المنتدى بغض النظر عن ماهية أو كيفية علاقتته و إنتماءه لهذا الكيان الذى يمثل البحر قاسمه المشترك الأعظم،،، لكم التحية أين ما كنتم ...
عام على المنتدى ! فى زمن يتطاير وكأنه يتبخر قدّام عيوننا،، انطلقنا فى هواء الله الأسفيرى ده فى 20 ابريل السنة الفاتت وكان يوم أحد وكانت بداية نحسبها متواضعة بحكم انطلاقتها من امريكا والعدد هنا ما كتير لكن امالنا كانت بعرض البحر وعلو السماء فى أن يصل هذا الأمر لكل أركان الأرض وانو كل المعنيين وكل من هو جزء من البحرية السودانية يبقى جزء من هذا الكيان بالاصالة فهذا المنتدى ملك عـــام وما هو إلا تطور طبيعى لمواكبة العالم فى زمن العولمة والانترنـــت.... مع شتات الناس والاحباب فى أركان الارض بعد ما كانوا زملاء دفعة واحدة أو وابور واحد أو فى كتير احيان زملاء غرفة واحدة ..... ما كان لنا من فضل فى هذا الامر إلا شرف البدايات ولعل مناسبة عام على المنتدى فرصة طيبة لتوضيح عملية الميلاد
من الامانة نقول انو الفكرة بتاعت المنتدى ما بدأت إلا ببساطة الحوجة للتواصل كامر منطقى طبيعى ،، فى هذا الزمان الالكترونى العجيب مع شتات المعايش،،، إذن ابتدينا بالايميل وكان لى شرف ارسال اول رسالة بريدية لكل الاخوان العندى عنوانهم ،، بعنوان فلنتواصل أوشئ كهذا – ربما يأتى زمن ننشر هذه الرسايل- وفى فترة وجيزة بدات اعداد وعناوين الاخوان فى زيادة وشكرا لل Fwd
،،، حامت تلك الرسالة وهى تزداد ألقا وزخما واسئلة بين قارات الارض .
وكان ميلاد المنتدى بى شكله ده ناتج طبيعى لكل ذاك الحراك،،، حاتم ابو القاسم هو المهندس الفعلى الترجم الفكرة لى صورتها دى
ولعلى قبل ان انتقل من البدايات اذكر من أحسبه كان سببا فى هذا الامر كله وهو لا يدرى وما بايدينا شكره ،، فهو عند ربِّ كريم ألا رحمة الله تتنزل عليك أخى عمّار اسماعيل بخيت ... وعلى كل موتانا ---- وما سمعنا نحن برحيله الا بعد حين وتحديدا من اخى ورفيق العمر والشريك الاصيل فى هذا المنتدى أمجد عابدون كرار الذى هاتفنا للسلام،،،،، وكان الخبر الحزين
ولعله كان اهم شرارات فكرة التواصل... وعلمنا من خلال المنتدى برحيل الكتيرين
الا رحمة الله عليهم اجمعين
حاولنا استكتاب الكل وفى اكتر من بوست لاكتر من اخ الدعوة للمشاركات لانو ولعل مناسبة عام على المنتدى فرصة للتذكير باهداف المنتدى--- لا هدف لهذا المنتدى سوى اللمة ،،، مجرد صالون فى وابور – محل ونسة بلا اجندة
حتّة تشيل فيها فاتحة ،، تسمع نكتة ،، تقابل زول من زمن زمان وتسمع عن وليدات فلان وبنيات علان
وتتذكر شئ من ذكريات.. مع من كانوا شركاء تلك الذكريات ،،، أمّا وقد تتولد من الحكاوى أفكار جديدة فهذا عز الطلب
لانجاز شئ من هذا فلابد للكل من المشاركة الفاعلة والاسباب معلومة والوابور ما بمشى الا ال.crew,
كله يكون فاعل
التجربة فيها أخطاء ؟؟ أكيد وهذه طبائع الاشياء ،، ممكن نكون احسن؟ اكيد ،،، ممكن يكون فى كلام اتكتب وما كان موفق
ممكن فى ناس نسينا نصل ليهم ؟ وارد ،،، لكن هذه طبيعة المنتدى كحاجة حيّة . تقبل التطوير والتصحيح كل يوم
ومناسبة سنة على البدايات علّها فرصة للتقييم و تبادل الآراء فى ما كان وما يجب أن يكون وكلمة حق فى حق كل من شارك ولو بمداخلة واحدة لو لم تكن المشاركات لما كان هناك شئ اسمو منتدى

واوفى عبد الرحمن الزين فى المناشدة للمشاركة ولو عندى إضافة تبقى بس المقارنة انو هذا المنتدى زى الدافورى الكل يدافر بالعربى بالانقليزى ،، سطر سطرين ،،وبلا تحضير.. والله إن لهذا المنتدى لَخرمة ..بس الزول يقول بسم الله ويبدأ وهو اقصد المنتدى قطعاً ما مسرحية عندها شوية ابطال وممثلين والبقية متفرجين ،،، الشاهد انو وبحمد الله العدد المسجّل حوالى 120 ( وانا ما عارف العدد مفروض يكون كم ؟-- لكن هذا حديث آخر لما تنتظم الصفوف إن شاء الله )وإن شاء الله وتهيأت الظروف احاول انقل ليكم بعض احصائيات من صفحة الادارة ونحاول سويا التحليل
نرجو ان يكون عام على المنتدى هو البدايات و نأمل انو " القابلة" ما نكون لسه فى < نناشد و حوّل>
ويزهر المنتدى ويولد بوستات ماليها عدد بعرض البحر
كل عام وأنتم بخير
ومعذرة إن أطلنا أو أثقلنا
ودام الود بحارا،،،،،، ويتبع إن شاء الله
خالد عبد الحميد