كلمات فى قمة الروعة * وحيات إبتسامتك *

الابن العزيز سعد لك التحيه والاشواق وونسه زمان وايام زمان وياحليل ايام زمان ...........جد كلامك جميل لو ما ناقلو من مجله الاذاعه الكان بكتب فيها ماسوره الله يديك العافيه بالمناسبه انت مش سعد كرار الاسستنس الطويل ولا انا غلطان

عزيزى العزيز
محمد طه الجمل
الكبر حصل ولا شنو؟
ياهو ذاتو سعدالدين
ألأسيستن الطويل
العيال كبرت ياالجمل
دلوقت مساعد للمدير الفنى
أخونا الرشيد شمس الدين
حقيقة أيام سودانلاين جميلة
ننساك إنت إنت بتتنسى ما
شايف أنا متذكّر إسمك كيف ... و
كلامى دايماَ حلو وما منقول ياالجمل فى المنتدى كلو
ودى دعوة ليك إتصفّحو فى المنتدى وعايزين مشاركتك بالذكريات الحلوة فى بوست خاص
بوعدك أشارك معاك فيهو
إيه رأيك؟
مع أجمل التحايا
سعدالدين كرار

انت يا سعد لسع طويل ؟؟؟؟ انا قلت مع السنيــــــــــن تكوووون كـشّيـت :
وطالما القصة جابت ليها اطوال ،،،، صلاح الطويــــــل خبارو؟؟؟
لكم من الشوق اطنانا واطوالا

يا سعدون انت الطويل قامة ومقامة
انت الامير مكانة واحترامة
انت التواضع والاستقامة
تخريمة: تحياتي الي الاخ العزيز الجمل كانت ايام جميلة في ليفربول

اخي سعدالدين رمضان كريم

تصوم وتفطر علي خير ....كابتن الجمل.
معليش يا كابتن ....كان عندك طريقة وصلي معاك رسالتي لأخونا وحبيبنا سعدون، كل الخير والصحة والعافية...
مهدي شلكاوي

يا ود شلكاوي ربنا يتقبل ان شاء الله الصيام والقيام ورمضان كريم
والله سعد ده في السلطنة لكن الاخ عاطف وعد بان يجيب لينا الرقم تحياتي

سلامات اخونا الجمل اخونا مهدى رمضان كريم ....
بلغنا سلامكم لاخونا سعد كرار عبر رساله هاتفيه من العيار الثقيل على وعسى يرجع لينا بكلماتوا الرائعة روعة نفسه الوفيه....

ود كرار ومضان كريم لك ولكل الاخوان
نرجو ان يستجيب سعد للنداء

يا سعدوووووووووووووووون
يا كرار يا ابراهيم يافرح...............
امجد ليك اجر المناولة

جاء شهر المحبة وجال بخارى همس الأحبة
ونادى لسانى داعياً لهم بمودة
اللهم هو صديقى
هو أخى وحبيبى
أحبه فى الله
اللهم أنت الواهب لاسواك...
والمعطى لمن دعاك...
يامن ترانا ولا نراك...
وتعطينها ولا نبلغ ثناك...
وتمدنا بالخير ولايمدنا سواك...
اللهم بلغ أخى شهرك بعظيم غفرانك
والعتق من نيرانك وأدخله جناتك
وسخر له الطيبين من خلقك
وأشرح صدره بذكرك
واجعل كل أيامه أعياد
وأكرمه بخيرك ونعيم آخرتك...
ورمضان كريم

رساله من الاخ سعد الدين كرار فرح مهداه لكل من سأل عنه.
ودام التواصل

عاطر التحايا للعزيز سعد الدين ورمضان كريم ولكنّى إستغربت جدا ياود كرار لعدم تواصل سعد الدين مع المنتدى رغم إنّه فى سلطنة عمان هناك الكثير من الوقت الذى يمكن توفيره للمنتدى ....أمّا إن كان السبب زحمة الشغل فأقول له : ماقلتو نوبة !!!! عاطر التحايا لسعود ولكم أجمعين ...

الرشيد شمس الدين

Saadeldien Karrar Ibrahim كتب:عزيزى العزيز
محمد طه الجمل
الكبر حصل ولا شنو؟
ياهو ذاتو سعدالدين
ألأسيستن الطويل
العيال كبرت ياالجمل
دلوقت مساعد للمدير الفنى
أخونا الرشيد شمس الدين
حقيقة أيام سودانلاين جميلة
ننساك إنت إنت بتتنسى ما
شايف أنا متذكّر إسمك كيف ... و
كلامى دايماَ حلو وما منقول ياالجمل فى المنتدى كلو
ودى دعوة ليك إتصفّحو فى المنتدى وعايزين مشاركتك بالذكريات الحلوة فى بوست خاص
بوعدك أشارك معاك فيهو
إيه رأيك؟
مع أجمل التحايا
سعدالدين كرار

الاخ سعد حقيقة دة السبب الذي جعلني ابحث عنك مرددا اين سعد؟ اين سعد؟
وكلام الباشمهندس الرشيد واضح كلو الا بس حتة (ما قلتو نوبة) دي دايرة شرح منك
فياريت تعود وتوضح لنا هذه الاسباب انفة الذكر
لك الاشواق حتي تظهر .ورمضان كريم.

ومن وحى الربيع والثورات العربية
اقترح(جادا) نسمى الجمعة الجاية
جمعة استعادة سعد كرار
ولى قدام كل جمعة نشتغل ثوارا اسفيريا قصاد مجموعة احبة من الغائبين
اذن تبدا المظاهرة بانو تختو لينا تلفون سعد فى المنتدى الخاص
ومن الثوار من يهاتف ومنهم يرسل رسالة ومنهم يعمل مس/كول وهكذا
وثورة حتى السعد
كسرة/
المنتدى الخاص الايام دى مولع نار مدهشة

Saadeldien Karrar Ibrahim كتب:

رجعنالكم وجينا
والفرحه غمرت عينينا
رجعنالكم نغنى فرحنا فيكم
ونقول أتانينا
( بلغة أهل الشرق )
*** سعدالدين كرار ***

كتب سعدون المشاركة اعلاه قبل ايام فى المنتدى الخاص
نقلناها هنا من باب
وين يا برتك؟؟؟؟
حاشية
---- قلت ناس مسقط ديل غايبين وخطر مستشارنا فى بالى، اسعدنى ظهور مولانا عبدالحافظ بعد غيبة اليوم
لكم التحايا اهل مسقط فى هذا السقط