مرحب عمر خلف الله

سنـــــــــــــه يا عمـــــر خلف الله؟؟؟؟
نسمع منّك،،، زى ما قال ليك عاطف ،،،امرق لينا مهدى وامجد والبقية

السلام عليكم جميعا واكاد لااصدق نفسي انه بات بامكاننا ان نتواصل تارة ثانيه واسال الله عز وجل ان يديمه بيننا اخيكم دوما ياسر شاكر عباس نيويورك

أهلاَ وميتين سهلاَ بالأخ العزيز ياسر شاكر
ياهلا بالعصافره وناس العصافره
شوق كتير وزمن طويل
بدر الدين ... أسامتّا ... طرنشات وضرس ...مكوار ...أمجودى وجيتار سعدون
سلام مربّع على أمل التواصل
سعد الدين كرار

يااهلين يا سعدون والشكر الكثير للعزيز خالد عبد الحميد وسلام وتحيه لكل من ساهم

والتقى عازفى الجيتار ،،، أطربتمونا زمان ،،،،،، شوفو لينا حاجة حسة ،،
شايف دخلتو من بوست عمر خلف الله ،،، حسب كلامى معاهو قبل يومين جارى السعى معاهو لاعادة التسجيل
وسلام مربع للعصافرة وللعصافير

ياود شاكر ...

والله ليك وحشه ...نيييييييييييييييييييييييورك عديل ...سلامات ومشتاقين , ياجماعه بالله اى واحد يشارك لازم ينزل صوره حديثه ,بس من غير مكياج عشان نعرف ماذا فعل الدهروهل اكل عليه ام شرب فقط.

أخوك أمجد عابدون

يا ود عابدون والله مشتاق لدرجة الاحتراق والانصهار فجأة طارت العصافير من العصافره و لكن نحمد الله انه بيننا سعد وخالد وقد اتو لنا بهذه النافذه حتي يتوقف احتراق اشواقنا جزئيا

ياامجد معليش تاخرت في الرد , بخصوص ما فعله بنا الدهر من الاخر كده السيد الدهر ضرب الحله وكدكد العكو وشرشف الشراشف, والعجيب في الامر ما غسل يدو... عشان ناوى يواصل

عزيزى العزيز ياسر شاكر
أولاَ بينى وبينك أول مره قلت يارب ود عباس دا منو ؟
إنحنا بنعرف ياسر شاكر طلع جدو العبّاس ياأمجودى لكن بعد ترحيبك بينا الحار حتى إنصهار الدائره وإحتراق فيوزاتها ودايوداتها... صدمه كهربيه زى دى ...رجعتّنا على طول ... عرفنا دا فرده من عصافير
العصافره...ياحليلها
والحلّة يا ياسر لو طابخها على محجوب بتكون طااااااااعمه
أصلو نافس نون وأسأل أمجودى
لكم الود ولايزال
سعدالدين كرار

عمر خلف الله ...الفرده العزيزه .... طاااااااا.....ه
انا صوتى راح وطشّه زى الغمام الرشّه
فى إنتظارك
على أمل التواصل
سعدالدين كرار

العزيز ودكرار.....

سلامات ومشتاقين ....طبعا الايام دى بتمتع بالاجازه السنويه فى ربوع بلادى والتى يشدنى اليها الشوق فى كل عام مع العلم بعد كل انقضى اجازه بكون عاوز ارتاح لمدة شهرين ,وكل مره اجى من الاجازه اقول توبه السنه الجايه اخد الاولاد ماليزيا ولا اندونيسيا ولا إنشاءالله الفلبين ,(بس قبل ما تمر ليله واحده بحرارة الشوق يقمرنا) كما قال الشاعر....بس يا اخوى يا ابو السعود الناس بقت فى مشغوليه لا يعلمها الا الله....الواحد تتصل بيه اول ماتصل وسلامات ومشتاقين ولازم نتقابل وتلفونك خلاص سجلته وعييييييييييييييييييييييك ...وبعد مده لواتصلت بيه يقول ليك ياخى انته لسه ماسافرته ...طبعا ياجماعه كلامى ده لا ينسحب على الكل بس مشغوليات البلد بقت تهد الجبال ...والله يكون فى العون.

ولكم الود

ودكرار

لك مني التحيه اخي عمر وسلامي لكل الاخوان وربنا يديم التواصل