دار الأسرة البحرية السودانية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ساعة للضحك

اذهب الى الأسفل

ساعة للضحك Empty ساعة للضحك

مُساهمة من طرف مبارك عمر عصملى (كركب) الثلاثاء 21 ديسمبر 2010, 18:44





قال ليك واحد دخل قرية الرباطاب وفي طرف الحلة كده

لقي لية واحد صغير قام سألة اسمع عندكم موية

قام قال لية نان شجرنة ده قايم بي التيمم

++++++++++++++++++

قالوا رباطابي بعطس الليل كلو مرته سألت امبارح بتعطس مالك عندك نزلة ؟ قال ليها : لا بختار فى نغمة.

>>>>>>>>>>>>>>>>>>>>>>>>>>>>>>>>>

رباطابي راكب حافلة جا ينزل طقطق للكمساري الكمساري قال ليه داير تنزل

الرباطابي قال ليه :لالا..... بدور أجاوب

++++++++++++++++++

رباطابى عنده لورى مسافر بيه وفى الطريق اللورى اتقلب

قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب

قام

الرباطابى قال ليهو لا أنا متاكيهو عشان أقعد فى ضله

++++++++++++++++++

واحد رباطابي لابس نظارة لاقاهو شافع في الشارع قاليهو :يا أبنظارة نظارتك دي نظر

قاليهو لأ لآ!!! شم

++++++++++++++++++

واحد مسطول ساق جدو المستشفي الدكتور سالو عمرو كم قال

ليهو والله ما عارف لكن من زمان معانا

++++++++++++++++++

اثنين مساطيل واحد سأل الثاني قال ليهو: تفتكر

يوم الجمعة بوافق أول شهر؟ رد عليهو قال ليهو: والله لو ضغطنا عليهو يمكن يوافق

++++++++++++++++++

اتنين مساطيل في موقف المواصلات بتفرجو في حافلة والناس بتدافروا عشان يخشو فيها !!!

الاول: الناس دي كل يوم بتتشاكل عشان ترجع لبيوتها !!!

التاني محتاااار: والغريبة تاني يوم بجو راجعين تااني

+++++++++++++++++++

مسطول مشى محل نقاشين قال ليهم عايز لي نقاش

الجماعه كلهم الجاء شايلليهو فرشة والجاء شايل ليهو جردل جير

قال ليهم انتو نقاشين ... قالو ليهو ايوه

قال ليهم الحريف فيكم ينقش انا جاي من وين

+++++++++++++++++++

مسطول مثقف قال لي صاحبو قل لي ماذا تقرأ أقل لك من أنت...

قام صاحبو قال ليو.. ماذا تقرأ؟؟

قام المسطول قال ليو:: من أنت؟؟

+++++++++++++++++++

عسكرى مسك اتنين مساطيل قال ليهم اليله ح اوديكم مكان عمركم ما شوفتوهو قام المسطول قال لي صحبو دا مودينا المسجد ولا شنو؟؟!1

+++++++++++++++++++

مسطول بيحضر في كورة سمع الحكم بيقول فاول لصالح رونالدو ، قال والله اول مرة اعرف انو رونالدو عندو ولد اسمو صالح !!

+++++++++++++++++++

شايقي اشترى ليهو ساعة جديدة ، سألو واحد الساعة كم؟ قال ليهو اها خلاص دايرين تكملو لي الحجر

+++++++++++++++++++

مسطول بيلف ليهو في سجارة ، فجأة طب عليهو ملك الموت

قال ليهو انت منو؟ قال ليهو انا عذرائيل ملك الموووت

قال ليهو الله يسامحك خلعتني قايلك بوليس

+++++++++++++++++++

مسطول مشى يعـزي أهـل الميـت

سالهم :المرحوم مات كيف ؟

ردوا عليـه : جاته رصاصـه فـوق العـين !!

رد عليهـم : الله ستـر مـا جات في قلبو

+++++++++++++++++++

قالوا طفل انابيب ماشي في الشارع لقي انبوبة غاز ...قال ليها ازيك يا خالة

+++++++++++++++++++

واحد مرتو عضتا كديسة قامت ماتت،

صاحبو جا يعزى لقى الفراش مليان ر جال

قاليهو ديل كلهم جايين يعزو

قال ليهو ابدا جايين يستلفو الكديسة

+++++++++++++++++++

مسطول عايز يدلع مرته قال ليها انتي حمامه قالت ليه لا غزاله ... قال ليها ما مشكله المهم حيوانه يعني

+++++++++++++++++++

مسطول طالع شجره ومعاه كرسى ، سألوه : ده شنو ؟ قال : عايز ابقى مدير فرع+

+++++++++++++++++++

مسطول قابل مسطول ساله انا شفتك وين قبل كده

رد ابدااا ما متذكرك

المسطول الاول رد غرررريبة انا برضو ما متذكرك - تعرف ديل بكونو اتنين غيرنا

+++++++++++++++++++

ميكانيكي مسطول شايلين جنازة ابوه

واحد قال ليهو ابوك ده مالو تقيل كدا

رد عليه المسطول : يكون مات معشق

+++++++++++++++++++

مسطول في الحج طائف عكس .. قالوليهو مالك .. قال زايد شوط وعايز امسحو

+++++++++++++++++++

في واحد اشتري ليهو خروف من مايو عايز يضحي بيهو

الخروف ده 24 ساعة

بعلقو ليهو بي باقي المريسة والعرقي يكوبو ليهو في الطش واشرب

لما جاء يضبحوا الناس قالو ليهو الخروف ده ما بضحي ليك

قالو ليهو اسال ليك شيخ؟

مشي سال الاول قال ليهو الخروف ده ما بضحي ليك

سال التاني برضو قال ليهو ما بضحي ليك ..

ماشي في الشارع لاقاهو واحد مسطول

قال ليهو اشتريت الخروف ده من مايو وبشرب مريسه وعرقي

وسالت شيخين قالو لي مابضحي رايك شنو ؟

قال اقول ليك حاجة

اضبحو واعملو شية بس .. يطلع ليك حاجة ما تخلص

+++++++++++++++++++

رباطابي عنده فرن جاهو مسكين قال ليهو ( لي يومين ما ضقت طعم الرغيف )

الرباطابي قال ليهو : ( ياهو طعمو زاتو ما اتغير )

+++++++++++++++++++












مبارك عمر عصملى (كركب)
مبارك عمر عصملى (كركب)


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى