قبطان/محمد رخا للباشمهندس الرشيد شمس الدين

بسم الله الرحمن الحيم
الباشمهندس الرشيد السلام عليكم .بعد ما قريت رسالتك حاولت الاتصال بك تلفونيا وذلك بعد معاناة للحصول على الرقم وهو 0097150632533 أتمنى أن يكون هو الرقم الصحيح لانو الرد علية قال الرقم خطأ .
طبعا موضوع الباخرة ابن بطوطة والمرحوم كابتن عبدة الله يرحمة هو و الشهداء الآخرين تعلمة السفارة السودانية بالقاهرة وكذلك ألتفتيش البحرى ببورتسودان وحوالى 90% من قباطنة ومهندسين ال sudan line .ولكن مافى أى مانع انى أقولة تانى برغم صعوبة حتى التفكير فيه وما حدث لعدد 19 شخص كلهم شهداء باذن الله .
أنا كنت على ظهر الباخررة 11 شهر وكان معاى أولادى 7 شهور . ثم أخذت اجاذة لفتة شهر وثلاثة أسابيع غيرنى ك. طارق ثم عدت للباخرة مرة أخرى ولكن بعد شهرين نزلت فى ميناء الآدبية لسبب وجود المدام فى القاهرة للعلاج وطلبت من صاحب الشركة و البورت كابتن الصادق النذول طبعا عارضونى شديد جدا ولكنى أصريت علشان المدام تحت العلاج ولابد أن أكون متواجد معها . الباخرة كانت ماشة تشحن رملة من ميناء أبو زنيمة . جابو كابتن عبدة الله يرحمة .بعد التسليم والتسلم قال لية المرحوم والله العظيم يا كابتن رخا أنا كنت فى اجاذة سنة كاملة ويادوب الواحد حس بانو انسان وسط أولادة وعيلتة . ولله يا كابتن رخا دى حتكون أخر باخرة لية وتانى ماحركب أى باخرة وحسيب شغل البحر.

المهم بعد 9 أيام اتصل بية الوكيل فى مصر وأبلغنى بالخبر.كانت الباخرة واقفة بسبب عطل فى الماكينة واتصلت بالضابط الثانى فى المستشفة وقال لية الحصل شنو.كانت السعة 0550 دخلت فيهم باخرة تحمل العلم الآلمانى والطاقم فلبينى.الله يرحم الجميع.
دية الحكاية كلها يا باشمهندس. وحسة كيف عملية التقديم للعمل معاكم أنا عندى شهادات التانكر كمان عنوانى هو capt.rakha35@gmail.com ولسة مافكرت أسيب شغل البحر العمر واحد والرب واحد