دار الأسرة البحرية السودانية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فنجان قهوة

+23
omer khalafalla
shukri
Amgad Eltahir Mohamed Ali
على محجوب جعفر مصطفى
اسامه عثمان عبدالله محمد
mohd. sulaiman hussain
بدرالدين مبارك الجاك
mohmed habib
مبارك عمر عصملى (كركب)
عبد الرحمن الزين2
محمد الجمل
الرشيد شمس الدين عبدالله
عبدالمنعم جنيدابي
Admin
osama elsimat
الفاتح محمد ادريس
المهدى عثمان مصطفى
احمد محمد احمد
ود كرار
عاطف عكود
أسامة معاوية الطيب
خالد عبدالحميد
راشد
27 مشترك

صفحة 6 من اصل 30 الصفحة السابقة  1 ... 5, 6, 7 ... 18 ... 30  الصفحة التالية

اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عاطف عكود الثلاثاء 09 فبراير 2010, 04:12

عبدالمنعم جنيدابي كتب:
عبد الرحمن الزين كتب:
الله يسعدكم جميعا بس اوعي تقومو تشيلكم الهاشميه وتكتلكم الظرافه اخر الليل..
تخريمه :
يا زول الناس القاعدين يقعدوا مع ستات الشاي في شارع المليون بليد ديل منو ؟؟؟؟
جني
طبعا السطر الفوق دا توقيع يعنى ما رد على السؤال الفى السطر القبلو ( وانا قاصد توقيع بمعنى توقيع وليس توقيع ) وموية النار جاتك اه !!!!!!!
الحبيب جنى لبتون
افو ماقلنا اسبت واركز , بوست اخونا راشد كان فنجان قهوة وبس , لكن شايف الشغلانية جابت ليها ستات مليون بليد فى شارع الشاى ابو غزالتين .
ودام الكيف
عاطف عكود
عاطف عكود
عاطف عكود


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف خالد عبدالحميد الثلاثاء 09 فبراير 2010, 10:59

والله ابدعتوا،،،
البوست اصبح ما شاء الله ملهلب،،وعرضة للاشتعال وقد يتطاير رذاذ موية النار أو جمرات ستات الشاى وهن يهبّبن والعولمة الماشة دى شى مصرية شى لبنانية
مامعروف موديانة وين
عليه اقتراح جاد جدا جدا
لنضرب اكتر من عصفور بحجر..ما رايكم فى نقل البوست للمنتدى الخاص (ولو مؤقتا)
لنستمتع اولا برؤية زوارنا الكرام (التحت البطانية والتعبير البليغ للجمل الفنان)
تانيا ان ولّعت يكون زيتنا فى دقيقنا ،،وما شاء الله الضباط التوالت بالكوم ،،حريقة ما بتفوتهم ،، طفايات شغالة تش
وقفة احترام،لامن نعود بى مهل
حُمّيد،،،هذا رجل يحتاج تمثال
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الثلاثاء 09 فبراير 2010, 14:23

ادهشني حضوركم البديع وانا الاسعد دوما بكم والله ....
ود الزين ..والله انت الدرة لا مجاملة ولا رص كلام ..ويكفي اقتتال الاقلام حين حضورك واشتعالها قولا ونارا ....
والله منتظرك ..واعقب علي ماقلته سابقا ان المنتدي الاسفيري صار بيت اسرة وعلاقات اجتماعية ...
طبعا ياغالي قلت ازوركم في البيت ...بيتنا الساكنين فيه ولا بيتنا بيت المصطفي العايش فيه وبيه ...؟ ولن ارهقك بالاجابة ..انت تعال وبس..
ود عكود ...قلت لي البحشش منو؟...كنت دايما مسكون بتقصير في اني ماشفت مدن وقري وفيافي وخلا السودان والان ازدت حزنا حين اكتشفت تقصيري بعدم معرفتي لكم من سنين ..ولو كان البحر انتم لكنت عشتقته ولكني كنت اظن البحر ماء فخفته ..وهادي غلطتي..
عليه اعوض عما فاتني من خلالكم ..فاغفروا لي تشبثي بكم وراهاقكم (ناس الزمن الجميل بدون فرز)...
والله اخي جني جيتك بنكتة بس شايف الالفا اقصد ود الاستاذ ماعجبتو انثنة النكات ...بس انا عندي مداخلة صغيرونة ياود الاستاذ وانت رفيق سكن الود ناصيته والطيبة قلبه ...المشكلة انو الناس بتفضفض بعفوية بدون تركيز علي المجلس يعني مافي واحد بفكر في نقل موضوع النكات للمنتدي الخاص ..عارف ده زي لما يجوك ضيوف ويدخلوا بعفوية لاقرب غرفة وتجي تقول ليهم يا اخوانا تعالوا اتفضلوا الغرفة التانية دي...
.......
...
تخريمة:
وين ود كرار ..من يوم ماظهرت موية النار شايفو ....طبعا زمان كان علي قول ود عكود سجن سجن غرامة غرامة بس هسه بقت كتل رقبه عديل والبركة في جني....بكرة تجي تقول كنت مسافر....
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الثلاثاء 09 فبراير 2010, 14:42

المدهش ان اروع ما كتب عن الغربة ..حين كانت الغربة في داخل السودان ومدنه ولكن حين صارت الغربة خروج من حدود السودان لم تعد غربة ابداع بل صارت غربة اكل عيش وهي اقسي الغربة........
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عبدالمنعم جنيدابي الثلاثاء 09 فبراير 2010, 15:20

عاطف عكود كتب:
الحبيب جنى لبتون
افو ماقلنا اسبت واركز , بوست اخونا راشد كان فنجان قهوة وبس , لكن شايف الشغلانية جابت ليها ستات مليون بليد فى شارع الشاى ابو غزالتين .
ودام الكيف
عاطف عكود
الحبيب عاطف
جني ليبتون خطيره والله انا ما عارف راحت علي كيف . لكن شارع المليون بليد ده الليبتون ما
بجي بي جنبو . والله كنا عايزين نعلق علي النكت الرهيبه دي لكن خايفين من خالد ود الاستاذ
ومع ذلك بتاعه اللبنانيه خطيره خطيره . اما بتاعت الطياره وهاييتي والله قدر ما حاولت افك
طلاسمها غلبتني .
جني ليبتون
عبدالمنعم جنيدابي
عبدالمنعم جنيدابي


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف خالد عبدالحميد الثلاثاء 09 فبراير 2010, 19:38

سحبنا اقتراح نقل البوست
دور بينا البلد واحرق الجازولين يا
كنا نحاول اشراك اكبر عدد ممكن فى هذا الفرح،،،حين ظهور الاسماء
توضيح: حاشاكم جميعا الغلط،، وانا اكثر الضاحكين
دور بى
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الثلاثاء 09 فبراير 2010, 22:36

لا والله يا ابو صبا حاشاك الغلط وعداك العيب لا انت ولا هم ....ونحن سعداء جدا بحضورك الرزين كإدارة لهذا المنتدي للشجب حينا والتقويم احيانا وتقريب المسافات إن زادت الشقة...وانا من العاشقين لتواجدك برشاقة قلم آنسني زمانا كتابة وادهشني رفيقة صاحبه...
فإن تطرف قلمنا لوهلة عن قويم الصواب فمردود لنا ذنب الخطاء ومحسوب لك حسن الصواب....
تخريمة:
يبدو لي انو موية االنار خوفتنا فقلنا نفضفض قبل الفاس ما يقع في الراس ...
ولك وللاعضاء المختفين والزوار كل الحب
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف احمد محمد احمد الأربعاء 10 فبراير 2010, 06:37

عبدالمنعم جنيدابي كتب:.
اما بالنسبه لاحمد محمد احمد هذا ،،، فامره عجب ،، وما شمارات زيارته الاخيره لبورسودان ببعيده
عن الاذهان ..تحكي ولا نحكي يا ابو حميد ... ولا نعمل نايمين احسن ؟؟؟؟؟

جني

جنى والاخوة الاحباب
اطيب التحايا
و هو انت بتقدر تنوم مع موية النار دى؟ احسن الزيت الحار بتاع قريبتنا الجعلية.
احمد محمد احمد
احمد محمد احمد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف خالد عبدالحميد الأربعاء 10 فبراير 2010, 10:09

جنى طالما انت صاحى ،، بالله علّق لينا وقل ماتشاء ،،،كان القصد ندخل زوارنا دائرة الضوء ونكبر المسرح ونزيد الحضور،،وما كانت جودة الحديث وجمال المشاركات والنكت ابدا على الخاطر
لقينا حديثكم حلو قلنا نشّرك بيهو للباقين ،،
وهكذا ننتقل ونواصل جمبعا البث
نواصل موية النار فى تخريمة
كان الهتيفة فى عهدسئ الذكر صدام حسين يكوركوا
بالكيماوى يا صدام
ما عارف تخيلت لو شوية منهم ظهروا فى بورسودان ،،،اذن لهتفوا
بالكيماوى يا مدام
نسأل الله ان يكفينا شر السلاح النووى
الظروف بقت ما معروفة
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف محمد الجمل الأربعاء 10 فبراير 2010, 11:28

[quote="خالد عبدالحميد"] ،،،كان القصد ندخل زوارنا دائرة الضوء ونكبر المسرح ونزيد الحضور،،وما كانت جودة الحديث وجمال المشاركات والنكت ابدا على الخاطر
لقينا حديثكم حلو قلنا نشّرك بيهو للباقين ،،
وهكذا ننتقل ونواصل جمبعا البث
نواصل موية النار فى تخريمة
الرائع خالد كلامك زين لكن ايه رأي الاخوة الاخرين مع الوضع في الاعتبار نحن ما طوالي كده لانو (مرة نضحك ومرة نبكي ومرة ....)
محمد الجمل
محمد الجمل


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عبدالمنعم جنيدابي الأربعاء 10 فبراير 2010, 14:43

[quote="خالد عبدالحميد"]جنى طالما انت صاحى ،، بالله علّق لينا وقل ماتشاء ،،،كان القصد ندخل زوارنا دائرة الضوء ونكبر المسرح ونزيد الحضور،،وما كانت جودة الحديث وجمال المشاركات والنكت ابدا على الخاطر
لقينا حديثكم حلو قلنا نشّرك بيهو للباقين ،،
وهكذا ننتقل ونواصل جمبعا البث
الحبيب خاد ود الاستاذ
نحن طبعا بنشاغلك ساكت وعارفينك مبسوط بالمشاركات والمناكفات والطرائف التي
كانت سائده . طبعا انا كان زمان قلت ليك انت عمنا في المنتدي او الكونترول بتاعنا وليك
حريه التصرف وعلينا الطاعه . الفكره جميله وانا اثني كلامك واي بوست تشوفو حارق تمام
او فيه موضوع كارب ممكن ترفعوا الي المنتدي الخاص الي حين ،،وزي ما قلت لتكبير المسرح
وكسر الرقم القياسي لتواجد الاعضاء المتداخلين .
سير سير ونحن معاك .

جني
عبدالمنعم جنيدابي
عبدالمنعم جنيدابي


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الأربعاء 10 فبراير 2010, 17:31

والله ياخالد يديك العافية بس حكاية ادخال زوارنا دائرة الضوء عايزة شرح..وانا شخصيا ما عارف الفرق بين المنتدي الخاص والعام إلا من المعني العام للتسمية ..عليه ابتدعنا نفاجات المنتدي الاسفيرية لسهولة الولوج من والي المواضيع....
وعلي قول الجمل مرة نضحك ومرات بنبكي ومرة برضو بنبكي ...
والله يديكم العافية 
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الأربعاء 10 فبراير 2010, 17:34

جني ياظريف...
بعد تجربة موية النار شايفك بقيت تقدم تنازلات وتجر واطي...الجماعة عرفناهم بس ود الاستاذ حكايتو شنو................؟
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف ود كرار الخميس 11 فبراير 2010, 01:13

ياجماعه الموضوع ده مسخن بجيكم بالليل, للتعليق بمزاج.
ود كرار
ود كرار


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عبد الرحمن الزين2 الخميس 11 فبراير 2010, 02:51

غايتو...يا جني العزيز.. درة المنتدي عاوز يقول ليك باختصار...كسير التلج عندك..
بودي
عبد الرحمن الزين2
عبد الرحمن الزين2


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عاطف عكود الخميس 11 فبراير 2010, 04:28

عبد الرحمن الزين كتب:غايتو...يا جني العزيز.. درة المنتدي عاوز يقول ليك باختصار...كسير التلج عندك..
بودي
اه ياجنى الدرة شن قولك على كلام العزيزعبدوس ؟
وكلام اخونا راشد بانك بتجر واطى ؟
وكلام اخونا حاطب الليل ودكرار بانو الموضوع سخن وانو راجع للتعليق بمزاج.
يالا علل .... افصح .... ابن
عاطف عكود
عاطف عكود
عاطف عكود


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الخميس 11 فبراير 2010, 15:09

الاحباب ود الزين وودعكود...والله سعيد بيكم جدا ..وطبعا المسالة إتازمت جدا وشايف ود كرار وفي بوعدو وجا بالليل لكن بدل مايجي فنجان قهوة مشي لبوست جني اقصد لبتون وجاب خبرو بموضوع اخطر من الاول ...المرة دي جابت ليها سم فيران لجني وموديلات فيران جديدة للاخوان الراغبين في امتلاك سيارت اقصد فيران موديل 2010 ...والله يجيب العواقب سليمة
.......
...
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الخميس 11 فبراير 2010, 15:26

وقبل الدنيا ماتولع هاكم النكتة دي.....قالوا في جيران حلفاويين كل يوم بيقعدوا مع بعض وجيبوا ليهم نص عرقي لتهدية الاعصاب ومواجهة ام العيال ..في يوم من الايام واحد منهم اكتشف انو التاني غاب ليه كم يوم ماظهر ...الراجل شفق ومسكتو امهلاهلا ومشي يشوف قصة جارو شنو...لقي ليك جارو يازول قاعد في المصلاية صلي شديدة ..اخونا راسو سخن وقال لجارو :مالك ياخي انحرفت ولا شنو؟
قال ليه والله مافي انحراف لكن شفت لي رؤيا خوفتني شديد....فقام جارو قال ليه شنو الرؤيا ؟....فقال ليه والله قبل كم يوم وانا نايم شفت سيدنا عمر في المنام بيتكلم فخفت عديل ....فقام جارو قال ليه : كده وصفو لي .....فقال ليه: راجل طويل لابس جلباب ابيض وعمامة بيضاء كبيرة ..فقام جارو قاطعو وشال وملفح اسود ...جارو انخلع وقال ليه انت برضو جاك سيدنا عمر؟؟؟؟....فقال ليه ياخي ارح جيب لينا النص وتعال ..الشفتو ده ماسيدنا عمر ..ده عمر الجزلي...
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عبدالمنعم جنيدابي الخميس 11 فبراير 2010, 20:52

عاطف عكود كتب:
عبد الرحمن الزين كتب:غايتو...يا جني العزيز.. درة المنتدي عاوز يقول ليك باختصار...كسير التلج عندك..
بودي
اه ياجنى الدرة شن قولك على كلام العزيزعبدوس ؟
وكلام اخونا راشد بانك بتجر واطى ؟
وكلام اخونا حاطب الليل ودكرار بانو الموضوع سخن وانو راجع للتعليق بمزاج.
يالا علل .... افصح .... ابن
عاطف عكود
الحبيب عاطف
اولا الدرّه في السطر الاول بتاعك يعود تقديرها للموهبه محمد ود راشد حفظه الله .
ثانيا بالنسبه لتكسير الثلج بتاعت بودي او جر الواطي بتاعت راشد ،، فهي لا هذا ولا ذاك
وما هي اللا تهدئه للعب لاننا دخلنا في الزمن بدل الضائع .
اما بالنسبه لحاطب الليل فهو قد فعلها بالجد وجانا ناطي في البوست نص الليل وفتح لينا
مواضيع بس خليها ساي لحدي حسع الواحد زايغ .
هذا ما لزم توضيحه لسيادتكم ودمتم
تحياتي للجميع
تخريمه : حلوه الطرفه يا راشد .. مبالغه .. واصل لكن بحذر .

جني
عبدالمنعم جنيدابي
عبدالمنعم جنيدابي


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عاطف عكود الخميس 11 فبراير 2010, 23:18

عبدالمنعم جنيدابي كتب:
عاطف عكود كتب:
عبد الرحمن الزين كتب:غايتو...يا جني العزيز.. درة المنتدي عاوز يقول ليك باختصار...كسير التلج عندك..
بودي
اه ياجنى الدرة شن قولك على كلام العزيزعبدوس ؟
وكلام اخونا راشد بانك بتجر واطى ؟
وكلام اخونا حاطب الليل ودكرار بانو الموضوع سخن وانو راجع للتعليق بمزاج.
يالا علل .... افصح .... ابن
عاطف عكود
الحبيب عاطف
اولا الدرّه في السطر الاول بتاعك يعود تقديرها للموهبه محمد ود راشد حفظه الله .
ثانيا بالنسبه لتكسير الثلج بتاعت بودي او جر الواطي بتاعت راشد ،، فهي لا هذا ولا ذاك
وما هي اللا تهدئه للعب لاننا دخلنا في الزمن بدل الضائع .
اما بالنسبه لحاطب الليل فهو قد فعلها بالجد وجانا ناطي في البوست نص الليل وفتح لينا
مواضيع بس خليها ساي لحدي حسع الواحد زايغ .
هذا ما لزم توضيحه لسيادتكم ودمتم
تخريمه : حلوه الطرفه يا راشد .. مبالغه .. واصل لكن بحذر .جني
الغالى الحبيب جنى
الدرة الفى السطر الاول مقصودة فهو درة وانت درة وكلكم درر (ودردرة شديدة )
اما تهدئة اللعب فى قاموسى هى التعبيرالدوبلماسى لتكسير التلج وشكلك جد نازل الانتخابات.
اما اخونا حاطب الليل والله حيرنا عديييل يفلق ويداوى وشغال بال / سيكام يعنى بالعربى كدى شايت من القون للقون مرة فيران وانامل ومرة افلام ومواعظ وانا احترت عديييييل
وصباحات الله بيض راجى ناس امريكا يصحو
ودام التواصل
عاطف عكود
عاطف عكود
عاطف عكود


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف راشد الجمعة 12 فبراير 2010, 02:40

والله صدقت ياوعكود ....ود كرار بعد موضوع الفيران الظاهر ضميرو انبو وكده.....طبعا انا اتوكلت علي الله وحكيت نكتة وعلي قولك قلت سجن سجن ..منتدي خاص منتدي خاص......واحسن حاجة في فارق الوقت لانو لما ناس امريكا يصحوا يلقوا الموضوع اسبك عديل ( يعني حلة عزابة).....
............
......
وانت اخبارك شنو....؟
راشد
راشد


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف ود كرار الجمعة 12 فبراير 2010, 05:10

اركز باولد ...

حتت فار يشردكم, يعنى القصه لوفيها جغر الظاهر كان لقيتكم فى بوست الاجتماعيات,

طبعاً ده من المسكوت عنه...

بس اكيد معظمكم على مشارف اعتاب العقد الخامس, وتجارب الفيران ده مهمه, بعيداً عن فزلكة ودراشد وغذاء الروح والبعد العاطفى, بكره كلكم بتجوا تفتشوا عن التجارب العلميه ده وهل ياترى مثبته علمياً ولنشوف جر الحبل فى بنى البشر, المهم انا جبتها ليكم على بلاطه والدال على الخير كفاعله.

ولكم الود.....
ود كرار
ود كرار


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عاطف عكود الجمعة 12 فبراير 2010, 06:51

ود كرار كتب:اركز باولد ...
حتت فار يشردكم, يعنى القصه لوفيها جغر الظاهر كان لقيتكم فى بوست الاجتماعيات,
المهم انا جبتها ليكم على بلاطه والدال على الخير كفاعله.
ولكم الود.....
حاطب ليل
ده كلام شنو بما انك جبتها على بلاطه وانك تعترف وتقر بكامل قواك العقلية وبمحض ارادك بانك دال ( دال للسيارات ؟) دال على الخير والدال علية كفاعلة وهذا يعنى انك , ولا اقول ليك شى خليت الباقى لودراشد ولبتون جنى.
ودام الخير
عاطف عكود
عاطف عكود
عاطف عكود


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف عبد الرحمن الزين2 الجمعة 12 فبراير 2010, 07:36

غايتو يا ود كرار انا ما بكضب من ما قريت بوست اخر الليل بتاع الفيران كبيت الزوغه عديل خاصه اني نوهته انو الحاج خالد سالي سكينو..وقلنا ننتظر ونستفيد من فرق التوقيت..لكن شايف الحاج مسجل غياب وود عكود ممشي الامور.. راشد حلوه منك وملعوبه والنكته ضحكتني شديد لكن يا ود اخوي ديل سكرجية شنو ال من نص عرقي يطلع ليهم عمر الجزلي في الحلم يعني لو ضربو القزازة كلها كان طلع ليهم عمر..ال...شير
غايتو بتاوق باكر امكن الحاج الليله تشيلو نومه.. مش الليله الخميس برضو....وتيب...
معزتي واحترامي لكم جميعا
عبد الرحمن الزين2
عبد الرحمن الزين2


الرجوع الى أعلى الصفحة اذهب الى الأسفل

فنجان قهوة - صفحة 6 Empty رد: فنجان قهوة

مُساهمة من طرف خالد عبدالحميد الجمعة 12 فبراير 2010, 09:55

تــــــــــــــــــــــــلج










وجليــــد


عدل سابقا من قبل خالد عبدالحميد في الجمعة 12 فبراير 2010, 09:58 عدل 1 مرات (السبب : ومــا بينهما بياض مبالغة،، غطسنا تب)
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

صفحة 6 من اصل 30 الصفحة السابقة  1 ... 5, 6, 7 ... 18 ... 30  الصفحة التالية

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى