دار الأسرة البحرية السودانية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رييكا قلعة نور تسطع على مرأفى السودان

2 مشترك

اذهب الى الأسفل

رييكا قلعة نور تسطع على مرأفى السودان Empty رييكا قلعة نور تسطع على مرأفى السودان

مُساهمة من طرف ود كرار الأربعاء 28 مايو 2008, 16:11

مع العلم باننى لم احظى بالدراسة فى تلكما الكلية العريقه,ولكن اردت ان نأصل لهذا الصرح العلمى الذى قد تخرج منه الرعيل الاول وكانو لبنة و نواة الشركة البحرية السودانية,وللتنويه ومرة اخرى لم يحالفنى الحظ للعمل بسودان لاين....
ولكنى نلت بعض الشرف فى النهل من معارف هولاء الافذاذ ولقد زاملتهم ان صح التعبير فى الشركة الوطنية السعودية,وعلى سبيل المثال ليس الحصرأذكر (ك/جيد, ك/ عثمان عبداالله الجزولى, ك/ عبدالحفيظ علينتو,م/حمدان الشيخ,م/عبدالقادر المصطفى,م/على النور....) ......
فارجو من الاخوة خريجى رييكا وهم بها اعلم,ان لايبخلوا علينا بالكتابة عنها.
ود كرار
ود كرار


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف ود كرار السبت 07 يونيو 2008, 03:45

سلامات....الاخوة الافاضل فى انتظار مشاركاتكم...
ود كرار
ود كرار


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الخميس 11 سبتمبر 2008, 06:57

اعتقد ان اول دفعه سافرت الي رييكا للدراسه كانت في عام 62 ساحاول ان اتذكر لك الاسماء رغم اننا وصلنا رييك عام 67 وفي ذلك لوقت كانو قد جلسوا لامتحان ضابط تاني مهندس تاني بالسودان حيث راي القائمون بالامر انذاك-انه من الافضل والارخص احضار المدرسين وادارة الميناء والممتحنين بدلا من ارسال الطلبه... المهم هذه الدفعه درست لوحدها مع بعض الطلبه الاجانب وليس كما كان الحال بالنسبه للدفعات التاليه التي درست مع اليوغسلاف اما الضباط فكانوا محمد عابدون- عبده محمد عثمان- امام الحاج- ابراهيم ابو بكر- مبارك عبد الله- محمد علي جيد- حسن يوسف صبير- مصطفي ساتي ومحمد علي الامين الذس تحول لدراسة الاقتصاد واما المهنسين فكانوا الحاج عثمان- الطاهر الحاج- بابكر نميري- موسي يعقوب -عثمان عمر- عبد الرؤؤف عبد العاطي وبابكر عباس واعتذر ان فات علي ذكر احدهم لاني اكتب من الذاكره ونواصل

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الجمعة 12 سبتمبر 2008, 06:12

معذره فات علي ذكر المهندس محمدين حامد فله العتبي ام الدفعه التي تلتهم فكانت صغيره نسبيا لم يكن بها ضباط وانما اتنين مهندسين هما حمدان الشيخ وقسم الله فضل المولي اضافة الي الاخ صلاح عبد الرحيم المشهور بالهمزاني وكان يدرس الاقتصاد البحري.... وعندم وصلنا رييكا عام 67 كان بها الكثيرين من الطلبه الافارقه والعرب من كل الجنسيات تقريبا وكان بها بعض الاخوه السودانيين خلاف مبعوثي الخطوط البحريه اذكر منهم الاخ علي حسن مبعوث مصلحه الصيد والاسماك والاخ النحاس وكان يدرس الاقتصادوقد قدموا لنا خدمات جليليه عند قدمونا وليجزهم الله عنا خير الجزاء

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف ود كرار السبت 13 سبتمبر 2008, 01:16

التحية والاجلال...

الشكر للوالد الكابتن/عبدالحمن...لتكرمه بتسليط الضوء على عظماء تلك الحقبه من رواد العمل البحرى فى السودان كما ذكرت سابقا‘‘.

نرجو مزيد من التوثيق لهولاء الفطاحلة...

لك الود
ود كرار
ود كرار


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الأحد 14 سبتمبر 2008, 19:27

اول قبطان سوداني هو الكابتن قاسم علي عثمان وقد ناهلها من بين مخالب الاسد حيث وقف اليوغوسلاف ضد تعيينه ولكن وقف المرحوم اسماعيل بخيت وقفة مشرفه وتم تعيين قاسم كاول قبطان سوداني علي ما اذكر في نيالا وقاسم خريج اليونان وكرت المسبحه بعد ذلك بتعيين عابدون وجيد حتي جاءت دفعتنا كمال حسن وحسين وشخصي.....ومن المهندسين الاخ موسي محمد اغبش..... كان هناك العديد من الاخوه خريجي مصر واليونان وانجلترا والمانيا عملوا لفترات علي طهر بواخر الخطوط البحريه ولكنهم لم يستمروا اولم يطب لهم المقام وغالبا بسبب السياسه التي اتبعها بعض اليوغسلاف او ان بعضا منهم فضل العمل في مجالات اخري غير البحر فتفرقوا ايدي سبا اذكر منهم المرحوم كامل عبد الرحمن وكابتن حسن محمد صالح وشوقي البوشي... ابراهيم يوسف. عبد الرازق..المرحوم بخيت حسن بشير... المرحوم مراد... صديق ماهر فريد - خريج المانيا الشرقيه-والاخ القبطان العزيز نقد الله.-
اما الدفعه الاولي التي درست في رييكا لم يبق منهم - كما ذكرت-من الضباط سوي محمد عابدون ومحمد علي جيد ومن المهندسين الحاج عثمان والطاهر الحاج وموسي يعقوب وعثمان عمر وبابكر عمر النميري ثم تلاهم حمدان الشيخ كدفعه لحاله
معذرة ان اسقطت الذاكره احد الرواد فله العتبي والرحمة لمن غادرونا الي ديار ارحب والتحيه مملؤة بالمودة والعرفان لمن لا زالو يمشوا في مناكبها سائيلين الله ان يبارك لهم في رزقهم وذرياتهم وان يجزيهم عنا وعن الخطوط البحريه خير الجزاء ونواصل ياود كرار


عدل سابقا من قبل عبد الرحمن الزين في الإثنين 15 سبتمبر 2008, 06:55 عدل 2 مرات (السبب : اضافه)

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الأربعاء 24 سبتمبر 2008, 07:13

رييكا مدينة ساحلية شانها شان كل موانئ البحر الابيض والادرياتيك.... المدينه القديمه يغلب عليها الطابع الايطالي ولا زال الايطال يعتقدون اتها تابعه لهم ويتكهن البعض بان هذا هو السبب الذي نجت به من ويلات الحرب.... الاهالي اغلبهم من العمال وتجد المدينه في تلك الايام تنام من العاشرة ليلا... كرماء جدا خاصه في المنكر ولكنهم غيورين لابعد الحدود والويل للبنت التي تتابط ملونا في الطريق فستسمع كلاما تتمني لو ان الله خلقها من غير اذنين..... لا ادري كيف الحال الان ولكن من الموكد ان الوضع تغير
الي لقاء ونواصل

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف ود كرار الأربعاء 24 سبتمبر 2008, 17:03

العم/عبدالرحمن....

لك التحايا والود.. وربنا يمتعك بالصحة والعافية والذاكرة الخصبة الجميلة...
بحثت فى الشبكة العنكبوتية عن موقع اكاديمية رييكا لجلب مزيد من المعلومات وبعض الصور لكيما تدعم التوثيق فلم يحالفنى الحظ ...الظاهر مابكتب الاسم بطريقه صحيحة.

نرجو الاستفاضه فى التعريف بالامكنة...وارجو ان لا نكون تقلنا عليك فى الطلب,بس هذا من حرصنا على معرفة المزيد والمزيد..
ود كرار
ود كرار


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الأربعاء 08 أكتوبر 2008, 02:31

ود كرار العزيز
تسلم وانت تتحدث عن رييكا
معليش يبدو انني سرحت في ذكريات رييكا في مكان اخر لكن اهو كلو يصب في هذا المنتدي الرائع
عارف رييكا دي في فترة من الفترات كانت سودانا مصغرا كان بها موسي محمد اغبش من الدلنج وكان بها الصادق محمد احمد من النهود وكان بها تبه الفيل انجلو من جبال النوبه ا وحسين علي حمد من قبيلة العبدرحماناب اصل الهدندوه وكان بها عمر داود الخليفة من اهلنا التعايشة وكان بها استاذ كمال من ناس بري وكان بها علي النور من الحاج عبدالله وكان بها محمد اسماعيل وكامل من ناس امنتقو وكان بها ود المختار مواليد الابيض واهل امدرمان كان بها حمدان الشيخ من ود كري كان به هباني من نعيمه النيل الابيض وكان بهاابو ادريس من الجزيرة ين وكووكان بها وجومو وجيمس واخرين

كان بها شايقيه وجعلين وكواهله وهلمجرا
لكنها كانت رييكا كان تمازجا وانسجاما كان ودا واحتراما كان ملحا وملاحا كان البصل باليوقورت وفي احسن الظروف تضاف اليه قطعة واحدة من الطماطم المهروس وما اروعها من وجبة لو ختت المتتطفلين ومن يشموا حتي رايحة الطبيخ من غير ان توقد نارا

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الجمعة 10 أكتوبر 2008, 04:57

عارف ياود كرار
ويحلك مني الحله بله
ولمن تعرف الحله بله قول لي
ما تمشي تسال العجايز ما في زول اعجز مني الا محمد ود صالح عم اخونا عاطف وانا عامل حسابي لمن محمد صالح بن عبد الله يهاجمني بقول ليه افتكرته انو صالح ابوه
رييكا دي ذكريات لا تنسي ولكن المحيرني ناس اسكندرية ديل ما عندهم ذكريات
علي قولنا ايام امتحانات الشهادة لما السؤال جاء اكتب لنا ايها الطالب عن سياسية بسمارك-رئيس المانيا- الخارجيةوالطالب كان مركز علي سياسة بسمارك الداخليه وحافظها صم
فما كان منه الا ان قال كي نصل الي سياسة بسمارك االخارجية لا بد ان نستعرض سياسة بسمارك الداخليه
وعليه انا سادخل علي الاسكندريه من خلال هذا البوست الا اذا فتحتم بوستا منفردا
وراكم وراكم
عمكم

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الجمعة 10 أكتوبر 2008, 05:23

عود علي بدء

كما اسلفت ندخل علي اسكندرية من خلال رييكا
في عام كم وتمانين خلوها مستورة كان لا بد لنا- في ذلك الوقت- ان نجتازبعض الشهادات الحتمية اهمها الرادار ومكافحة الحريق وعمكم كان قبطان ليه كلو -دي اقبلوها- بدل شنب
معانا كان اخونا الصادق المهم الاستاذ شغل الرادار وادانا مسالة بتاعة تقاطع سفن وطلب انو نحلها انا اخدت الموضوع جد وحليت الشغلانه في الورق البياني في اقل من دقيقه ودهش الاستاذ ولكن اخونا الصادق زعل وقال للاستاذ انته فاكرنه جايين من ويين
المهم الاستاذ عرف اننا كباتن وشكر الصادق علي انه قال ليه ياخي الشايفهم ديل كلهم كباتن بس عاملين متواضعين ..... المهم الاستاذ حبه يدردش وطوالي غير الموضوع وقال نتكلم في مواضيع عامه عشان اشوف مدي استيعابكم... ايه رايكم نتكلم في السينما
وما عارفنا اننا جايين من باخرة كان فيها قبطان ناجي مكي وكان عندو مكتبة فيديو في
بورتسودان واي فلم بنشوفو قبل حتي ما يعرضو في مصر وبدا يسالنا علي الممثلات والمسلسلات
وطلعنا عارفين احسن منو
قام قال انتو ايه انتو جايين هنا ليه امشوا عند السكرتارية وخلوا اسماؤكم وتعالوا خدوا شهاداتكم ده انتو حتسقسطوني لو اعدت معاكم

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الجمعة 10 أكتوبر 2008, 05:36

قبل ما امشي انوم يا ود كرار احكيي ليك قصتي مع ود القبايل الله يطراه بالخير لاني بكره مسافر
كل الاخوان او الزملاء او الابناء الكنو بجونا في البحر دايما بقولو
اسكندريه الله


ولمن تقول اسكندريه الله
او حتي اي مدينه الله لاي بحار بتخيل حاجه واحده الله
وحضرنا الي الاسكندرية الجميلة واجرنا احسن الشقق في سيدي بشر انتطارا لي الله
ولكن
وفي ليلة كنت اتمشي مع حبيبي وصديقي وابني مامون قبيله يبدو انه فاض به فقال لي فجاة والله بس يا كابتن خلي واحد من ال....... ديل يجي بكره يقول لي اسكندرية الله
معزتي الي ان القاكم
اكان عاوزين ترفدوني ارفدوني
لكن انا اشد منكم كسرت التلج لي سيد الحوش
عبدوس

عبد الرحمن الزين


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف ود كرار الجمعة 10 أكتوبر 2008, 07:31

عمنا الزين...

مريت قلت اتصفح المنتدى قبل النوم وبالمناسبة كانت الساعه 2 صباحاٌ بس الكويسه بكره الجمعة...وشدتنى مداخلاتك الرائعة..

بخصوص ذكريات أسكندرية شايف اخونا خالد فتح ليه بوست, أما عن أسكندرية والله...

أسكندريه ده ليها طابع خاص ولا تنكشف على كل الرجاله وخلى الطابق مستور...

بس الظاهر سعادتك وود القبائل كنت بتتجولوا من غير دليل....

وبمناسبة الرفد يابو الكباتن انت صاحب الحوش , والله الاترفد نفسك.

وتمشى وتجى بالسلامة
ود كرار
ود كرار


الرجوع الى أعلى الصفحة اذهب الى الأسفل

رييكا قلعة نور تسطع على مرأفى السودان Empty رد: رييكا قلعة نور تسطع على مرأفى السودان

مُساهمة من طرف عبد الرحمن الزين الخميس 16 أكتوبر 2008, 04:13

العزيز ود كرار
والله انته وابنك السكرة ليكم وحشه ربنا يحفظ ليك كل العايلة غايتو ناوين الحج وطبعا لازم عن طريق جدة
علي فكرة انا عملته عمرات ما لها عدد وحجيت سنة 92 لكن اخوي في الله الباشمهندس عبد الله جاه الرسول لمن قالو ليه عبد الرحمن الزين شي الحج اتصل بي من البحر وقال لي يا عبدوس خليني من الكلام السمعتو عليك الله دي منو السكيته لي غاية مكه؟؟؟؟؟؟
الله يطراك بالخير يا عبد الله اينما كنت لكن صدقني كانت حجه عن قناعه
المهم نعود لرييكا
اخونا قسم الله ولمن يسمعوا به كان دفعة ناس حمدان الشيخ
كان وكعادة الناس الكرماء دايما ضارباهو فلسه
واتفق مع احد الجزارين انو يخلي ليه العضام لانو عندو كلب في البيت
وهو طبعا كان بياخد العضام وبعمل منها شوربة علي الريحه
ما كان في زمان ماجي يا شباب
يوم عمنا قسم الله جوهو ضيوف من زاغرب العاصمه وحب يكرمهم استلف شوية قروش ومشي معاهم للجزار وقال للجزار اوزن لي نص كيلو بتلو لزوم الحلة طبعا
الجزار قال ليه والله انت ودحلال الليلة عندي ليك كمان كيس مليان عضام لي كلبك!!!!!!
؟؟؟؟؟؟؟
وقسم الله ما عرف يودي وشو وين لكن الجماعه طلعوا اولاد حلة وستروه
واصبحت قصة تروي وذكريات لا تنسي
عبدوس

عبد الرحمن الزين


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى