دار الأسرة البحرية السودانية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حكاية زول مع سودانلاين،، وحاجة امنة وأشياء أخرى

+8
ود كرار
Abubakr Fathelrahman
احمد محمد احمد
عبدالمنعم جنيدابي
عاطف عكود
عبد الرحمن الزين2
الرشيد شمس الدين عبدالله
خالد عبدالحميد
12 مشترك

صفحة 4 من اصل 4 الصفحة السابقة  1, 2, 3, 4

اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف مبارك عمر عصملى (كركب) الأربعاء 24 فبراير 2010, 19:44

احبتى ..تحية واحترام ..طبعا انا جيت متاخر خالص والليلة دى من الصباح تفرقت للبوست بتاع حاجة امنه لانى شربت قهوتا .. وحيرتونا مرة ابدا اقول اكمل البوست بتاع الرشيد ..وابدا من نقطة البداية طبعا ولامن اصل صفحة 3 احول لبوست عبدوس..ثم جنى.. ..ثم خالد وعاطف ووووووو ... والله ماعارف ان حاكمل كل هذه الابداعات متين.. عشان اقوم اسخن معاكم ..وان كنت ما قدر المقام والله .. ولو قبلتونا متفرجين يكون افضل ..

ما اروعك يا اسامة .. تذكرت حاجة امنة وابنتها البريئة لاننى عاصرت تلك الفترة بمكتب الخرطوم ..وكنا نقعد ومجموعة من الزملاء مع حاجة امنة كل يوم نشرب قهوة الصباح قبل مواعيد جيتكم ..واتذكر مجموعتكم ..لانو كان معاكم مجاهد عبد الرحيم وهو بالمناسبة (انا عمو..ابوهو ود عمتى ) .. وحاجة امنة حقيقة تستحق ان يكتب عنها قلمك المبدع ..وان يعمم على جميع المنتديات ... لانها مثال للمراة الشريفة المناضلة فى هذا الزمن القاسى .. واتمنى ان يكون الاخوة الذين اوصوا بمساعدتها قد اوفوا بوعدهم خاصة بعدما اتعرف موقعها الجديد..

والله حقيقة هذا البوست يستحق الاستمرار ذى ما قال المبدع خالد .. لكن ما اظن فى واحد يقدر يكمل او يواصل المشوار غير الاستاذ الاديب اسامة معاوية ..اسامة بالله نتشرف بجيتك ولو امكن ادينا طلة فى بورسودان ضرورى عشان نتعارف بيك اكتر ..رغم انو الواحد يحس بانو بيعرفك من قبل مايشوفك..
مبارك عمر عصملى (كركب)
مبارك عمر عصملى (كركب)


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف أسامة معاوية الطيب الجمعة 26 فبراير 2010, 16:57

أخونا مبارك ازيك
انا بعرفك ... قابلتك مع مجاهد كم مرة ... وبيننا وحاجة آمنة الكثير الذي لم نقله ... ولكنها الظروف السيئة يا سيدي
شكرا لإطرائك ... وشكرا للحروف التي تجعل من بعض الصور قادرة على الحركة ( وإن كانت كسيحة )
كتر خيرك والجية في بورسودان دايرنها بس ربك يرفع القدم والقلم ونجيك يا سيدي
أسامة معاوية الطيب
أسامة معاوية الطيب


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف عاطف عكود الأربعاء 26 مايو 2010, 03:36

أسامة معاوية الطيب كتب:سلامات للجميع
لا كلام ... ( إن الكلام يموت حين يقال )
طعم احتفاؤكم يعلق بحلقي ... وتقتلني العشراقة ... وبيننا ما بيننا من ( بحار ) الأشواق
أسامة معاوية الطيب
العزيز الغالى اسامة الشوق بحر وغيبتك طالت ودى مداخلة بمناسبة مرور عام على مداخلتك الاولى
ودام التواصل
عاطف عكود
عاطف عكود
عاطف عكود


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف خالد عبدالحميد الأحد 17 يونيو 2012, 01:19

حاجة آمنة، معشوقتى
البوست مرفوعا لكل اعضاءنا الجداد، الرجاء الرجوع للمشاركة واحد فى البوست
مع التحايا لاسامة الغايب عن سماء الاسفير


عدل سابقا من قبل خالد عبدالحميد في الأحد 17 يونيو 2012, 10:49 عدل 1 مرات
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف عبد الرحمن الزين2 الأحد 17 يونيو 2012, 02:35

وتاني يا خالد اختفت امرأة.كنا نشرب الحنان والطيبة ونتذكر امهاتنا..عندما نجلس في احد قطع حجارتها لنحتسي الشاي او القهوة قبل ان ندخل الي المدير العام..
اول ما فعلت بعد ان ركنت سيارتي ذهبت الي حيث كانت تجلس...حاجة عاشه...اين هي..
بعافية شوية يا كابتن ولا اعتقد انها ستحضر..انزلقت دمعة من عيني بخرها حر الخرطوم اللافح...جلست الي المدير العام ولا ادري ماذا قلت له او ماذا قال لي..
صدقني حتي قراءتي لبوستك اعلاه لا زلت افكر فيها والوم نفسي لماذا لم افعل شييا او حتي لماذا لم اسال عنها واذهب لازورها...
الي اين تاخذنا هذه الحياه..هل نحن نركض امامها ام خلفها والي متي..
حبيبنا اسامه لا يبعد عني اكثر من ثلاثين ميلا ولا زلت اقلب مفكرتي لاري متي ازوره او علي الاقل اتصل عليه..
لنا الله وليبارك الله حاجة امنه وحاجة عاشة فلا فايدة ترجي منا....
عبد الرحمن
عبد الرحمن الزين2
عبد الرحمن الزين2


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف الرشيد شمس الدين عبدالله الإثنين 18 يونيو 2012, 13:30

التحايا والود الصادق لك حبيبنا عبدوس ولكنك وعلى غير العادة قد تلومت مع حبيبنا أسامة معاوية ...إذ أننا نحن ومنذ أن وصل أسامة لدياركم العامرة لم نعد نسأل عنه وعن غيابه المعتاد , إذ إمتلأنا إطمئنانا أنّه مادام تحت كفالتك الشخصية فلا خوف عليه ولا داعى أن نقلق عليه .... أنت تسافر لكل بقاع الدنيا ياحبيبنا فكيف تعجز عن زيارة من هو فركة كعب منك ؟ ....وشايفك وبكل براءة وضعت أثيوبيا فى منتصف الدول التى زرتها .. هكذا .. ياللبراءة !!!
لك ودى الذى تعرف وأرجو أن تطمئننا على أسامة فى زيارتك الوشيكة له كما انا متأكد وان تقنعه بمواصلة الإرسال الجميل وهذا لن يعجزك بالتأكيد ... ففى عزيزنا أسامة , نحن نشتمّ رائحة المرحوم الخالد على سورج .....أكرم بها من رائحة ... أخبرنى ماسورة أنك كنت معه فى نفس الطائرة لبورتسودان ... يالهذه الصدفة الجميلة !!!
كلماتك عنّى ياعبدوس لاتدهشنى فالقلوب عند بعضها بالتأكيد ....

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف الاء الأربعاء 20 يونيو 2012, 16:10

حاجة آمنة بعينيها بريق أمل يخبو ثم يضىء ممنية نفسها بغد أفضل .. برغم ان الوجع فى الجوف كتير لازالت تتسلح الصبر وتسأل الله المزيد منه ..لا نستطيع ان نقدم لها شئيأ سوى ما قاله وردى .. أخت أسمك علي باب الزمان أكليل ..وردة صبية تلمع فوق صدير النيل .. وباسمك أغني لعالم بسيط وجميل .
درر تلك التى ينثرها قلم الاديب اسامة .. كلمات صادقة من القلب تحكى واقع مضى ولا زال البعض يتوسده ويفيق عليه .. ثم السحر فى سرد احوال موسى " البحنن الكافر " حتى الحلقة الخامسة .. شكراً ود الاستاذ على الغوص الآمن البديع .. مدد مدد وبصوت عال .

-------------
مع التحايا لاسامة الغايب
وودعكود الغايب
الاء
الاء


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف عبد الرحمن الزين2 الأربعاء 20 يونيو 2012, 22:42

الاعزاء جميعا....نفر..نفر..تعلمون وتعرفون ان لكم في القلب موضع...
نداوم..نكتب..نختلف..نختفي...نقرا من دون تعليق..نضحك من الاعماق...لا يعجبني تعليق لكن نقض الطرف ولا ننط في الحلق..نقول في سرنا ربنا يهديهه..كبر بي جهله...نعود وننبسط..نواصل..نهاتف بعضنا البعض..نتمني لو لو لو نلتقي..لكن دايما ابدا نعود كل صباح الي المنتدي..قبل ان نقرا البريد ونتصفح الاخبار ونرشف القهوة..ونقرض الساندوتش...الاهم والمهم المنتدي...ماذا كتب خلدي ورشدي والاء وود فراج وود عكود وحمادة وود كرار وعبد الحافط والاء ابو النيل و ناس بورسودان العزاز ...وغيرهمو كثرو...اخصهم المشتركين الجدد ولن اعدد اسماءهم فلهم الشكر والتقدير فد اثروا هذا المنتدي ...
بعد كل هذا الذي اوردت...
اما ان الاوان...
ان تعود يا ود عكود.....
اما ان الاوان ان تعود يا ود كرار...
يداخلني شعور ان مداخلة ..بحار ولكن..سببت لكما بعضا من حرج..
ما ذنبنا نحن...
انتم اكبر من ذلك..
خالد...رشدي...الكره في ملعبكما...
ان كنت مخطيا لكما العتبي..
عبدوس
اخر الحكي....
قهوة

يا قهوتا يا صاحب القهوة..لو كان عندي هاتفك لهاتفتكك يا ابن راشد واعلم انك لن ترد لي طلبا..او هكذا قيل لي..
يا قهوتا
ويا شهقة النفس المزاج
يا قعدتا
ويا سرحتي
شفت العيون عبر السياج
يا ضحكتا
ويا متعتي
تبدو الأنامل هي الزجاج
يا البن تحرق و تنحرق
لو كان منجض مرتين
أنا يومي بتنجض نجاض
يا كيفا
ما تقول لي كيف
و يا طيفا
أبقى لي ضيف
ما إيدي من إيديها فاض
من كبتا
ما كبتا.. المن كبتا
كل الخلائق حبتا
الموية نيل
و الشوق تقيل
و الريدة لما تكون مزاج
القلب ما بعرف تردد و احتجاج
منقول بتصرف....
عبدوس
عبد الرحمن الزين2
عبد الرحمن الزين2


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف خالد عبدالحميد الخميس 21 يونيو 2012, 09:01

والله صفقة صفقة كبيرة
لكبير هذا المنتدى الشهير بعبدالرحمن الزين
صفقة ونص وانحناءة
لعن الله المشاغيل
وتتواصل التلفونات لاجل عيون المنتدى والمنتدين،،،ففى هذا العالم خارج هذه الصفحات
ما يكفى من عواصف الحياة
كسرة واحد
القصيدة شديدة، جدا جدا،،،لعلى القى وكت اجيب خبرها
كسرة 2
اما صاحب القهوة،،فلازال تلفونو،،لايمكن الوصول اليه
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف ود كرار الجمعة 22 يونيو 2012, 04:03

عزيزنا عبدوس....
مشكور على السؤال ود ماغريب على الكبار...
لا اعتق( بحار ولكن ) سبباً فى انقطاعى وانقطاع اخونا الفاضل ودعكود...
وفى اعتقادى العلاقات التى نشات بين صفحات هذا المنتدى اجمل وارقى من ان يفسد صفوها تعليق او حتى اختلاف اراء...
بس المشغوليات واكل العيش...
بس ياعبدوس لو اخذتنامعاك فى ماموريه مامورتيين احتمال نجى بروح جديده (ياريت لو المغرب اوحتى اديس)...
اما اخونا ود راشد رد الله غربته الى المنتدى, انا تعبته معاه بس لو القصه معزا نرسل ليك تلفونه, لانو اشتقنا لوجوده فى المنتدى...

ولك الود
ود كرار
ود كرار


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف عبد الرحمن الزين2 الجمعة 22 يونيو 2012, 23:01

العزيز ود كرار....
يامراحب..العفو يا صديقي انتو الكبار انتم من خلقتم لنا هذه الواحة المخضره لنسكن اليها ونرتاداها كل صباح وزينتوها بمقالاتكم ومداخلاتكم الثرة...كل ما نطلب الا تحرمونا من طلتكم واشرافكم ومتابعتكم ...قطعا يوما ما سيكون لكم الفخر جميعا لتقولوا انكم نجحتم في جمع اهل البحر في صالون سفينة اسمها المنتدي...وباسم الله مجريها ومرسيها..
..لا زال ود عكود يوحشنا...
معزتي واحترامي وشكري..
عبدالرحمن
عبد الرحمن الزين2
عبد الرحمن الزين2


الرجوع الى أعلى الصفحة اذهب الى الأسفل

حكاية زول مع سودانلاين،، وحاجة امنة وأشياء أخرى - صفحة 4 Empty رد: حكاية زول مع سودانلاين،، وحاجة امنة وأشياء أخرى

مُساهمة من طرف عبدالرحمن محجوب يوسف السبت 23 يونيو 2012, 16:46

الاعزاء الكبار جدا قامة ومقاما ولا اقصد السن القبطان عبدالرحمن الزين وابدا تجدني اردد ابيات القامه محجوب شريف ما شفتي ود الزين الكان وحيد امو وماليلا كان العين
قالولو ناسك وين ورينا ناسك كم
قر عشان تسلم
العودوا خاتي الشق
ماقال وحاتك طق
ولا وقف بين بين الخ الخ الخ الاعزاء خلدي راشد ودكرار ودعكود والجمل لكم التحايا اين ما كنتم وابقو ما رقين
عبدالرحمن محجوب يوسف
عبدالرحمن محجوب يوسف


الرجوع الى أعلى الصفحة اذهب الى الأسفل

صفحة 4 من اصل 4 الصفحة السابقة  1, 2, 3, 4

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى