يا ناس البحر . جنيدابي وصل

عمنا خالد ... ود الاستاذ
طبعا عمّنا هنا دلاله علي المكانه وليست السن ،،، فكلنا نعلم بانك والاخ عاطف اصحاب
وجعه بالنسبه لهذا المنتدي تنتعشون بانتعاشه ،،، وتنتكسون بانتكاسته ،، والله اننا نحس ذلك ..
وعليه من البديهي كما ذكرت بانكم كنتم تعلمون باسباب غياب الاخ عاطف طوال الوقت ..
اما بالنسبه لي شخصيا فان اسباب غيابي وكما تعلمون جميعا فان البلد في هذه الايام تنتظمها
حمي الانتخابات والبلد خاشّه علي ديمقراطيه ،،، وطبعا اخوكم داخل بي تقله في العمليه الانتخابيه
وشغالين نجهز في الحزب بتاعنا الجديد وهو حزب ( الملجه ) وقد حشدنا كل الطاقات لاكتساح
الانتخابات القادمه تحت شعار ( اقتسام السلطه والدكوه ) السلطه بالفتحه علي السين واللام .
وكل الرجاء ان لا تبخلوا علينا باصواتكم .
سعيدين والله جدا بالمداخله بتاعتك يا عمنا ودمت ودام التواصل

جني مناوي

عبدالمنعم جنيدابي كتب:
،،، اخوكم داخل بي تقله في العمليه الانتخابيه
وشغالين نجهز في الحزب بتاعنا الجديد وهو حزب ( الملجه ) وقد حشدنا كل الطاقات لاكتساح
الانتخابات القادمه تحت شعار ( اقتسام السلطه والدكوه ) السلطه بالفتحه علي السين واللام .
وكل الرجاء ان لا تبخلوا علينا باصواتكم .
جني مناوي

ابشر جنيمناوى
وعلينا الجرجير و الجرجير بكسرالجيم التانية فى الاولى وفتحها فى التانية
ودام التواصل جرجره
عاطف عكود

سعادة جـنّى مـنّى (لزوم القافية وكده)
قلوبنا معاك ..قف
يهمنا.... انتصارك...قف
الغربة قتلتنا،،،،ولنا مصلحة شخصية انتهازية( لتتواكب مع الحاصل)
فى فوزك قف
لمّن تبقى مسعووووول كبير ،،،،قد يبقى سبب للعودة


وانكسرت قزازة السمنة
لا تقف!!! فقد تتزحلق

عاطف عكود كتب:
ابشر جنيمناوى
وعلينا الجرجير و الجرجير بكسرالجيم التانية فى الاولى وفتحها فى التانية
ودام التواصل جرجره
عاطف عكود

الحبيب عاطف
الجرجير ما مشكله وممكن معاه شطه خضراء وشمارات ،، لكن الجرجره دي
ما بنقدر عليها لانها حقت المحوقلين .
شكرا للدعم ودام التواصل
جني

خالد عبدالحميد كتب:سعادة جـنّى مـنّى (لزوم القافية وكده)
قلوبنا معاك ..قف
يهمنا.... انتصارك...قف
الغربة قتلتنا،،،،ولنا مصلحة شخصية انتهازية( لتتواكب مع الحاصل)
فى فوزك قف
لمّن تبقى مسعووووول كبير ،،،،قد يبقى سبب للعودة


وانكسرت قزازة السمنة
لا تقف!!! فقد تتزحلق

الحبيب خالد
يعني اخدت الموضوع مجرد ونسه !!!
ما عندك مشكله لكن قزازه السمن انشاء الله ما تتكسر ؟
تخريمه :
اكيد تكون عارف ناس الرشيد وعبدوس وين ؟
بعدين في زول عارف مكان سعد الدين كرار ، الجمل ، وووو..................الخ ؟؟؟؟؟؟؟؟

خت في بطنك بطيخه صيفي وخليك معانا في الخط .
دمت ودام التواصل

جني

عبدالمنعم جنيدابي كتب:

عاطف عكود كتب:
ابشر جنيمناوى
وعلينا الجرجير و الجرجير بكسرالجيم التانية فى الاولى وفتحها فى التانية
ودام التواصل جرجره
عاطف عكود

الحبيب عاطف
الجرجير ما مشكله وممكن معاه شطه خضراء وشمارات ،، لكن الجرجره دي
ما بنقدر عليها لانها حقت المحوقلين .
شكرا للدعم ودام التواصل
جني

جنجن الغالى
وقت بقت حقتهم خليناها , اللهم باعد بيننا وبينهم وعلق كل محوقل من عرقوبو
والدعم متواصل
عاطف عكود

عبدالمنعم جنيدابي كتب:
الحبيب خالد
يعني اخدت الموضوع مجرد ونسه !!!

تخريمه :
اكيد تكون عارف ناس الرشيد وعبدوس وين ؟
بعدين في زول عارف مكان سعد الدين كرار ، الجمل ، وووو..................الخ ؟؟؟؟؟؟؟؟

جني

ونسة شنو يازول ؟؟؟؟نحن معاك الف فى الميه،،،اقول ليك مصلحة شخصية ،،،قلوبنا ودعواتنا معاك
اما عبدوس فيبدو انو فى افريقية ( بالتاء المربوطة) لانو تلفونو ما قاعد يرد
اما سعد كرار فوعدنا بالظهور السريع على الهواء مباشرة بعد ما رجع الامارات من اجازة طويلة
البقية تجدنا زيّك من المتسائلين،،،،
اتمنى أن اكون اجبت عن بعض اسئلتك سيدى الرئيس
وكلو تمام يافندم

مسئول من الخير،،وطالما انت فى البلد ناس بورسودان ديل ياخى ما تجتهد معاهم شوية عشان ما يظهروا ولو مرّة مرّة،،الفاضل..عوض الله..الرشيد بادى وووو كل البقية فردا فردا،،،
وطلب تانى سيدى ،،،كدى اضرب تلفون لى احمد محمد احمد ،،،حقيقة اول مرّة يغيب غيبة طويلة زى دى
ونعود

تحايا وسلام يا جنى و عاطف و خالد و كل الاخوة

لا زالت الزنقة مستمرة ودخلنا للسلام بس.

و يا جنى الاحد انشاء الله فى بورتسودان. نشوفك.

تحياتى للجميع.

احمد محمد احمد كتب:تحايا وسلام يا جنى و عاطف و خالد و كل الاخوة

و يا جنى الاحد انشاء الله فى بورتسودان. نشوفك.

تحياتى للجميع.

الحبيب احمد
اخبار جميله جدا وهنيئا لنا بقدومك الميمون باذن الله... البلد حتنوّر وربنا
يوصلكم بالسلامه .
تحياتي وفي انتظاركم باذن الله .

جني

ا لحبيب ولدنا المجينين الجنن المجانين . الشوق بحر
والله يا جني كنت طاشى في الشعهداء في امدرمان فجعة لمحت ليك لافته كبيره بتقول امدرمان نت كافي طوالي طريتك وطريت عنوانك يا ناس............... قلت كدي نشوف جني لحدى هسع جنن كم واحد من ناس البحر ( رغم انو زمان في واحد صاحبي كنت بتونس معاهو قام قال لي في شكل سؤال صحي اي واحد شغال في ابحر طاشى شبكه ) المهم جيت ملهوف لقراية كل المواضيع الفاتتني منذ بداية الاجازه في منتصف نوفمبر لقيت صفحات وصفحات وانا في نهاية الاجازه فقلت الحمد لله عندي حاجه حتنسيني هم الجاي عليهو
المهم من موقعك العامر احي كل ابطال البحر الصناديد وصدقني يا جني مهما كانت العلاقه بيننا فهي من امتن العلاقات وا كثرها صمودا علي الاطلاق ....ادام الله لكم هذا التواصل الجميل ولكم شكري لتكبدكم مشاق المتابعه..

سلامات كابتن الجمل...
وحمدلله على السلامه بعد الطشه....وربنا يديم الود بين الاخوان.

الاخ احمد...الحال من بعضو , بس ناس جنى خامليين الرايه تمام.

لكم الود جميعا

mhmdaljamal كتب:ا لحبيب ولدنا المجينين الجنن المجانين . الشوق بحر
والله يا جني كنت طاشى في الشعهداء في امدرمان فجعة لمحت ليك لافته كبيره بتقول امدرمان نت كافي طوالي طريتك وطريت عنوانك يا ناس............... قلت كدي نشوف جني لحدى هسع جنن كم واحد من ناس البحر ( رغم انو زمان في واحد صاحبي كنت بتونس معاهو قام قال لي في شكل سؤال صحي اي واحد شغال في ابحر طاشى شبكه ) المهم جيت ملهوف لقراية كل المواضيع الفاتتني منذ بداية الاجازه في منتصف نوفمبر لقيت صفحات وصفحات وانا في نهاية الاجازه فقلت الحمد لله عندي حاجه حتنسيني هم الجاي عليهو
المهم من موقعك العامر احي كل ابطال البحر الصناديد وصدقني يا جني مهما كانت العلاقه بيننا فهي من امتن العلاقات وا كثرها صمودا علي الاطلاق ....ادام الله لكم هذا التواصل الجميل ولكم شكري لتكبدكم مشاق المتابعه..

الحبيب الجمل
يا سلام يا الجمل ،، والله لقد سعدت جدا بظهورك هذا بعد طول احتجاب فانت واحد من الناس
الذين لا يغيبون ابدا عن الخاطر ... وعلي فكره ، الواحد يكاد يتذكّرك يوميا لانو في
واحد صحفي محترم وظريف زيّك كده بيكتب عمود يومي في صحيفه التيار اسمو عبدالباقي
الظافر صورتو طبق الاصل من الجمل ( لكن ايام الزمن الجميل ) عليك الله لو لقيت طريقه
اشتري الجريده دي وشوف . طبعا تخيلتك في امدرمان حيث هزم الجزائريون ابناء النيل والكتاحه
تفرك ويحوم حولك ابناء امدرمان والنازحين اليها من الريف ببشرتهم الفول مدمسيه .
اتمني لك قضاء اجازه سعيده بين الاهل والاحباب واتمني ان تكون السلطات المحليه قد قضت
علي جميع الجقور صغيره الحجم في امدرمان .
تخريمه :
بالنسبه للجنجنه الظاهر ناس المنتدي ديل هم الحيجننونا وعلي راسهم خالد وعاطف صديق
والرشيد وعبدوس .

دمت ودام التواصل وفي انتظار قلمك الرائع .

جني العاقل

مرحبتين ياكابتن ،،،
واحنا نقول وين الرجّال؟؟؟ اتاريك فى البلاد العاقل اهلها
وحتة العقل دى مهداة لجنى ،،، رئيس العقلاء
عشرات حبابكم

الغالى جنى العاقل الفنان
مازلنا فى انتظار اخبار شمارات ابداعات مهرجان السياحة بعد الختام فى 15 يناير
ودام التواصل
عاطف عكود

ود كرار كتب:سلامات كابتن الجمل...
وحمدلله على السلامه بعد الطشه....وربنا يديم الود بين الاخوان.

الاخ احمد...الحال من بعضو , بس ناس جنى خامليين الرايه تمام.

لكم الود جميعا

الحبيب ود كرار
ادام الله الود بين الاخوان وولله لقد فعل هذا المنتدي مفعول السحر لشحذ اواصر
التواصل وزياده الترابط بين الاخوان .
بالرغم من دخولك دائما في انصاص الليالي فاقد التركيز كما في كلّ مره لكن لا تتخيل
مدي اهميه هذا الدخول فلا تحرمنا منه .
ويا ( ساري الليل )اليس لهذا السهر من نهايه ؟؟؟
نسأل الله ان يسهل امركم وان يصلح حال الجميع وشكرا جميلا علي المداخله .
دمت ودام التواصل

جني

كتب جني:
[quote="عبدالمنعم جنيدابي"]

ود كرار كتب:
الحبيب ود كرار
.
ويا ( ساري الليل )اليس لهذا السهر من نهايه ؟؟؟
نسأل الله ان يسهل امركم وان يصلح حال الجميع وشكرا جميلا علي المداخله .
دمت ودام التواصل

جني

الغالي جني...
سؤال بريء جدا ..هل للدعوة باصلاح حال الجميع لها علاقة بسهر ودكرار..؟
ام أن ود كرار قد سقط سهوا في طريق الاصلاح.....

[quote="راشد"]كتب جني:

عبدالمنعم جنيدابي كتب:

ود كرار كتب:
الحبيب ود كرار
.
ويا ( ساري الليل )اليس لهذا السهر من نهايه ؟؟؟
نسأل الله ان يسهل امركم وان يصلح حال الجميع وشكرا جميلا علي المداخله .
دمت ودام التواصل

جني

الغالي جني...
سؤال بريء جدا ..هل للدعوة باصلاح حال الجميع لها علاقة بسهر ودكرار..؟
ام أن ود كرار قد سقط سهوا في طريق الاصلاح.....

الحبيب راشد
ههههههههههها ،،،، لالالالالالالا ، ده شرك فظيع ،، او بالاصح فخ عديييييل كده .
طبعا الاجابه لا هذا ولا ذاك ونحن ناس بريئين او ممكن تقول ناس مساكين . عشان
كده اقرأ المداخله بالوضوح المكتوبه بيه ،،
واللا ما كده يا ساري الليل ؟؟؟

دمتم جميعا ولكم كل التحايا والاشواق

جني

الغالي والحبيب جني ...والله ممرت بالامس مساء لاكتب تعليقا ولكن ابت نفسي إلا ان ينام المنتدي علي صدي ضحكتك ...عليه قرءات وضحكت ونمت...
عليه لك كل الود والحب وحفظك الله ولن ازيد

في اوائل التسعينات وبعد ان امضينا قرابه الاسبوع في غاطس بورسودان علي ظهر
الباخره طيبه الذكر مروي ،،،، بدات تظهر علي افراد الطاقم الحالات النفسيه والتوترات
كنتيجه للضغوط العصبيه والنفسيه والدي ان ايه .
وفي صبيحه اليوم السابع للمخطاف جات الاخبار والبشائر من غرفه القياده بان الدخول
للميناء سوف يكون عصر هذا اليوم باذن الله .
في تمام الساعه الرابعه تم رفع المخطاف وانطلقت الباخره صوب المدينه ،، بينما انطلق
افراد الطاقم نحو اماكن الساونا والحلاقه والصنفره .
بعد مرور فتره من الزمن والباخره تنتظر قباله الميناء جاءت الاخبار بان وقت صلاه المغرب
قد دخل وان الدخول سوف يكون بعد الصلاه .. ارتدي افراد الطاقم افخم الثياب والجلاليب
ناصعه البياض وتعطّروا باغلي العطور الباريسه في انتظار المرشد والدخول .
يمضي الزمن ولا ياتي المرشد وتتحول الباخره الي حاله من الفر والكر بين ميناء بورسودان
ومنطقه الغاطس في سلاييت وفي كل مره تتوجه الباخره فيها صوب الميناء تنخلع فيها قلوب
افراد الطاقم .
وفي حوالي الساعه التاسعه مساءا جاء الخبر اليقين بانه ونسبه لبعض الظروف فان الباخره
لن تتمكن من الدخول في هذا اليوم ولكنها ستدخل في الصباح الباكر باذنه تعالي .
استسلم افراد الطاقم امام هذه الاخبار الجديده علي مضض وذهبوا الي غرفهم لتغيير ملابس
الخروج وعادوا الي الصالونات لقتل الوقت في لعب الكوتشينه بعد خيبه الامل التي اصابتهم
بعدما تهيئوا لقضاء اجمل الاوقات مع اسرهم واطفالهم وزوجاتهم .
وبينما هم مشغولين بلعب الكوتشينه ،، دلف الي الصالون كبير طباخي الباخره وهو رجل
معروف بالسخريه اللاذعه .. انهمك كبير الطباخين في عمل كبايه شاي مدنكله وبعد الفراغ
منها اخذها واخذ طريقه الي خارج الصالون ... وقبل ان يغادر الصالون التفت اليهم وصاح ،،،
مساكين والله ،،، هسي بدل لعب الكشاتين ده ،،، الواحد منكم كان يكون بين ( الصلب ) و ( الترائب )!!!..
وما اجملها من ايام لن تعود ابدا .
تخريمه :
مين يراهن بان المصريين لن يصمدوا امام الكميرون وحيطيروا من هذه المرحله ؟؟؟؟؟؟

جني

صمدوا ونص لكن كيف مع المليون شهيد (الكاس نيجيرى)

زوجتي في هذه الايام لديها معسكر لصيانه وتنظيف الحمامات ،،، وكلما اخرج في الصباح تطلب
منّي احضار ادوات النظافه ومن ضمنها ( مويه النار المركزه ) حيث تبرع البعض باخطارها بأن
هذا السائل هو الاكثر فاعليه قي عمليه التسليك .. وكنت في كلّ مره احضر في آخر النهار ومعي
المنظفات العاديّه والمتعارف عليها من فيم وهاربك وجميع الانواع من بودره وسائل ،، ولكنني في
كلّ مره كنت اتقاضي متناسيا وليس ناسيا عن احضار ماء النار ولكنها فاجأتني بالامس عند دخولي
وسالتني ،،، لماذا لم تجلب ماء النار يا حبيبي !!!؟؟؟ سألت هذا السؤال وقد برق نابها وسال لعابها !!
وعندها لعب الفار في عبّي . فهل اجلب ماء النار بيدي وافقد ماء وجهي ؟؟؟ انا الآن في حيره من امري
ولا ادري ماذا افعل وعليه اطلب من الاخوه في هذا المنتدي ان يعينوني وان يدلوني علي التصرف الصحيح
علما بانني قد قرأت في احدي الصحف بان امرأه قد قذفت زوجها بجردل مليان مويه نار والعياذ بالله .

جني المزعّل الجماعه
--------------

تخريمه :

الاخ الحبيب راشد اشكرك كثيرا علي السوأل ... والحقيقه فقد امضيت الفتره السابقه في اللهث من الساعه
الخامسه صباحا وحتي الخامسه مساءا في ديوان المعاشات وذلك لصرف المعاش الضئيل ولكننا وللاسف
الشديد كنا نرجع بخفي حنين في كل يوم ،،وسوف اعود لهذا الموضوع بالتفصيل باذن الله بس نتخارج من الورطه
القدامنا دي .

الغالي جني ...ياهلا بيك
طبعا ياجني سبب خوفتك دي كان سُرَي بالليل دواها التبروقة مع تسبيح مكثف ..أما اذا كنت بتنوم بدري وبرضو الجماعة زعلانين يبقي سبب الزعل الجري ورا المعاش ..عليه قول ليها حنقبض الشهرة ده المعاش بالدولار ولو ما غيرت رايه برضو ...ابقي جيب ليك تقرير طبي من عيادة محترمة قوليها عندي حساسية من موية النار...
لو الحلول دي كلها مانفعت فالحمد لله عندنا ليك في المنتدي صورة جميلة ( يعني ده اضعف الايمان).....
وماتخاف ح نكتب علي الصورة ( صورة وجيهة قبل الفضيحة)
...............
..........
وربنا يجيب العواقب سليمة....

العزيز جني...خلي نومك خفيف وافضل انواع النوم الخفيف عين نايمه والاخري وردية مراقبه..وصفه مجربه..وكلما شعرت بحركه مشبوهه اتنحنح..

يا حليلك كنته قيافه..
عمك

جنى....

اهلنا زمان قالوا التسويها كريت تلقاها فى جلده (كريت دى منو انا لغايت اسه مالقيت ليه اجابه),والظاهر انت عامل مصيبه كبيره عشان كده شيل شيلتك .

ودكرار