جمعية الضباط والمهندسين البحريين الخيرية ببورتسودان قادمون بقوة

بسم الله الرحمن الرحيم

جمعية الضباط والمهندسين البحريين الخيرية ببورتسودان قادمون بقوة

إنعقد الإجتماع الثالث للجمعية ببورتسودان بشاطيء مايوركا بحي الخليج .

بحضور أغلبية الأعضاء المخضرمين والجدد وكان إجتماعا ناجحا بكل المقاييس حيث تم فيه تشكيل لجنة إدارية ولجنة مالية مؤقتة لتنفيذ تكوين الجمعية وقد تلقينا إتصالا هاتفيا أثناء الإجتماع من كل من الأخ كابتن بابكر يوسف والباشمهندس خالد عبدالحميد وكان لفتة بارعة من ود الأستاذ الأصيل.

ونرجوا من جميع الأخوة الضباط والمهندسين الموجودين ببورتسودان بالإسراع للإنضمام للجمعية .

ونحيطكم علما بأن هذه الجمعية سوف تخدم الأعضاء في عدة نواحي إجتماعية وعملية وإقتصادية لدفع ورقي كل الأخوة الأعضاء لتحسين أوضاعهم العملية والمعيشية هم وأسرهم بتكافل وتآزر دائم بإذن الله .
ولقد تم الإتفاق على موعد إنعقاد الإجتماع القادم وكذلك الإجتماعية التالية في يوم السبت من كل شهر.

ونسال الله التوفيق والسداد لكل الأخوة الزملاء.

عـبـدالـقـادر أحـمــد الـقـلــع

الاخ عبدالقادر القلع الف الف مبروك للنجاح الباهر فى امتحاح مرحلة الاساس التى تم ازاعة اسمها ضمن المية الاوائل بازاعة بورتسودان المحلية وعقبال الجامعة وايضا التهنئة كابتن عوض الكريم وعبدالوهاب وحمودة وحسين على حمد ومحمد عمر بنجاح اولادهم ايضا اما بخصوص اخر اجتماع الزى لم تحضره الزى كان بتاريخ 4 ابريل كان غنى بحضور اعمامنا الكبار كابتن تبة وحسين على حمد وعبد الحليم صدقى والمهندس نميرى والطاهر الحاج ومن حسن الصدف كان الوالى يمر بالقرب من الكورنيش مكان الاجتماع وحضر الينا وسلم على كل الاعضاء فردا فردا فقدم الفاضل تنويرا سريعا لاةداف الجمعية فرحب بها الوالى وقال اريد من كل الكفاءات التى اراها امامى عمل شركة بحرية تجارية استثمارية وسوف تجدون كل الدعم من حكومة الولاية

العزيز عوض اللة وكافة الزملاء ببورتسودان...والله اسعدتني اخباركم وربنا يجمع شملنا جميعا... اتمني ان تلتقطوا القفاز الذي رماه لكم السيد الوالي وتضعوا تصورا لانشاء شركة بحرية لنقل الركاب والخضروات والعربات.. حتي لا تدخلوا منافسة مع شركتنا الام الخطوط البحرية العريقة.. علي ان تبدء العمل مؤقتا بباخرة واحدة تبحر ما بين عثمان دقنة وجدة..قدموا له دراسة جدوي جادة.. واذا احتجتم لاي مشورة ستجدونا جميعا رهن اشارتكم من دون اي مقابل.. المهم ان تقعنهوه ان يمول هذة الشركه الوليدة .. التمويل اهم عنصر.. لان الشركات الاجنبية حتي العربية منها لا تود ان تثتثمر في السودان-علي الاقل- حاليا.. اقنعوا الوالي والتقطوا القفاز وبارك الله في جمعكم الكريم وتحياتي لكم جميعا
كابتن عبد الرحمن الزين

الاخوة الاعزاء اعضاء جمعية الضباط والمهندسين البحرية...

الاخ الفاضل ود القلع...والله من دواعى سرورنا هذه الاطلاله العطره والنقل الحى المباشر لاجتماعات الجمعيه وارجو ان تقبلونا اعضاء بالمراسله ....وطبعا احنا بيناتنا خور يعنى لو وريتونا مواعيد انعقاد الاجتماع ممكن ننط فى ساره3 او مقادور ولا حتى باعبود ...نتمنى لكم التوفيق وارجو ان تاخدو كلام الوالى وعرضه المقدم على محمل الجد وان تعملوا بنصيحة عمنا عبدوس..
وممكن تكثيف الجهود والاستفاده من الطروحات القيمه من الاخ اواى فى بوست الموسسة الاستثمارية التعاونية للبحارة السودانيين .....سلام ونتمنى لكم التوفيق

أمجد عابدون كرار

يا عوض الله ويا قدّورة بعد السلام

الاخ عبدالقادر القلع الف الف مبروك للنجاح الباهر فى امتحاح مرحلة الاساس

النجح منو عشان نخش فى الصورة؟؟؟ الف مبروك (مبدئيا) والتهانى لكل الناجحين
امنياتنا لكل المشاريع النبيلة بالتوفيق،،، وبداية موفقة إن شاء الله

ياود الاستاذ ...يعنى النجح ده حيكون عبد القادر...
الف مبروك لود القلع..

أمجد كرار

يا بورسوووودان حوّل ... جاى الليلة وفى بالى بورسودان الحنينة ،، أصل بحرية السودان والقلب يهفو شرقا كلما بعد الجسد غربا ،،، اهى خطرفات .. لكن ما كان فى البال هو انو نخش من بوست حوّل ولا من عووووووك ولا من مدخل الكرم فى حضرة الفاضل وشاهيهو ،،،ام من حيث ذكرت الكوره ونادى التنس ،،، ام من اطلالات عوض الله ولا من بوستات حبيبنا ود القلع،، ام من بوست حامد العربى ولا ولا وما لم يذكر من البوستات اكتر ،،،،،
لكن بوست الجمعية الخيرية والعنوان الفنان هو اصل من اصول هذا المنتدى،، اللقيا والتواصل ،،، لازلنا فى انتظار قدومكم وبقوة ،،، شاى ،،،جبنة،، دافورى ،،، بس ابقوا داخلين ... طالت الغيبة وافتقدناكم وتناقص معدل التسجيلات الجديدة من بورسودان بصورة ملحوظة .....لكم فى القلب محبة ولبورسودان الاشواق ونكتب هذا عشماً نسأل الله ان يتوفر الوكت والكمبيوتر والكهربا والانترنت ... ان توفر ده فحديث الذكريات ما اظن صعب ،،،
قد يتــــــــبع